Kə̀fwàʼ 16:7 - To kə Kəzə̀ kə̀ Fughu ko

⁷ A m bùgho ghe bugho tɛ tsughu an twee u Myshia, ghe n se nyəa ndûw am mbùʼ è Bìtinìa, Zuʼ tə Yɛso tə̀ ŋ kè boo;

Kə̀fwàʼ 16:7 Iomraidhean Croise

Lûk 24:49

Kòʼo sùghô, Ǹ tuu wò nù to kəla Bəghà fə̀ to naŋā â ghɛ̀, kuuwn bɔ̄ɔm dòʼo tsughu ko nlò fɛ, ghɛ̀ ni kɔʼ dzə daʼa ko aŋ ghùu Zə̀ kò.”

Kə̀fwàʼ 16:8

ghe fi tsəghà tɔɔn daŋso nyə ndùw Myshia, sə tsughu daŋso ndùw an Təloas.

Kə̀fwàʼ 8:29

Zuʼ tə̀ Zɔlɔ ti tə n dzɛ̀ â Felêp enyəa, “Dzǔu kwuun ndùw nwaŋ u kəkə̀anyòm ù vʉ̂ ghɛ̀ è kuʼū bwiī nduw.”

Lumà 8:9

E kuuwn lò ko enyəa ghɛ̀ ka fə fə̂ŋ tɛʼɛ tə naŋa dzə̀ am fʉgha wəla gwən e ughùe zɛʼɛ e ləghaa; ghɛ̀ laam naŋa fə̀ŋ tɛʼɛ to am fʉgha wəla Zuʼ tə Zɔlɔ tə ləghaa, abugho e kûm lò dzə̂ enyəa daʼa kə te kə lo nû a zəŋò ghɛ̀. Ghùw wəla ù ki yo Zuʼ tə̀ Zɔlɔ təla tə nughu wo aŋ ghùu Kə̀lestò fi yo dzə̄ ghùw ù Kə̀lestò.

Gàlashìan 4:6

Zə̀ chìa kə dzə̂n nyə wo Zuʼ tə Wɛ ù wə̄n to am fə̀ŋ tə sɛ̀ aledèe tsughu enyəa sɛ̀ lo wɛ a wə̄n. Zuʼ tə te tia tə ghəŋlo sɛ̀ yia a tɔɔŋ tsughu Zə̀ kò enyəa, “Bəghà! Tsele waŋā!”

Fèlepìan 1:19

E lo nû èsəŋò enyəa Ǹ lo naam ki nû aleduʼnlo, Ǹ sô kwo enyəa gɔ̂ɔŋ zɛʼɛ àsùghò daʼa kə Yɛso Kə̀lestò kò lo bəghaasəa nù mugho.

1 Pità 1:1

À lò mugho Pità, tɔɔŋ tùm è Yɛso Kə̀lestò — M̀ mwàʼsò kən kə tɔɔ wò â ghɛ̀ ghì a Kəzə̀ ghəla ghɛ̀ ti nân doʼò kaāŋ tsəgha aŋ kɔlɔ tə Pontùs, aŋ Gàlasìa, Kàpàdosìa, Ɛshìa, àsùghò am Bìtinìa.

1 Pità 1:11

Ghe n də̀m tsughu alemòʼn kele səā kɔʼ nəgha e te zo àsùghò dzì zəla ghəa a te a lo səā a te. Zən fə̀ lo nəgha zəla Zuʼ tə Kə̀lestò təla tə lo a zəŋò ghee fə̀ dêe naāŋ nduw ghee â ghəa ghəla Kə̀lestò lo ki alefala a te àsùghò səghanyəgha məka ù kè lo a te.