Kə̀fwàʼ 17:5 - To kə Kəzə̀ kə̀ Fughu ko

⁵ Dzûu tə̀ li tə ŋ kuūwn ghòʼ ndùw nù ghəa e te zo, nì sə̀ wò àghì aŋ ghì à tughuu kətūw gho, zùuŋ tsùghù aghî, nùghù tìso naŋa kɔʼ enaʼ alo efwēe; ndùw bàʼ kwu kɔʼ be kə Dzasòn, ghe kəŋo alenìi fughuu səā wô Pôl ghee Saelàs â ghì ghò.

Kə̀fwàʼ 17:5 Iomraidhean Croise

Matìo 27:18

Ù fə̀ enyə bvʉ nduw bòʼ ù kwo enyəa à lò ko kəmʉ̀nlo kə ghəŋlo ghe yia kwu fughu wô Yɛso.

Kə̀fwàʼ 13:45

A m bùghò Dzûu tə̀ fwə̂n kôʼ tsughu nɔ̂e wo aghì wò, ghe ŋ kàʼ ndùw alemʉnlo; alesùwnlò, alesùwnlò, ghe ŋ waʼn màʼà kɔ̀ʼ ghəa yia Pôl mò kəaa.

Kə̀fwàʼ 14:19

Dzûu tə̀ li tə n ndùw nughù wò an Antìok àsùghò an Ekonìum bughò kòom fɔ tsughu tɔ u ghì yì, ghe ŋ kòom kàʼ ndùw Pôl alo atia aletə̄mlō, sè nùghù sə̀ ndùw wən alo enaʼ mòʼò ko enyəa ù m kpuw.

Kə̀fwàʼ 14:2

Dzûu təla ghe mò kuūwn boōm yo n tsùʼ sòʼ kɔ̀ʼ Etoʼò, tsʉ̀ bǒon tsughu ghee, ghe n nùghù nùghù ndùw an tuw kə tsə̀təndə̄ghā.

Kə̀fwàʼ 17:13

A m bùghò Dzûu tə̀ li to an Tɛ̀sàlonikà tə̀ zuw tsughu enyəa Pôl kə̀aa sùghò shwaʼ u Kəzə̀ an Bɛ̀lîa, ghe n ndùw bùghò sùghò fughu, bùghò tsùʼ sòʼ tìso naŋa kɔʼ enaʼ alo efwēe.

Kə̀fwàʼ 17:6

A m bùghò ghe doʼŋkè kôʼ ghee, ghe ŋ kwu kɔʼ Dzasòn à waazə̂ à li gho, sè ndùw ghee a vʉ̀a ghê sàʼàtə̀saʼ, buʼn dzàa ndùw alo mbɔ̀ŋ enyəa, “Ghî ghəla ghe tso tiso naŋā kɔʼ mbī zən alo efwee m bùghò sə̀ sùghò fɛ,

Kə̀fwàʼ 17:7

Dzasòn vʉ̀a ù nì naŋā tsughu ghee; mo ghe bɔɔm zaʼa ndùw kô lwàŋ u Də̀ŋ kə Lumà kə̀ ne ko, mbuufīa ghe dzâa wô enyəa də̀ŋ kə̀ li kə lo nû mò à lò Yɛso.”

Kə̀fwàʼ 17:9

A m bùghò ghe ghəə̄ŋ tsughu Dzasòn ghèe ghê ghì a Kəzə̀ à li yi tsə tsughu fəgha kela ghe mò ləghaa ghè kò, ghe n zə̀ghàa màʼà ndùw ghee.

Kə̀fwàʼ 18:12

A n ndùw bùghò Galìo bùghò doʼò tsughu tuw ko am mbùʼ è Àkaeyà, Dzûu tə̀ n nùghù maŋkwu kɔʼ Pôl, sè wò wən aŋ kaŋsì,

Kə̀fwàʼ 19:40

Nu ghəa a lô fɛ ghe lo alebəlā kwū sɛ̀ nɛ enyəa sɛ̀ sôʼ kə̀ndə̀m, sɛ̀ ki yo ghəa zo aledzɛ̀ aŋ ghəa ghəla a dəmà fɛ a tè.”

Kə̀fwàʼ 7:9

Tuw u təndùm u sɛ̀ u te wə m mʉʉn tsughu Dzùghùsî, nì fèe tsùghù ndùw wən alo Edzìpt, Zə̀ kə̀ ŋ kuuwn ti an tuw kə wə̄n.

Lumà 16:21

Timotì, ghùw ù kəfwàʼ waŋa tum wò ghɛ̀ â tɔɔŋ zo. Lusìus ghèe ghê Dzasòn àsùghò Sòsispatà tɔ̌ɔŋ zùw wò sùghò ghɛ̀.

1 Kòlentìan 3:3

Tɔŋlo enyəa ghɛ̀ naam mùghù ko làŋà kə e mùghù kə ghì a mbī gho. Abugho ghɛ̀ mʉʉ̄n ghue zɛʼɛ zo, buu kəŋgè alo eghùe e fi mgbaŋa dèe ko enyəa ghɛ̀ lo ghî a mbī gho, ghɛ̀ yia ghəə̄ŋ sughò ghəa ghəla ghî a mbī a ghəə̄ŋ kaŋlo.

2 Kòlentìan 11:26

Am bwìi zaŋa zəla Ǹ tsoʼn səā bwîin zeē, dzùghù mò kuŋso ke mugho, ghîitsɔŋɔ ghe wì kè mùghò, Dzûu tə̀ ŋ wì kè mùgho, àsùghò Tòʼò zò. Ghe ŋ wì kè sughò mughò enaʼ, mùghò m kpùw kè sùghò aŋ ŋgwə̄n àsùghò and dzùghùntsòʼ, mùghò n lo sugho an utsù ghàʼ à ghêe fən ghə agha gho.

Gàlashìan 5:21

sə à səa gho am fʉgha u aghì, lʉ̀ m mʉ̀aa kala mò, dzweŋe ù biigh wo. Àsùghò ghəa à biigh à li gho. M̀ maa ghɛ bùʼ kwɛ̀ɛn dzə̀ tò aŋghəa Ǹ naām kwɛ̂ɛn wô ko sughò ghɛ êzə̄ŋ, enyəa ghùw wəla ù mùghu ŋgòʼ è mùghù zən zo yǒ tò ù e zə fɔ̂e u Kəzə̀.

Gàlashìan 5:26

E kwo ko sɛ̀ lô so e kɔʼso èghue ŋkāa a ka e soʼsō kaaŋ ghî ghò. A ka e mʉʉn sugho fəgha kə ghûw kò.

1 Tɛ̀sàlonìan 1:6

Ghɛ̀ ŋ kàʼ tsughu alekòʼò nî mùghù zaʼa àsùghò e Mughu ù te zo. Aŋghəa e fə̀ bûʼ lo ko êzə̀, ghɛ̌ fə̀ buʼ kele ko fə̀msō ko aŋ ghùu ghì ghò enyəa so ghɛ̀ zuuw wò shwaʼ waʼa, Zuʼ tə̀ Zɔlɔ tə ŋ ŋgəəŋ ghəəŋ ko nù ghɛ̀ n tsoʼnlo.

Dzɛ̂ms 4:5

Ghɛ̀ moʼò èndughō an shwaʼ wəla ghe tɔm naŋa am Mwàʼsò kə Kəzə̀ enyəa, “Zə̀ kə̀ kûm ləghaa nù Zuʼ tə̀là Ù lǒ mò Ù m fughu â sɛ̀ à.” À lǒ mò shwaʼ wən lo agha a?