Kə̀fwàʼ 16:23 - To kə Kəzə̀ kə̀ Fughu ko

²³ A m bùghò ghe biso tsɔʼ tsughu ghee, ghe n nì sɔ̌ɔn màʼà nyə̀ ndùw ghee an ndùghùtsāʼ dzɛ̀ tsùghù â gbè enyəa ù è tɔʼɔ̄ chiīn ghee.

Kə̀fwàʼ 16:23 Iomraidhean Croise

Matìo 26:48

À n lo mò ghùw vʉ̀a ù fèe fughu Yɛso mâa dzɛ̀ nàŋa tsughu â nè kə aghì chi ko enyəa, “Ghùw wəla Ǹ sô ndûw maāŋ kele nduw, à fi lo wə̄n; nǐ nlò.”

Lûk 21:12

To ghəa ghən e kuūwn bughò nî kə̀bəla, à kè lǒ mo ghe ŋ ghɛ̀ bûʼ fəmso; ghe e kwuun ghɛ, sèe ndùw an ndughutə̀ne to, kwuun dzə̀là ghɛ̀ an ndughutətsāʼ, sèe ndùw ghɛ̀ a vʉ̀a dwə̀ŋ wò àsùghò a vʉ̀a ghê gɔvə̀nò enyəa so à lò ghəa zāŋā.

Kə̀fwàʼ 12:18

A m bùghò tsuʼ u zuw wo, luʼū tə n nûu enyə â zəŋò sùghugòʼ tò enyəa Pità ndùw ghɛ̌ a.

Kə̀fwàʼ 12:4

A m bùghò ghe kwu kɔʼ Pità, ghe n dzə̀n ndùw wə̄n an ndùghùtsāʼ, fughu naŋa ndùw wə̄n enyəa swaʼ u təsùghugòʼ u chùakò è chiīn wə̄n, kwo enyəa abugho Zə kə̀ zəŋso naaŋ kə tsəghà kɔʼ, e nîī fughuu səa wô wə̄n an tia e saʼ an sə kə a ghì.

Kə̀fwàʼ 16:27

A m bùghò gbè zə zôo kôʼ ghəa bwâʼ u ndùghùtsaʼ u tsʉʉ̄n doʼō a te, ù n dzaā ko enyəa ghiīndùghùtsaʼ ghə n tiin sə, daŋso tsùghù sɔ̀ŋ kɔ̀ʼ fənyə enyə e wi ghue u wə̄n.

Kə̀fwàʼ 16:36

Gbè zə n nì dzɛ̀ ndùw sùghò ghəa yì â Pôl â wən à, “Ghêe sàʼàtə̀saʼ tum wò tum enyəa a zəghàa maʼà ghɛ̀ ghɛ̀ nughu; à fi lo enyəa ghɛ̀ sə nduw ko nlò nyàʼànyàʼà.”

Kə̀fwàʼ 5:18

ghe ŋ kwū kɔʼ tətum, dzə̀n ndùw ghee an ndùghùtsāʼ.

Kə̀fwàʼ 5:23

“A ndûw kòʼ ndùw mò ndùghùtsaʼ bɔɔm nyōʼn fè dòʼò dzɔ̀ ko nù, ghîichiīn yia a bɔɔm ti kaāŋ sugho am fuū e təndughu e te zo. Yia a so e kuuwn tsʉ̄a nyəa ndùw fuū e təndughu e te zo, kè kôʼ ghǔw fughu à tèetè.”

Kə̀fwàʼ 8:3

Sôol ŋ kuūwn lò ko fi aleshùaʼ ghì à Kəzə̀, nyəaa ndùw ndùghù tə̀ndùghù; kwuu sèe sə̌aa wò àghìnûu à ghìzən gho, ndùw fèe nǎaŋ ndùw an ndùghùtsāʼ.

Kə̀fwàʼ 9:2

bvʉ̀ ndùw mwàʼsò wəla ù ki alendùw fughuu kaŋlo an ndughutə̀ne to an Dàmaskòs, nyəa mo e kôʼ tsùghù ghî à li gho ghe mughu an Dzə̀ tə Mughu ù te, ayînû ŋkāa ayîzən, e ŋ kwù kɔ̀n tsùghu ghee, nì wò ghee an Yɛ̀lusalɛ̀m.

2 Kòlentìan 11:23

À lǒ mo ghe lo kɔ̀ɔ ŋ Kə̀lestò à? Ǹ tsəghàsə̌ ghee — Ŋ̀ ghəa ghən fɛ kə̀aa tǒ ghûw ù zə̀ghaa. Mùgho m fwàʼ ndə̀mà tə aghəa tə̀ səŋò tò, yìa Ŋ̀ kɔʼ ndughutsaʼ an ndə̀mà te tə̀nə̀gha, ghe m mùghò bu sə an ndə̀mà tə tə̀nə̀gha, yìa Ǹ nɔ̂sə̄ aŋ ghùu vʉ zo an ndə̀mà tə tə̀nə̀gha.

2 Kòlentìan 6:5

mʉ ŋkwə̂n, kɔʼ ndughutətsāʼ, ghî yia kə̂m ghaʼ, tsù ghàʼ, ghàʼ yia koʼò zeē nduw dzə̀ŋ, bùghò kòʼò bwǐi ndùw sùghò.

Efɛsùs 3:1

À lǒ bòʼ ghəa ghəla Zə̀ kə̀ lo mò kə ŋ ghəŋlo aletəmaa dzəə̄ŋ wô Tə̀dzûu ghèe ghê Tòʼò zo alo kəfəgha kə mɔ̀ʼ, mùghò Pôl, Ǹ lo ghùw ù ndùghùtsāʼ aŋ ghəa e Kə̀lestò Yɛso enyəa Ǹ zughò wo làbəlà è dzùŋ â ghɛ̀ à Toʼò zò.

Efɛsùs 4:1

Bòʼ ghəa ghə̀n a dzə̀m Zə̀ kə̀ lo mo kə ghəŋlo â ghɛ̀, zən lò e ghee, mùghò wəla Ǹ lô fɛ an ndùghùtsāʼ bòʼ M̀ fwaʼà â Mughu ù te, M̀ buʼū wô ghu ko â ghɛ̀ enyəa ghɛ̀ è mughu mughù zəla ghî a Kəzə̀ ki alemùghù ghè zò, zəla Zə̀ kə fə̀ tɔŋɔ ghɛ a te.

2 Timotì 2:9

M̀ fɛ enyə fanlo bòʼ naʼn kaāŋ làbəlà è dzùŋ zən, ghe ndôʼ kûm nàŋa mugho alo tsāʼ tǒ ghùw ù tsɔ̀ŋɔ ù bǐigh ù lì. Ghe kuuwn yò dzə̂ alekwuū kûu naŋâ shwaʼ u Kəzə̀ a lo tətsāʼ.

Filemùn 1:9

ghəa Ǹ sô ləghaa ghû, zə lo e ghee Ŋ̀ kuūwn buʼu wô ghû â ghu ko, mùghò Pôl tò noo kə te ko, kəla kə lô sugho ezəŋ an ndùghùtsaʼ aŋ ghəa e Kə̀lestò Yɛso.

Edêe Fughu 1:9

Ǹ lo Dzɔ̌n wàazə̀ wɛʼɛ, yìa M̀ boo fughu â Yɛso. Mùghò ŋ ghɛ̀ təmdzəə̄ŋ wò aŋ ŋgoʼ zəla ghɛ̀ zuūw àsùghò an zə zəla ghɛ̀ ka tsughu aŋghəa sɛ̀ lô am fɔ̀e ù Kəzə̀. Ghe mò mugho kwu naŋa nû an nàʼà fə dzughù fə̀ li fo, ghe tɔŋlo enyəa alò Patmòs bòʼ mùghò mò kəaa shwaʼ u Kəzə̀, dzàa êsəŋò zəla Yɛso fə̀ dzɛ̂ naŋā.

Edêe Fughu 2:10

Kà nlò tsəŋ dzə̀ ghəa è li zo ghɛ̀ lo ki alekùʼù fala tsughu a te. Kele tsughu nlò enyəa vʉatsə̄a a ki alekùʼù nîi dzə̂n ghɛ̀ â li gho an ndùghùtsāʼ, àsùghò enyəa to ghe mô mɔ̂ɔkoʼò tsughu ghɛ̀, ghɛ̀ doʼo an tsù alo ntsuʼu eghə̄m. Gaʼ tsughu ko nlò fə̂ŋ tɛʼɛ to a zəŋò mùghò abugho e lo enyəa ghɛ̀ bùʼ kì ko alekpuw a te, tò Ǹ lo fughuu ghɛ â mùghù zò tò kənamso.”