Kə̀fwàʼ 16:25 - To kə Kəzə̀ kə̀ Fughu ko

²⁵ A m bùghò â fə̀ŋ è ùtsùʼ ghəa Pôl ghèe Saelàs ŋ gɔ̂ŋlò, kɔʼso Kə̀zə̀ alo təzòo, ghîidùghùtsaʼ à li yi zəənlo.

Kə̀fwàʼ 16:25 Iomraidhean Croise

Dzɛ̂ms 1:2

Waazə̂ ghaŋa gho, nǐi tsughu nlò enyəa à lò ghəa è duʼn zo abugho ghəa a mɔ̂msò kaāŋ ghɛ,

Lumà 5:3

Zəla e bûʼ tsəgha taʼa zən lò enyəa, sɛ̀ ki aleduʼn sugho am fala e sɛ̀, bòʼ sɛ̀ kwo nû enyəa fala e ghəəŋ nù sɛ̀ n lo alekɔlɔ fə̀ŋ alo aghəa.

Hibùlù 5:7

Ghəa Yɛso mò mughù fɛ am mbī, ù ŋ gɔ̂ɔŋ Kə̀zə̀, dìi an tùʼ è diī zo, buʼnlo m̀bɔ̀ŋ, sə̀ mə̀ n tsughuu, ù dìi dzâa nduw â ghùw wəla ù fə̀ lò alebəghaasə wən alo evʉ̄. Bòʼ ù màʼà fə̀ ŋge gaʼ fə̀ŋ a zəŋò Zə̀ kò, Zə̀ kə̀ n zuw dî e wə̄n.

Efɛsùs 5:19

Mò ghɛ̀ bugho təmdzəə̄ŋ kɔʼ nû, ghɛ̀ n dzeŋe zôo àghəa àsùghò ndzàŋ təlà Dɛvìd fə̀ bughòo naŋā, buʼu ùfʉgha, zɔŋɔ̀ sùghò kə̀zɔ̀ŋ aŋghəa ghɛ̀ fughuu kɔʼso mò â Mughu ù te am fə̀ŋ tɛʼɛ tə dzə̀m.

Kòloshìan 1:24

Ǹ duʼn nù êzə̄ŋ am fala zaŋā bòʼ ghɛ̀, yia a bughô fala zəla M̀ fanlō êzə̄ŋ, Ǹ yôsò alemìasò kɔʼ am fəgha kəla kə fə̀ doʼòdoʼo am fala e Kə̀lestò bòʼ ghue u wə̄n, tɔɔŋ dzeŋe kə ghì a Kə̀zə̀.

Lumà 12:12

Ghɛ̀ e duʼnlo an tùʼ zəla ghɛ̀ chiī ghè zò. Ghɛ̀ kɔlɔ tsughu nlò fə̂ŋ tò an tsù wɛʼɛ, ghɛ̀ è gɔŋlo an nə̀gha tən tə̀ dzə̀m.

1 Pità 4:14

Dzɔ̀ lò â ghɛ̀ abugho ghe sûuwn ko ghɛ enyəa ghɛ̀ lo ghî a Kə̀lestò; bòʼ enyəa ghaʼ e səghanyəgha n Zuʼ te Kə̀zə̀ n lo a zəŋò ghɛ̀.

Fèlepìan 2:17

Abugho ghe bûʼ nî kwə̂ən tsughu ko kâŋ taŋa to enyəa à lǒ ŋgoʼ zəla ghɛ̀ zuūw bòʼ boo zəla ghɛ̀ ki â Zə̀ kò, Ǹ tsoʼn nù a te, yìa Ŋ̀ ŋgeē duʼn sugho sɛ̀.

2 Kòlentìan 6:10

Ghî à li yia lɛɛn ghaʼ tò ghàʼ lo ghî ghəla ghe lô alo esē, mo a tsôo dùʼn tsə̀ghà ko nù. Ghî à li yia lɛɛn ghaʼ tò ghî ghəla ghe ki yo fəgha ko, mo a ki fʉgha wə̀n ù dzə̀m, à li lɛɛ̄n ghàʼ tò ghî à laa gho, mò ghàʼ ghəəŋ nù ndə̀m è àghì zə̀a è kuū.

Kə̀fwàʼ 5:41

Ghəa ghe zəghaà tsughu ndùghù Kaŋsì, ghe n duʼnlo enyəa Zə̀ kə̀ mâa ghee nî tò kəfəgha aleghəə̄ŋ tsughu enyəa ghe fala aŋ ghùu tuw kə̀ dəla ko aŋ ghəa e Yɛso zən.

Lûk 22:44

Ù n tughuso kè tə̀ gɔɔ̄ŋ to à sə̀ mò alo kətuw, zuʼso ŋ wə̄n mə̀ n tsomlo enyə a ghueetsə̄ tò tuʼ u təkàŋ.]

Dzɛ̂ms 5:13

Mò abugho ghùw ù lì lò am bvʉa zɛʼɛ̄ ù fanlo ŋkāa ù lo an tsù ù li wo, ù gɔ̀ŋlò è tsughu. Mò ghùw ù lì lò am bvʉa zɛʼɛ̄ ù tsoʼnlo, ù m fughu ŋkɔʼso â Zə̀ kò alo ezom.

Kə̀fwàʼ 15:22

Tum tì ghèe ghê tsoʼ to àsùghò ghì ghəla ghe boō tsughu ŋ kòʼ tsùghù enyəa e dzɔ̂ɔ nù enyəa to ghe mô dzə̂a kɔʼ aghî am bvʉa e ghee ghe tuū ndûw an Antìok ghèe ghê Pôl à Bànabàs. Ghe n tsɔ̀ʼ sə̀ wò ghì ghəla ghe mò lɛɛ̄n ghî ghò am bvʉa e waakə̀lestò e te zo a bə̀ghà. Ghe n nì sə̀ wò Dzudàs wəla ghe fə̀ tɔŋlo enyəa Bàsabàs àsùghò Silàs, tùm è nduw,

Kə̀fwàʼ 16:19

Ghəa ghî ghəla ghe ki wə̄n kôʼ tsughu enyəa ghe ŋ gùŋù zə zəla ghe mò zəā aŋ ghùu wən, ghe ŋ kwu kɔʼ Pôl ghee Saelàs; sè ndùw ghee a vʉ̀a tsoʼ to am fwànlò;

Kə̀fwàʼ 16:33

Ù n nì kɔʼ ghee an nə̀ghà è mɔʼɔ̄ zə̀ èzə̀ â tsuʼ wo vʉ̀, ndùw sùw fəŋ a ghee, ghe m fùghù tə̀n tsùghù sùghò wən â mùghù ŋ Kə̀zə̀ mò, à ghì a wə̄n gho a dzə̀m an ndughu.