Kə̀fwàʼ 17:11 - To kə Kəzə̀ kə̀ Fughu ko

¹¹ Dzûu tən fɛ mò nəəŋ kuuwn mbvuʼū ghəəŋ nû tsə̀ghàtàʼà təla tə mò lo an Tɛ̀sàlonikà, nu ghe mò zəən shwaʼ u te wo alo mmbuuw, tɔ̀ʼn zěe səa kɔʼɔ am mwàʼsò kə Kəzə̀ enyəa ghəa ghən lo to ezə̀ à.

Kə̀fwàʼ 17:11 Iomraidhean Croise

Matìo 13:23

Yia a bughò ghəla ghe mò bvʉ an zù è dzùŋ, à lǒ ghee ghəla ghe zuw shwaʼ u te wo, zuwkɛlɛ è tsughu; ghe yia noō bɔŋ dzɔ̀ tsughu buʼ a dzûŋ ghò, buʼ à li ghə m fughuu kɔʼɔ àsə fəbɔm, à li ghə m fughu kɔʼ asə ŋghəm tǔu, à li gho ŋghəm n təgha.”

Lûk 1:2

Ghe fə̀ tɔɔ fəgha kəla sɛ̀ fə̀ zuw aŋ ghùu ghì ghəla ghe fə̀ kôʼ aŋghəa ghəa a te a fə̀ kaʼ tsughu alenì kə̀bəla a te, ghe m bwîi dzàa wò.

Lûk 11:3

E fughuu ghaʼ â fə̀ghàzəa ko tsuʼu mən n dzə̀m n dzə̀m;

Lûk 16:29

Abə̀làhâm ŋ kuuwn dzɛ̀ enyəa, “Ghe ki nû lâŋ kə Musî kò àsùghò tsʉ̀ e ghîishʉ̀gha zò, ghe e bwiī nduw a te.”

Lûk 24:44

Ù daŋso dzɛ̀ â ghee enyəa, “Wən lò shwaʼ waŋa wəla mùgho fə dzɛ̂ â ghɛ̀ ghəa mùgho fə̀ naam lo sɛ̀, enyəa ghəa ghə̀n à dzə̀m ghe tɔm naŋā am mwàʼsò kə Musî, àsùghò am mwàʼsò wəla ghiīshʉ̀ghà à fə̀ tɔm naŋā, àsùghò mwàʼsò kə Sâams kò kùu wo mùghò, a ki alenì kəbəla.”

Dzɔ̌n 3:21

Ghùw wəla ù kuūwn ghəəŋ ghəa a səŋò ghò, ù sə̌a wò nù an tsə̂, enyəa to ghəa a wə̄n a mô dêe səā wô enyəa à lò ghəa ghə̀là Zə̀ kə̀ ləghaa.”

Dzɔ̌n 5:39

Ghɛ̀ kəŋo kô ghəa ghəla a lô am mwàʼsò kə Kəzə̀, bòʼ ghɛ̀ sô moʼò enyəa à lò a te ghɛ̀ kele mughù è doʼn təla zo; mò à mgbàŋ lò ko mwàʼsò kə̀ mɔʼɔ̄ kən ko kə teso dzâa wô ghəa ghaŋa gho.

Kə̀fwàʼ 10:33

Mùghò n daŋso tum tsughu ghùw enyəa ghe mbaā bughò tɔŋɔ̄ fughu ghû, ghù vʉ̀a ù tso ŋge dzɔ̂ sugho, è bugho. Ghàʼ fɛ êzəŋ lo nû, an sə kə Zə̀, alezəə̄n mɛʼɛ̀ ghəa ghə̀n à dzə̀m Mughubè ù te dzɛ̂ enyəa ghù kəaa wo.”

Kə̀fwàʼ 11:1

Tum tə Yɛso à waazə̂ a ghî a Kəzə̀ à li ghəla ghe mò lo an Dzùdîa n zuw tsughu enyəa Toʼò zə̀ m boo sùghò shwàʼ u Kəzə̀ wò.

Kə̀fwàʼ 17:1

A m bùghò Pôl ghèe Saelàs tsə̀ghasə wo Amfipolès àsùghò Àpòlonìa, ghe n sə̀ wò an Tɛ̀sàlonikà, mò ndùghùne è ghì a Dzûu lǒ fughu.

Kə̀fwàʼ 2:41

Ghî ghə̀ n zuw shwaʼ u Pità vʉ̀ boo fùghù è nduw, ù m fughu tsughu ghe â mùghù ŋ Kə̀zə̀ mò; kam tə aghì tə̀ m baʼso wò am fɔe kə ghee tə təgha an tsuʼ fə̀ efì.

1 Tɛ̀sàlonìan 1:6

Ghɛ̀ ŋ kàʼ tsughu alekòʼò nî mùghù zaʼa àsùghò e Mughu ù te zo. Aŋghəa e fə̀ bûʼ lo ko êzə̀, ghɛ̌ fə̀ buʼ kele ko fə̀msō ko aŋ ghùu ghì ghò enyəa so ghɛ̀ zuuw wò shwaʼ waʼa, Zuʼ tə̀ Zɔlɔ tə ŋ ŋgəəŋ ghəəŋ ko nù ghɛ̀ n tsoʼnlo.

1 Tɛ̀sàlonìan 2:13

Ghàʼ yìa fughuu zeē sugho zɔ̀ɔŋ kò â Zə̀ kò bòʼ enyəa shwaʼ u Kə̀ zə̀ wəla ghǎʼ mò naʼà wo â ghɛ̀, ghɛ̀ mafə zuw, è boo, mo ghɛ̀ ka fə nî dzə̀ shwaʼ u te wo tò shwaʼ u ghûw ù lì, ghɛ̀ mò kuūm ni tsughu shwaʼ u te wo enyəa à lò shwaʼ u Kəzə̀, dèe êzə̀ mò à kùum lò u ghee, wəla u fwaʼā êzə̄ŋ a zəŋò ghɛ̀ ghəla ghɛ̀ boō fughu â wə̄n.

2 Tɛ̀sàlonìan 2:10

Ù lo e niī wo bòobò tə agha tə wən to tsèe ndùw ghî ghò an ndə̀mà tə tədzǐi, ghî ghəla ghe fə̀ fôʼ naŋā enyəa ghe kê sə̌a mìanlò alo kələ̄ŋ, bòʼ ghe tue maʼa aleboo fughu â sə̀ŋò zò to ghe zə kətuw.

Dzɛ̂ms 1:21

À fi lo enyəa ghɛ̀ ki alezə̀ghàa maʼà dzə̀adzə̀ tə bòobò tə aghəa tɛʼɛ̄ tə te to, ghɛ̀ ni ŋgɔɔm naŋa wo shwaʼ wəla Zə̀ kə̀ dzə̂n naŋā am fə̀ŋ tɛʼɛ, mo u ki kədaʼa alebəghaasə ghɛ.

1 Pità 2:2

Ghɛ̀ doʼo tsughu tò wɛ à bughu gho, à è zuʼso təla ko ghɛ fə̀ŋ è mele kə̀ zɔlɔ kəla kə lô shwāʼ u Kəzə̀ wò, tò enyəa, abugho ghɛ̀ mʉā ko ghè kò, ghɛ̀ ke noo kɔʼ wo aŋghəa Zə̀ kə̀ ləghaa, tò ghɛ̀ ke zə tuw ko.