Kə̀fwàʼ 18:21 - To kə Kəzə̀ kə̀ Fughu ko

²¹ Ghəa ù se kuuwn zə̀ghàan ghee, ù n dzɛ̀ â ghee enyəa, “Ǹ lo kòom bùghò kòʼò nù ghɛ abugho Zə̀ kə̀ boō.” Ù n daŋso bùghò nì kɔ̀ʼ kəkwə̀n, zə̀ghàa tsùghù Ɛfɛ̄sùs.

Kə̀fwàʼ 18:21 Iomraidhean Croise

Matìo 26:39

Ù n daŋso nyɛʼɛ nùghù dàan kə̀ŋo è nduw, ù n tsughu nyaʼa è tsughu, pfʉa ndùw ùsʉ a ghueetsə̄, kàʼ ndùw alegɔ̀ŋlò enyəa, “Tsele waŋā, abugho dzì mò lo, to ghù mo ni nughu wùa zə̀ e fala zən aŋ ghùu kaŋa; yia a bugho e sô buw aledòʼò aŋghəa M̀ mòʼnlo, ghəəŋ ndùw ko ghəa zəla fə̀ŋ zə̀ghà dè kɔʼ.”

Mâk 6:46

Ghəa ù təmā nduw ghee, ù n nùghù kɔ̀ʼ ndùw aŋ kwàʼ alekɔʼɔ̄ gɔ̂ŋlò.

Lûk 9:61

Ù lì mo enyəa, “Ǹ nughùun wò ko nǔ ghàʼ à ghù a Mughùbè, na Ǹ ndûw fughuu ndûw dzə̂ nyàʼànyàʼà an ndughu alô mùghò.”

Kə̀fwàʼ 15:29

nyəa ghɛ̀ bughu naŋa alezə̄a fʉgha wəla ghe sâa ndûw alo uzʉ̀kɔ̂ŋ, kǎ nlò è mʉa kâŋ tò, kǎ nlò pfʉa nyòm zəla ghe wi mo ghe bɔe wī nû, ghɛ̀ zəghaa maʼa sugho ghəa à nu kaaŋ gho. Abugho ghɛ̀ zəghàa maʼà tsughu ghəa ghən, à lo lǒ dzɔ̀ â ghɛ̀. Dòʼo nlò kədzûŋ.”

Kə̀fwàʼ 18:19

Ghe daŋso bùghò an Efɛsùs, ù n zə̀ghàa tàʼà tsùghu ghee fughu; ndùw wən â nəŋ ko an ndùghùnè è te, ndùw kàʼ ndùw dzughu è pfʉa zo fughu ghèe ghê Dzûu tò.

Kə̀fwàʼ 18:20

A m bùghò ghe dzɛ̂ â wən enyəa ù tsùuŋ doʼò kpeʼē kəŋo ndûw ghèe ghee, ù mo è tue.

Kə̀fwàʼ 18:24

Ghùw ù Dzûu li n lo zən e mò lo Àpolòs, mò sə̀ an naʼ e Àlɛ̀kszandà, ù n ndùw bùghò an Ɛfɛ̄sùs. À n lo mò lo dzɔ̀ɔdzə̀, ù m biso kwo sugho mwàʼsò kə Kəzə̀.

Kə̀fwàʼ 19:1

Ghəa Apolòs lò aŋ Kɔlèent, Pôl n tsə̀gha kɔʼ ndùw naʼ ènaʼ ndùw nyə̀ ndùw an naʼ zə Ɛfɛsus. Ù n ndùw kòʼ ndùw tsə̀təndə̄ghā tə Yɛso tə̀ li to fughu.

Kə̀fwàʼ 19:17

Tə̀dzûu àsùghò Tòʼò zən è dzə̀m ghe mò mughu an Ɛfɛ̄sùs n zuw ghəa ghən, fə̂ŋ tə̀ n sə tsughu ghee a dzə̀m ènyə: ghe daŋso kaʼ ndùw alefughu ŋkɔʼso â Mughu ù te Yɛso.

Kə̀fwàʼ 19:21

Aŋghəa ghəa ghən a dzə̀m ndòʼ tsəghà tsughu, Pôl n tsə̀m tsùghù am fə̂ŋ è wə̄n enyəa e tsəghàa sə̌a ndùw dzì am Masɛ̀donìa àsùghò an Àkaeyà, e ndûw an Yɛ̀lusalɛ̀m, ù mo enyəa, “Abugho Ǹ lo ndûw tɛ̂ tsughu fughu Ǹ lo ki sugho alekòʼ Lumà.”

Kə̀fwàʼ 20:16

À mò êzə lo Pôl màʼà ləghaa aletsə̀ghàa taʼà Ɛfɛ̄sùs enyəa e lô boōn nəgha zo am mbùʼ è Ɛshìa, aleghəə̄ŋ tsughu enyəa mo e bo ko ènzə̂n e lo alenyə an Yɛ̀lusalɛ̀m tsuʼu Pɛntɛ̄kɔ̀st.

Kə̀fwàʼ 21:14

A m bùghò a nyɔ̂n ke wə̄n, a mo è zəghaa, dzɛ̀ tsughu ko enyəa, “Ghəa a te a doʼò ndûw aŋ ghəa Mughu ù te tsəm.”

Kə̀fwàʼ 21:29

Ghe mò enyə kəaa ghe màʼa fə̀ lo mo ghe maā wən enaʼ bûʼ kòʼ ghèe Tə̀lòfimùs, ghùw Ɛfɛ̄sùs, tûw wəla ghe mò moʼò enyəa Pôl maā wə̄n am be kə ndughene è Kəzə̀ nî nyə̀ wò.

Lumà 1:10

Yìa Ŋ̀ gɔ̂ɔŋ zeē sughò enyəa to Zə̀ kə̀ mò ghəəŋ tsughu enyəa Ŋ̀ ŋgəmso bughò tɛ̂ fi a vʉ̀a ghɛ̀.

Lumà 15:32

Ghɛ̀ e gɔɔ̄ŋ tsughu sugho enyəa mùghò e lo alebùghò sə fi a vʉ̀a ghɛ̀ abugho Zə̀ kə̀ boō dzə, mò fə̀ŋ zaŋa zɔlɔ nù, àsùghò enyəa M̀ bughò zʉ̂ʉn daŋà tsəghà ughue fì èzə̀ sɛ̀.

1 Kòlentìan 15:32

Abugho e mô kpɛʼɛ lô enyəa M̀ mafə ŋgè kə bu ghàʼ à ghê nyòm tə ŋgwən to, aŋghəa ghî à buʼù nîi ko ghəa gho a te, M mô a te so e zəa kɔʼɔ kə̀ kwò? Abugho ghe yò alezòo nughù kɔʼ ghî à kpuuwn gho alo evʉ̄, ghən lò ghəa ghəla ghî à li a dzâa tsughu enyəa, “Bùghò nlò tò sɛ̀ zə, a mʉ, tɔŋlo enyəa sɛ̀ lo kpūuwn nù tsʉtsʉ.”

1 Kòlentìan 16:7

Nu Ǹ ləghaa yo alekòʼ ghɛ̀ êzə̄ŋ mò Ǹ tsəghàa dàŋso dzì, M̀ moʼò aletsoō bughò doʼò kəŋo ndûw fì êzə̀ sɛ̀ an də̀ghà kə kəghāa, abugho Mughu ù te kê boō dzə̄.

1 Kòlentìan 16:8

Ŋ̀ kuuwn dòʼn ko fɛ̄ am Ɛfɛ̄sùs to nəgha e zə kə Pɛntɛ̄kɔ̀st è lo kpeē tsughuu dzə̂.

1 Kòlentìan 4:19

Ǹ lo kuūwn kùʼù bùghò tàa nù a fì a vʉ̀a ghɛ̀, abugho Mughu ù te boō dzə. Abugho Ŋ̀ kê bugho, Ǹ lo kəŋo kele səā kɔʼ mùghò â nə ko daʼa kəla ghî à ghaŋso ghə eghùe ghən ki, mò à yò ko ghəa ghəla ghe kə̂aa səā wo alo edzughu.

2 Kòlentìan 13:11

Aletsəlā tsughuu ghəa ghən a waazə̂ ghò, dòʼo nlò kədzûŋ. E dəma tsughuu ko aleghəəŋ ghəa à dzûŋ ghəla a lô tsəghatsəgha, zuw nlò dî zaŋa zo. Dòʼo nlò alo kəfəgha kə mɔ̀ʼ, ghɛ̀ è mughu alo ebūghūnlō. To Zə̀ kəla kə dêe ləgha zo, fughuu sùghò èbughunlo mô lǒ ghɛ̀ à ghee.

Efɛsùs 1:1

À mwàʼsò kən kə tɔɔ wò mùghò Pôl, mùghò tum è Kə̀lestò Yɛso zəla Zə̀ kə̀ mò tsɔʼ kɔʼ. M̀ mwàʼsò kən kə tɔɔ wò â ghɛ̀ ghî a Kəzə̀ ghəla ghe gaʼ tsughu fə̂ŋ tɛʼɛ to â Zə̀ kò am mùghù zɛʼɛ àsùghò aŋghəa ghɛ̀ lo alo kəfəgha kə mɔ̀ʼ ghɛ̀ à ghê Kə̀lestò Yɛso an naʼ zə Efɛsùs.

Hibùlù 6:3

To sɛ̀ mô ndzə̂a â sə ko, ghàʼ lo zoʼn nù ghɛ aŋ ghəa ghəla a tsəghàsə ghən, abugho Zə̀ kə̀ tsəm.

Dzɛ̂ms 4:15

Ghɛ̀ laam ki aledzàa tsughu enyəa, “Abugho Mughu u te tsəm, to sɛ̀ ghə̂əŋ ghəa zən zo ŋkāa ezə̂.”

1 Pità 3:17

Tɔŋlo enyəa e dzɔ̂ɔ â ghùw alefala bòʼ enyəa ù ghə̀ŋlo edzɔ̀, abugho e lo mò à tsə̀m Kəzə̀; tsə̀ghàsə alefala enyəa ù mò ghə̀ŋlo ebo.

Edêe Fughu 1:11

Dzə̀ e te n dzâa tsùghùu enyəa, tɔm tsughu fəgha kəla ghù kǒʼ, ghù tum ndùw mwàʼsò kə te ko â dzweŋe u ghì a Kəzə̀ wə̀n sə̀ghàmbəgha — an Ɛfɛ̄sùs, Smyna Pɛ̀gamò, Tytēlà, Sades, Fìlàdɛfìa àsùghò Lùdisìa.

Edêe Fughu 2:1

Yɛso n dzɛ̀ wò sùghò â mùghò enyəa, “Tɔm tsughu â tsə̀ndə̄ghā è Kəzə̀ è dzeŋe kə ghì a Kəzə̀ zə Ɛfɛ̄sùs enyəa; ‘Ghùw wəla ù ki sə̀ghàbəlà mə̀n mò sə̀ghàmbəgha aŋ ghu kə wə̄n kə̀ zə̀a ko, vʉ̀a ù bwìi wo am faʼnlo e twii u tə̀lâm wə etsɛ̀ wən sə̀ghàmbəgha dzɛ̂ enyəa,