Kə̀fwàʼ 16:6 - To kə Kəzə̀ kə̀ Fughu ko

⁶ A m bùgho Zuʼ tə̀ Zɔlɔ tə tue enyəa ghe ka ghəa gho am mbùʼ è Ɛshìa kə̂aa, ghe n tsə̀gha sə̀ ndùw dzi am Fə̀legia àsùghò aŋ Galɛshia.

Kə̀fwàʼ 16:6 Iomraidhean Croise

Lûk 1:2

Ghe fə̀ tɔɔ fəgha kəla sɛ̀ fə̀ zuw aŋ ghùu ghì ghəla ghe fə̀ kôʼ aŋghəa ghəa a te a fə̀ kaʼ tsughu alenì kə̀bəla a te, ghe m bwîi dzàa wò.

Kə̀fwàʼ 10:19

Ghəa Pità naām kəŋo tuw ko aŋ ghəa yì ù kòʼ tsughu an udzǒo, Zuʼ tə̀ Zɔlɔ tə te tə n dzɛ̀ â wən enyəa, “Ghù wɛ̀ɛ, tuw tə aghì tə̀ li tə lo fɛ tə təgha, ghe kəŋo ghû.

Kə̀fwàʼ 11:12

Zuʼ tə̀ Zɔlɔ tə n dzɛ̀ â mùghò enyəa Ǹ nughù ndûw ghàʼ à ghee mò Ŋ̀ kâ sə̀mlò. Ghàʼ à ghê waazə̂ ghaŋa à nûu à li ghən tǔu ghe mò lo mo ghe m boo fughu, ghe nughùu wo an Dzopà, ghàʼ à ghee n təəm ndùw sùghò èghue à dzə̀m an Kàesalìa, a n ndùw nyə̀ ndùw an ndughu alô Kònelìus.

Kə̀fwàʼ 16:7

A m bùgho ghe bugho tɛ tsughu an twee u Myshia, ghe n se nyəa ndûw am mbùʼ è Bìtinìa, Zuʼ tə Yɛso tə̀ ŋ kè boo;

Kə̀fwàʼ 18:23

Ghəa ù tsùuŋ doʼò tsughu fughu, ù n nùghù è tsughu ŋgəa kaaŋ ndùw nàʼà tə̀nàʼà, tsə̀ghàsə̀ ndùw mbùʼ è Gàlashìa àsùghò è Flygə̀a, dzə̀là ndùw ghì ghəla ghe boō fughu â Kə̀lestò â sə̀ŋ zò.

Kə̀fwàʼ 19:10

Ghəa ghən n nì kə̀bala alo tənùu tə bə̀ghà, ghî ghə̀n à dzə̀m ghe mughu an Ɛshìa, Tə̀dzûu ghèe ghê ghì Gə̀lês ghò, ghe n zuw tsughu shwaʼ u Mughu ù te enyə.

Kə̀fwàʼ 20:16

À mò êzə lo Pôl màʼà ləghaa aletsə̀ghàa taʼà Ɛfɛ̄sùs enyəa e lô boōn nəgha zo am mbùʼ è Ɛshìa, aleghəə̄ŋ tsughu enyəa mo e bo ko ènzə̂n e lo alenyə an Yɛ̀lusalɛ̀m tsuʼu Pɛntɛ̄kɔ̀st.

Kə̀fwàʼ 20:28

Nǐ nlò ghôom zò aŋ ghùe zɛʼɛ̄ àsùghò a zəŋò ghì ghəla Zuʼ tə̀ Zɔlɔ tə fughu naŋā enyəa ghɛ̀ è lɛnlo. Ghɛ̀ è lɛɛn sugho â dzeŋe kə ghì a Kəzə̀ zəla ù fə̀ zue sə wo aŋ kàŋ tə wɛ̀ ù wə̄n.

Kə̀fwàʼ 20:4

Ghî ghə̀là ghèe ghee mò bwîi nduw a dzə̀m mò lo Sòpatà, wɛ̀ ù Pilhùs, ghùw ù Bɛ̀lêa àsùghò Àlestālkùs ghèe Sɛ̀kundùs, ghî a Tɛ̀sàlonikà. Gayòs, ghùw Dəlbì, n lo àsùghò Timotì; Tykə̄kùs n lo àsùghò Tə̀lòfimùs, ghî a Ɛshìa.

Kə̀fwàʼ 21:27

A m bùghò tsùʼù mən sə̀ghàmbəgha mîan mɛʼn kəə̄ŋ wo, Dzûu təla tə mo lô tə Ɛshìa tò, ghəa ghe kôʼ tsughu Pôl am Ndughu è Kə̀zə̀ è ne, ghe n tsùʼ sòʼ kɔ̀ʼ aghî, ghe ŋ kwu kɔʼ wə̄n.

Kə̀fwàʼ 6:9

Ghî à li gho ghe mò lô ghî ghò aŋ ghì a Sàŋ è tə̀ Fə̀lɛ̂dmɛ̂n (aŋ ghəa ghe mò tɔŋlo a te), n daŋso nùghù těe è kɔʼ, kàʼ nyə̀ ndùw fom tə̀ baaŋ to ghèeghê Sìtofɛ̀. Ghən mò lo aghî ghe sə wo an Sìlɛ̂n, àsùghò an Alɛ̀ʼzandà, an Sìlesìa asùghò an Ɛshìa.

Kə̀fwàʼ 8:29

Zuʼ tə̀ Zɔlɔ ti tə n dzɛ̀ â Felêp enyəa, “Dzǔu kwuun ndùw nwaŋ u kəkə̀anyòm ù vʉ̂ ghɛ̀ è kuʼū bwiī nduw.”

Lumà 16:5

Ghɛ̀ tɔɔŋ zuw tsughu sugho nlò ghî a Kəzə̀ yi ghe dzeŋe bughò kpenlo an ndugho è ghê Pə̀lèskà ghèe Akwilà. Yìa Ǹ tɔɔ̄ŋ wô sughò Epaenetùs, fən waŋa wəla Ŋ̀ ŋgeē ləghaa, ù fə̀ lo ghùw ù sûesʉ aleboō fughu â Kə̀lestò am mbùʼ Ɛshìa e dzə̀m.

1 Kòlentìan 12:11

Ghəa ghən a dzə̀m ènyə, à ghə̌əŋ tsughuu kô Zuʼ tə̀ Zɔlɔ tə̀ mɔʼɔ̄ tə te to enyəa ghe e lo êzə̀, təla tə fughuu ko chìa â fughu kə wə̄n aŋghəa tə tsə̂m tsughu.

1 Kòlentìan 16:1

Êzə̄ŋ kùu ndùw fəghàa fə zuūŋ fo aletɔ̀ɔm ndûw ghì à Kəzə ghəla ghe lo am mbùʼ e Dzùdîa, ghɛ̀ e bɔɔm ghəəŋ nduw ko ghəa ghəlà mùgho mò dzɛ̂ naŋā an dzeŋe kə ghì a Kəzə̀ an naʼ e Gàlashìa.

1 Kòlentìan 16:19

Dzweŋe u ghì a Kəzə̀ wəla u lo am mbùʼ è Ɛshìa tùm wò ghɛ̀ â tɔɔŋ zo. Àkuilà àsùghò Pə̀leskà, tum wò ghɛ̀ à tɔɔŋ zo am fə̀ŋ e ghee e dzə̀m ghèe ghê ghì a Kəzə ghəla ghe bughò dzeŋe an ndughu alô ghee an zən e Mughu ù te.

2 Kòlentìan 1:8

Waazə̂ ghò, ghàʼ mô lə̀ghàa dzə̀ yò enyəa ghɛ̀ doʼo alo kəŋgòmsò aŋ ŋgoʼ zəla ghǎʼ mò zuw am mbùʼ è Ɛshìa; nu ŋgoʼ zəla ghe mò naŋā ghaʼ a te mò tsəghasə̄ nû, a m bûʼ kòom kwò yo enyəa a kê dòʼn nù â tuw ko.

Gàlashìan 1:2

Ghî à kəzə̀ à li ghəla ghe lô fɛ ghàʼ à ghee yia fughuu wô sughò ghɛ â tɔɔŋ zo. Ŋ̀ wàʼsò kən kə tɔɔ wò â ghɛ̀ ghî yìa ghɛ̀ lo an dzweŋe u ghì a Kəzə̀ a fì èzə̀ am mbùʼ è Gàlashìa.

Gàlashìan 3:1

Huʼ, ndzə̀ŋ tə efùw tə Gàlashìa tə̀n, à ghɛ̀ yia boon naŋa ndùghò à? À fə̀ mgbaŋ yo an sə kɛʼɛ̄ ghe fə̀ teso dzaā dzì zəla Yɛso Kə̀lestò fə̀ kpuw a te, mo ghe wə̄n təghàa kɔ̀ʼ alo kədàŋlo a?

2 Timotì 1:15

Ghù kwò nû enyəa aghî a dzə̀m am mbùʼ è Ɛsìaa m mùgho ti zə̀ghà tàʼa, ghuūghùe u Fìdzɛlùs ghèe Hɛ̀modzɛnès yia bûʼ ti zə̀ghà taʼà daŋso sughò mugho.

2 Timotì 4:10

Dɛ̀mâs ŋ kele sə à səa gho a m fʉgha u mbī wo, vʉ̀a ù zə̀ghà maʼà tsughu mugho, nùghù nduw an naʼ e Tɛ̀sàlonikà. Kə̀lesɛ̀ns maā nughù ndùw an Gàlashìa, Taetùs n nùghù ndùw an Dàmatìa

Hibùlù 11:8

À fə̀ lo bòʼ Abə̀làhâm fə̀ boo fughu tsughu â Zə̀ kò e fə̀ ghəŋlo enyəa ù zuw dzə̀ e Kə̀zə̀ aŋghəa Zə̀ kə̀ fə̀ tɔŋɔ wə̄n enyəa ù ndùw an lùʼù kəla ù fə̀ ki alendùw zə. Ù n sə̀ nùghù ndùw a fughu mò ù kwò yo luʼu kəla ù mò nduūw a fughu.

1 Pità 1:1

À lò mugho Pità, tɔɔŋ tùm è Yɛso Kə̀lestò — M̀ mwàʼsò kən kə tɔɔ wò â ghɛ̀ ghì a Kəzə̀ ghəla ghɛ̀ ti nân doʼò kaāŋ tsəgha aŋ kɔlɔ tə Pontùs, aŋ Gàlasìa, Kàpàdosìa, Ɛshìa, àsùghò am Bìtinìa.

Edêe Fughu 1:11

Dzə̀ e te n dzâa tsùghùu enyəa, tɔm tsughu fəgha kəla ghù kǒʼ, ghù tum ndùw mwàʼsò kə te ko â dzweŋe u ghì a Kəzə̀ wə̀n sə̀ghàmbəgha — an Ɛfɛ̄sùs, Smyna Pɛ̀gamò, Tytēlà, Sades, Fìlàdɛfìa àsùghò Lùdisìa.

Edêe Fughu 1:4

À lò mugho Dzɔ̌n, Ǹ tɔɔ̄ wô mwàʼsò kən ko â dzweŋe u ghì a Kəzə̀ wən wo sə̀ghàmbəgha u lo an Ɛshìa. Ŋ̀ gɔ̂ŋlò nyəa to Zə̀ kə̀ mô dê ghɛ̀ â dzɔ̀ e wə̄n zo, kə fughuu sughò ghɛ̀ â bughuun zo. À lǒ wə̄n wəla ù lǒ, wəla ù fə̀ lo tsəgha, vʉ̀a ù ki sughò alebùghò. To Zuʼ tə Kəzə̀ ten sə̀ghàmbəgha ghe lo an sə kə ndàŋ e kə̀də̀ŋ e wə̄n mô dêe sughò ghɛ̀ a dzɔ̀ zo, ghe fughuu sughò ghɛ̀ â bughuun zo.