Kə̀fwàʼ 17:1 - To kə Kəzə̀ kə̀ Fughu ko

¹ A m bùghò Pôl ghèe Saelàs tsə̀ghasə wo Amfipolès àsùghò Àpòlonìa, ghe n sə̀ wò an Tɛ̀sàlonikà, mò ndùghùne è ghì a Dzûu lǒ fughu.

Kə̀fwàʼ 17:1 Iomraidhean Croise

Kə̀fwàʼ 14:1

Pôl ghèe Bànabàs ndùw nyə tsughu an ndùghùne è Tə̀dzûu an Ekonìum, kə̀a àghəa a fughu an dziī zəla ndə̀mà tə Dzûu ghèe ghê Gə̀lêk tə̀ m boo fughu ndùw â Kə̀lestò.

Kə̀fwàʼ 15:21

Sʉ̂esʉ ghî a fə̀ lo tsəgha nû an nàʼà tə̀n tə̀ dzə̀m ghe mò dêe tsəghà ghəa ghən an làŋ kə Musî an ndughutə̀ne to tsuʼntəntsə̄ tən tə̀ dzə̀m.”

Kə̀fwàʼ 16:13

A m bùghò Tsuʼntsə̄ ghàʼ n zə̀ghaa è tsughu ndùw an twee wə enaʼ a ŋgùŋ è dzùghù, a màʼa kwo enyəa luʼu kə ghì a Dzûu kə̀ nduw gɔɔŋ kə lo fūghu, ndùw gàʼ dòʼo è tsughu, kàʼ ndùw ghəa à kəā gho â yìzən à li gho ghe mò zûuŋ doʼ a fughu.

Kə̀fwàʼ 17:10

A m bùghò waazə̂ à li yi nî ndûw təmā zəghàa ndûw Pôl ghèe Saelàs â tsuʼ wo am Bɛ̀lîa; ghe n ndùw fughu, ndùw nyə̀ ndùw an ndùghùne è ghì a Dzûu.

Kə̀fwàʼ 17:11

Dzûu tən fɛ mò nəəŋ kuuwn mbvuʼū ghəəŋ nû tsə̀ghàtàʼà təla tə mò lo an Tɛ̀sàlonikà, nu ghe mò zəən shwaʼ u te wo alo mmbuuw, tɔ̀ʼn zěe səa kɔʼɔ am mwàʼsò kə Kəzə̀ enyəa ghəa ghən lo to ezə̀ à.

Kə̀fwàʼ 17:13

A m bùghò Dzûu tə̀ li to an Tɛ̀sàlonikà tə̀ zuw tsughu enyəa Pôl kə̀aa sùghò shwaʼ u Kəzə̀ an Bɛ̀lîa, ghe n ndùw bùghò sùghò fughu, bùghò tsùʼ sòʼ tìso naŋa kɔʼ enaʼ alo efwēe.

Kə̀fwàʼ 20:4

Ghî ghə̀là ghèe ghee mò bwîi nduw a dzə̀m mò lo Sòpatà, wɛ̀ ù Pilhùs, ghùw ù Bɛ̀lêa àsùghò Àlestālkùs ghèe Sɛ̀kundùs, ghî a Tɛ̀sàlonikà. Gayòs, ghùw Dəlbì, n lo àsùghò Timotì; Tykə̄kùs n lo àsùghò Tə̀lòfimùs, ghî a Ɛshìa.

Kə̀fwàʼ 27:2

A n nì kɔ̌ʼ kwə̀n kə̀ li ko kə nughu wo an Àdə̀làmitìum, mo kə ki alendùw shueʼe am bala e ukwə̀n è shueʼe zəla e doʼò tsughu nduw aŋ kùw kə Ɛshìa, nùghù ndùw â dàŋ kò, ghàʼ à ghê Àlestālkùs, ghùw Màsɛ̀donìa ù sə an nàʼà fə Tɛ̀sàlonicà.

Fèlepìan 4:16

Tɔŋlo enyəa ghəa mugho fə̀ bûʼ lô ko an Tɛ̀sàlonikà ghɛ̀ n tum mugho â yòsò zò, kòom tum à kpeʼe.

1 Tɛ̀sàlonìan 1:1

À mwàʼsò kən kə tɔɔ wò mùghò Pôl, ghàʼ à ghê Timotì àsùghò Saelàs â ghɛ̀. Ghǎʼ mwàʼsò kən kə tɔɔ wò â ghɛ̀ dzeŋe kə ghì a Kəzə̀ ghò an naʼ e Tɛ̀sàlonikà; ghɛ̀ lo ghî a Kəzə̀ tɔɔŋ, Tsele ù te ghèe Mughùbè Yɛso Kə̀lestò. Gɔ̂ɔŋ zaʼa e lo enyəa, to Zə̀ kə̀ mô dê ghɛ̀ â dzɔ̀ e wə̄n zo, kə fughuu sughò ghɛ̀ â bughuun zo.

1 Tɛ̀sàlonìan 2:2

Ghɛ̀ kwo nû aŋghəa ghǎʼ mò fala a te am Felèpîi àsùghò aŋghəa ghe fə̀ sûuwn ghaʼ a te fughu alo enaʼ. Ghəa e mò bûʼ lô ko enyəa ghe mò ŋgee fughuu ghaʼ â tsù wo fughu alo enaʼ, Zə̀ kə sɛ̀ kə̀ n naam fughu tsughu ghàʼ â fə̀ŋ è te â ghàʼ alenāʼn wô làbəlà è dzuŋ zə̄n â ghɛ̀.

2 Tɛ̀sàlonìan 1:1

À mwàʼsò kən kə tɔɔ wò mùghò Pôl, ghàʼ à ghê Timotì àsùghò Saelàs â ghɛ̀ yia ghɛ̀ lo mò ghɛ̀ m boo fughu â Zə̀ ko, Tsele ù te ghèe Yɛso Kə̀lestò fi an Tɛ̀sàlonikà. Ghàʼ fughuu wô ghɛ̀ â tɔɔŋ zo.

2 Timotì 4:10

Dɛ̀mâs ŋ kele sə à səa gho a m fʉgha u mbī wo, vʉ̀a ù zə̀ghà maʼà tsughu mugho, nùghù nduw an naʼ e Tɛ̀sàlonikà. Kə̀lesɛ̀ns maā nughù ndùw an Gàlashìa, Taetùs n nùghù ndùw an Dàmatìa