Kə̀fwàʼ 15:9 - To kə Kəzə̀ kə̀ Fughu ko

⁹ Ù n sùw màʼà sùghò bòo tə ghee bòʼ ghe gaʼ tsughu fə̀ŋ aŋ Kə̀lestò. Ù bàa yò kpiī wo sɛ̀ à ghê Tòʼò zò.

Kə̀fwàʼ 15:9 Iomraidhean Croise

Kə̀fwàʼ 10:15

Ghùw vʉ n dzɛ̀ kpèʼe wò â wən enyəa, “Fəgha kə̀là Zə̀ kə̀ sûw naŋā tsughu ghù kì yo aledzɛ̀ enyəa bughōo kə enaʼ kə kâ bǒo.”

Kə̀fwàʼ 10:28

Ù n dzɛ̀ â ghee enyəa, “Ghuē è ghùe zɛʼɛ̄ e mgbaŋ tɔ̀ʼ kwò sugho nû enyəa lâŋ kə̀ kâ bǒo dzə̀ enyəa ghùw Dzûu dòʼò dzəŋlo ŋkāa ù ndùw bwîin kôʼ Ètòʼò; Zə̀ kə̀ ŋ kòom dè tsùghù â mùghò enyəa e kwo Ǹ lô niī ghùw ù lì tǒ làŋà kə ghûw ŋkāa tò udzʉ bòʼ bughōo kə enaʼ kaŋā.

Kə̀fwàʼ 10:34

Pità fi kaʼ tsughu nû ghəa à kəaa gho. Ù n nì tsùghù enyəa, “Kùmkùm mùghò ŋ kòʼ enyəa Zə̀ kə̀ bâa yò kpiī wo,

Kə̀fwàʼ 11:12

Zuʼ tə̀ Zɔlɔ tə n dzɛ̀ â mùghò enyəa Ǹ nughù ndûw ghàʼ à ghee mò Ŋ̀ kâ sə̀mlò. Ghàʼ à ghê waazə̂ ghaŋa à nûu à li ghən tǔu ghe mò lo mo ghe m boo fughu, ghe nughùu wo an Dzopà, ghàʼ à ghee n təəm ndùw sùghò èghue à dzə̀m an Kàesalìa, a n ndùw nyə̀ ndùw an ndughu alô Kònelìus.

Kə̀fwàʼ 14:1

Pôl ghèe Bànabàs ndùw nyə tsughu an ndùghùne è Tə̀dzûu an Ekonìum, kə̀a àghəa a fughu an dziī zəla ndə̀mà tə Dzûu ghèe ghê Gə̀lêk tə̀ m boo fughu ndùw â Kə̀lestò.

Kə̀fwàʼ 14:27

A m bùghò ghe ndûw nyə nduw, ghe n tɔŋɔ naŋa tsughu ghî à Kə̀lestò, dzɛ̀ kɔ̀ʼ ndùw ghəa ghə̀n à dzə̀m Zə̀ kə̀ lo mo kə m fwǎʼ ghèe ghee àsùghò ghəa ù tsʉ tsughu dzì enyəa Toʼò tə̀ è lo alegaʼ a sughò fə̀ŋ aŋ Kə̀lestò.

Lumà 3:22

Zə̀ kə̀ ghəŋlo enyəa ghî à dòʼò tsəghatsəgha a vʉ̀a wə̄n abugho ghe boō fughu tsughu â Yɛso Kə̀lestò. Zə̀ kə̀ ghəŋlo enyə â ghì ghən a dzə̀m ghe boō fughu â Yɛso Kə̀lestò, mò nəŋo nəŋ yo a te

Lumà 3:9

A èzəŋ lo to a e dzɛ̂ èndugho? A lo nû aledzɛ̀ enyəa sɛ̀ Tə̀dzûu kuuwn nyɔ̀ʼ ti nû à? Ɛ̂ŋgaŋ dzə̂, tɔŋlo enyəa M̀ maa ki dzɛ̀ enyəa ghəa à biigh ghə ŋ kwù ŋgwùu ghî ghò a dzə̀m; Tə̀dzûu àsùghò ghì ghəla ghe yô Dzûu tò.

Lumà 9:24

Ghəa ghən lo sugho â sɛ̀ ghəla ghe mò shîaa sə wo a m bvʉa e Tə̀dzûu àsùghò a m bvʉa zə Etòʼò.

1 Kòlentìan 1:2

Ŋ̌ mwàʼsò kən kə tɔɔ wò â dzeŋe kə ghì a Kəzə ghəla ghe lo an naʼ e Kɔ̀lênt, ghɛ̀ ghî ghəla ghe fə̀ sûw tsughu ghɛ enyəa ghɛ̀ e lo fəgha ko kə mɔ̀ʼ ghèe ghê Kə̀lestò Yɛso aŋghəa Zə̀ kə fə̀ ghəŋlo enyəa ghɛ̀ doʼo ghî a wə̄n à zɔlɔ gho, ghɛ̀ à ghê ghì ghən à dzəm an lùʼù tən tə dzəm ghe tɔɔ̄ŋ tsughuu zən e Mughùbè Yɛso Kə̀lestò zò, tɔɔŋ Mughùbè ù sɛ̀ àsùghò ù ghee.

1 Kòlentìan 7:18

Abugho ghùw lǒ mo ghe maā tigh kə wə̄n kə sugho an nəghà zəla Zə kə̀ mò tɔŋɔ̄ wə̄n a te, e kwo ko ù lò dəmà dzə̂ enyəa e so e nân na kə te ko. Abugho ghùw lǒ mo ghe ka mo tigh kə wə̄n kə sugho an nəghà zəla Zə kə̀ mò tɔŋɔ wə̄n a te, e kwo ko ù lò dəmà dzə̂ enyəa ghe sughōo tsughu tigh kə wēn êzə̄ŋ.

Gàlashìan 3:28

Ghɛ̀ a dzə̀m èzəŋ e lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso: nəŋò nəŋ è lì kôom yò dzə̂ a zəŋò ghùw ù Dzûu ghèe Tòʼò zò, ŋkāa, kəkɔ̂ ghèe ghùw wəla ù ndzə̀m mughu, ŋkāa a zəŋò wìnû ghèe wìzən.

Gàlashìan 5:6

Abugho ghe sugho tigh kə ghûw kò ŋkāa ghe tâʼkè sugho, zə ki dzə yo ghəa è li zo aleghəŋlo am mùghù e sɛ̀ à ghê Kə̀lestò Yɛso. Ghəa èsəŋò zəla e lo ghè zò lò enyəa, sɛ̀ ŋgaʼ fə̀ŋ a zəŋò Kə̀lestò an ləgha zəla a ki ghè zò.

Efɛsùs 3:6

Nàn kə eghəa e Kəzə̀ zən lo enyəa, Toʼò zə̀ m bughò kele sughô daʼa kə te ko aletəmadzəə̄ŋ ndûw Tə̀dzûu alezə̄ fʉgha u Kəzə̀, ghe lo tò wɛ a ghûw u mɔ̀ʼ, ghe yia ki sugho ghu ko am fəgha kəla Zə̀ kə fə̀ to naŋā â ghì ghəla ghe boo fughu â Kə̀lestò Yɛso. Ghəa à dzûŋ ghən enyə bùghò sə bòʼ làbəlà è dzùŋ zəla ghe fə̀ zuw, è boo.

Kòloshìan 3:11

Am mùghù è fughu zən, nəŋōnəŋ è lì kôom yò a zəŋò Toʼò zò ghèe ghê Dzûu tò, ŋkāa ghî ghəla ghe sugho twigh u ghee wo ŋkāa ghe tâʼkè sugho, ŋkāa ghî ghəla ghe lô nyôm tò ŋkàʼ tò, ukɔ̂ ŋkāa ghî ghəla ghe ndzə̂m mughu. Ghəa è səŋò zò aŋ ghəa ghən kuuwn lò ko enyəa, à mìaa ko Kə̀lestò alo aghəa a dzə̀m, Kə̀lestò wəla ù lò a zəŋò ghì ghò a dzə̀m.

1 Pità 1:22

Ghəa e lô êzə̄ŋ enyəa səŋò zəla ghɛ̀ zoʼn kele kɔʼ ghɛ̀ yia bwiī a te ŋ ghɛ̀ sûw màʼà, ghɛ̀ yia ləghaa ghue zɛʼɛ zo tò waazə̂, e kuū ləghaa nlò ghue zɛʼɛ zo am fə̂ŋ è mɔ̀ʼ.