Kə̀fwàʼ 17:12 - To kə Kəzə̀ kə̀ Fughu ko

¹² An dziī zən, ndə̀mà tə Tə̀dzûu tə̀ m boo fùghù è nduw à ndə̀ma tə ghì a Gə̀lês à səŋò ghò to ghînûu a ghee a fə̀ boō fughu sugho.

Kə̀fwàʼ 17:12 Iomraidhean Croise

Mâk 15:43

Dzùghùsî, ghùw ù Àlìmatìa ù lì, n dzə̀n tsùghu fə̀ŋ, ndùw kòʼ ndùw Paelɛ̀t, ndùw nɔ̀e ndùw gwən e Yɛso enyəa e ndûw tsəla. Dzùghùsî wə̄n fə̀ lô ghùw ù kaŋsì mo ghe tsəŋo nu wə̄n, mò ù lə̌əm tsə̀ghà sùghò fɔ̀e u Kəzə̀.

Dzɔ̌n 7:17

Abugho ghùw tsə̀m tsughu alefwàʼ fəgha kə̀là Zə̀ kə̀ ləghaa ghè kò, to ù kele enyəa tsʉ̂ e te e nughù wò aŋ ghùu Zə̀ kò, ŋkāa Ŋ̀ kə̂aa wò ghəa a kəghu ghaŋā.

Kə̀fwàʼ 13:46

Pôl ghèe Bànabàs n daŋso dzeŋe dò kə̀a sə̀ wò àghəa, dzàa ndùw enyəa, “E mô kpè nû enyəa a buʼù kə̂a wô dzə̂ shwaʼ u Kəzə̀ â ghɛ̀. Yia abugho ghɛ̀ tue maʼā, nì tsùghù enyəa ghɛ̀ kâ kɔ̀ʼ kpè tò ghɛ̀ è zə etsɛlɛ̀, ghàʼ fwəlà fùghuu ndùw êzəŋ â Tòʼò zò.

Kə̀fwàʼ 13:50

Ghî à ne a Tə̀dzûu ghə̀ ŋ kuuwn tsuʼn kaaŋ kô ghì à tughu gho alo enaʼ àsùghò ghìzən à ne ghəla ghe mò lo mo ghe m boo aŋ Kə̀lestò, ghe n nùghù kàʼ ndùw Pôl ghèe Bànabàs alebɛ̀, dzùm sə kɔʼ ghee am mbùʼ è ghee.

Kə̀fwàʼ 14:1

Pôl ghèe Bànabàs ndùw nyə tsughu an ndùghùne è Tə̀dzûu an Ekonìum, kə̀a àghəa a fughu an dziī zəla ndə̀mà tə Dzûu ghèe ghê Gə̀lêk tə̀ m boo fughu ndùw â Kə̀lestò.

Kə̀fwàʼ 2:47

Ghe ŋ kɔʼso Kə̀zə̀, ghî ghə̀n à dzə̀m n ləghaa ghee. Mughubè ù te m bəghaasəa tsughuu àghì tsuʼu n tsùʼu, baʼso wò aŋ kɔ̀n kə ghee.

1 Kòlentìan 1:26

Waazə̂ ghaŋa gho, kòʼo tsughu aŋghəa ghe mò tɔŋɔ ghɛ a te, ndəm zɛʼɛ mò yo dzə̂ ghî à tɔɔ gho an sə a ghì a mbī gho, ndəm zɛʼɛ ŋ ki dzə yo daʼa kə li ko, ndəm zɛʼɛ ŋ kè seā sughò an ndùm tə səŋò tò.

Efɛsùs 5:14

Zə̀ lò e ghee ghe dzâa tsughuu enyəa, “Hɛɛ mugho fə̀ŋo tə̀mgbii, zôo nùghu kɔʼ alo evʉ̄, ghù tee kɔʼ alò fwē, tò Kə̀lestò lo ghəŋlo tsə̀ e wən e tughuu a zɔŋɔ ghù.”

Dzɛ̂ms 1:10

Ghùw ù kǔu e tsɔɔ̄ sugho fə̀ŋ enyəa Zə̀ kə ŋ wə̄n etsən tsughu naŋā, nu ù lo tsə̀ghàa mìaan ko tò ghê kə ŋgwə̄n ko.

Dzɛ̂ms 1:21

À fi lo enyəa ghɛ̀ ki alezə̀ghàa maʼà dzə̀adzə̀ tə bòobò tə aghəa tɛʼɛ̄ tə te to, ghɛ̀ ni ŋgɔɔm naŋa wo shwaʼ wəla Zə̀ kə̀ dzə̂n naŋā am fə̀ŋ tɛʼɛ, mo u ki kədaʼa alebəghaasə ghɛ.