Bìoball air-loidhne

Kə̀fwàʼ 16:13 - To kə Kəzə̀ kə̀ Fughu ko

¹³ A m bùghò Tsuʼntsə̄ ghàʼ n zə̀ghaa è tsughu ndùw an twee wə enaʼ a ŋgùŋ è dzùghù, a màʼa kwo enyəa luʼu kə ghì a Dzûu kə̀ nduw gɔɔŋ kə lo fūghu, ndùw gàʼ dòʼo è tsughu, kàʼ ndùw ghəa à kəā gho â yìzən à li gho ghe mò zûuŋ doʼ a fughu.

Faic an caibideil Dèan lethbhreac

dol air ais ⬆

Kə̀fwàʼ 16:13
17 Iomraidhean Croise

Matìo 13:2

Ndə̀m è àghì ghə̀ mô è tsuŋ, dzə̀əŋ ŋgəa kɔʼ wə̄n. Ù m bɛso nyə dòʼò tsughu alo kəkwə̀n, ghî ghə̀ ŋ kuūwn tee tsughu ko a ŋgùŋ è enyʉ̂.

Faic an caibideil

Mâk 16:15

Ù n daŋso dzɛ̀ tsùghù â ghee enyəa, “Nyə ndǔw nlò am mbī e dzə̀m, ghɛ̀ naʼa nduw tùm è dzûŋ zən â ghì ghò a dzə̀m.

Faic an caibideil

Lûk 13:10

A m bùghò ko Tsuʼntsə̄ u Tə̀dzûu ù li wo, Yɛso n zoʼnlo àghì an ndùghènē è lǐ fughu alo enaʼ.

Faic an caibideil

Dzɔ̌n 8:2

Â zùwzùw kə tsuʼ ko, ù ŋ kòom ndùw ebàm an Ndùghù è Kə̀zə̀ è ne an Yɛ̀lusalɛ̀m. Aghî a dzə̀m m bùgho tàʼ zùuŋ kɔʼ wə̄n, ù n tsughu doʼo è tsughu kàʼ ndùw tsʉ e fughu zo â ghee.

Faic an caibideil

Kə̀fwàʼ 13:14

ghe ŋ kuūwn nùghù dàŋso è nduw, zə̀ghàa tsùghù Pɛlgà, nyə̀ wò am Antìok am mbùʼù Pìsidìa. A m bùghò tsuʼntsə̄ ghe n ndùw nyə̀ gàʼ dòʼò tsùghù an ndùghùnè.

Faic an caibideil

Kə̀fwàʼ 13:42

Ghəa Pôl ghèe Bànabàs səā nughùun wo, ghî yi ghə n dîi dzàa wò â ghee enyəa to ghe mô bughò kə̂aa kpeʼē wô ghəa ghən an Tsuʼntsə̄ u vʉa u mò kəə̄ŋ wo.

Faic an caibideil

Kə̀fwàʼ 16:16

A m bùghò tsuʼ fə̀ li fo aŋghəa ghàʼ nduūw an lùʼu kə̀ gɔɔ̄ŋ ko, kɔ̂ɔ fə̀ zən fə̀ li fə m sə kpeen wò ghàʼ à ghee mo fə ki zə̀a fə̀ biigh fo, fə ghəŋlo enyəa ù e dzaā nyaʼ fo, ù ŋ kelê ndə̀mà tə ukʉa an nyaʼ fìa ù dzâa.

Faic an caibideil

Kə̀fwàʼ 16:6

A m bùgho Zuʼ tə̀ Zɔlɔ tə tue enyəa ghe ka ghəa gho am mbùʼ è Ɛshìa kə̂aa, ghe n tsə̀gha sə̀ ndùw dzi am Fə̀legia àsùghò aŋ Galɛshia.

Faic an caibideil

Kə̀fwàʼ 17:2

Pôl m bùghòo nàŋa tsughu enyəa ù e nduūw tsəgha an Ndùghùnè è Tədzûu. Ù n nì kɔ̀ʼ Tsuʼutəntsə̄ tə təgha mò ù tsòo ndùw kə̀aa zěe ko àghəa ghèe ghê ghì ghò a fughu, tɔɔŋ səa kɔʼɔ àghəa am Mwàʼsò kə Kəzə̀,

Faic an caibideil

Kə̀fwàʼ 18:4

Pôl ŋ kɔʼɔ pfʉa zee tsə̀ghà ko èdzughu an ndùghùnē tsuʼntəntsə̄ tə Tə̀dzûu tən tə̀ dzə̀m, ù də̀mà alekɔɔ̄ŋ Tə̂dzûu tə̀ n zuuwkɛ̄lɛ̄ wò wə̄n ghèe ghê ghì a Gə̀lêk ghò.

Faic an caibideil

Kə̀fwàʼ 20:7

An tsuʼ u sûesʉ wo alo ewə̄n, ghàʼ n tsùghù dòʼò gùŋsò tsùghù aleboʼn zəā kɔʼ Kùun tə Mughu ù te. Pôl ŋ kaʼ tsughu ghəa à kəaa gho, kə̀aa àghəa â ghì ghò ènyə, kə̀aa ènyə, ndùw tɛ̀ ndùw â fə̀ŋ è utsùʼ, ù màʼà ki alezə̀ghàa səa tsughu an tsuʼ ù li vʉ̀.

Faic an caibideil

Kə̀fwàʼ 21:5

A m bùghò a bu maʼà tsughu tsùʼu mì ghàʼ à ghee, a n zə̀ghàa è tsughu, nùghù ghàʼ â luʼū to. Ghee a dzə̀m, ghèe ghê wɛ a ghee gho, à ghii a ghee gho, ghe m bùghò tə̀ma wò ghàʼ a ŋgùŋ è dzùghù, ghǎʼ n tsughu nyaʼa tsughu fughu, gɔ̀ŋlò è tsughu.

Faic an caibideil

Kə̀fwàʼ 9:20

nùghù dàŋso kaʼ tsughu alenàʼà kaaŋ tùm è Yɛso an ndughutə̀ne tə te to, dzàa ndùw enyəa, “Ù lǒ wɛ̀ ù Kə̀zə̀.”

Faic an caibideil

Gàlashìan 3:28

Ghɛ̀ a dzə̀m èzəŋ e lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso: nəŋò nəŋ è lì kôom yò dzə̂ a zəŋò ghùw ù Dzûu ghèe Tòʼò zò, ŋkāa, kəkɔ̂ ghèe ghùw wəla ù ndzə̀m mughu, ŋkāa a zəŋò wìnû ghèe wìzən.

Faic an caibideil

Kòloshìan 1:23

Â ghɛ̀ alelo enyə, ghɛ̀ ki aleboō fughu tsughu an səŋò zən, ghɛ̀ tee tən tsughu ko a te, e kwo ko ghɛ̀ lô bomlo enyəa fəgha kə sêe nughù ghɛ am fəgha kəla ghɛ̀ mò zuw ghè kò an làbəlà è dzùŋ zən. Zən lǒ làbəlà è dzùŋ zəla ghɛ̌ fə̀ zuw, zəla ghe fə̀ naʼà nduw â ghì gho a dzə̀m a tsəla kəwālā, tɔɔŋ làbəlà zəla ghuūghùe waŋā Pôl, u tsoō zughò sugho.

Faic an caibideil

Lean sinn:

Ceanglaichean taic

Sanasan

Sanasan