Kə̀fwàʼ 15:5 - To kə Kəzə̀ kə̀ Fughu ko

⁵ Ghî à li gho an dzeŋe kə Falàsîi ghe fə̀ boō fughu tsughu â Kə̀lestò, n nùghù è kɔʼ kàʼ ndùw alekə̀aa enyəa, “E dzɔ̂ɔ nù enyəa to Toʼò è mô sùghoo tsūghûu twii e ghee, ghe e naaŋ tsughuu lâŋ kə Musî kò.”

Kə̀fwàʼ 15:5 Iomraidhean Croise

Matìo 3:7

Ghəa Dzɔ̌n kôʼ ghî a Falàsîi à ŋgee bughōo, àsùghò ghì a Sadùwsîi ghò, ghe bughoo alebùghò nî mùghù ŋ Kə̀zə̀, ù m fəŋso dzɛ̀ â ghee enyəa, “Ghɛ̀ fwi wən, à ghɛ̀ bɔŋ tsʉ̀ ndùghò enyəa ghɛ̀ lo nû alenɔ̀ɔsə an ndzəgha kəla kə bughò lo a?

Kə̀fwàʼ 15:1

Ghî à li ghə ŋ kòom ndùw nùghù tsùghù ko an Dzùdîa, bùghò kàʼ wò ghì ghəla ghe boō fughu â Kə̀lestò an Antìok a lùʼù tsʉā wo enyəa, “À gɔ̀ʼɔ̀ mo ghe sugho tigh kə̂a aŋ ghəa bughōo kə Musî kə̀ deē, ghù yò dzə̂ alezə̄ kə̄tūw.”

Kə̀fwàʼ 15:24

Ghəa ghàʼ lô mò ghǎʼ n zuw enyəa ghî à li a mò sə kɔʼ fɛ am bvʉa zaʼā bùghò fə̀mso ghɛ̀ an tsʉ̀ è li zo, sàʼ màʼà tsùghù môʼn zɛʼɛ, mò à kà ghǎʼ ghee bûʼ tùm sùghò.

Kə̀fwàʼ 21:20

Ghəa ghe zuw tsughu ghəa a te gho, ghe m fughu ukɛɛ â Mughu ù te, dzɛ̀ â Pôl enyəa, “Ŋ wàazə̀ Pôl, kǒʼ ndə̀mà tə təkām tə ghì a Dzùdîa təla tə boo tsughuu, àsùghò aŋghəa dzaŋadzaŋ tə kɔʼn ghee alo kəlàŋ a.

Kə̀fwàʼ 24:14

Zən lò zəla Ǹ so M̀ boō wô â ghù enyəa kùu ndùw Dzì è te, zəla ghe ŋgɔɔ̄ enyəa à lò dzeŋe fə̀ biigh fo, Ŋ̀ kɔʼsô Zə̀ kə ghê Tselè sɛ̀, boom fughuu ndùw ghəa ghə̀n à dzə̀m lâŋ kə̀ deē, ŋkāa ghəla ghiīshʉ̀ghà a Kəzə̀ à tɔm naŋā,

Kə̀fwàʼ 24:5

Ghàʼ kôʼ tsùghù enyəa ghùw wən lo ghûw ù ùtsù, ghùw wəla ù sòʼò kaāŋ tsû wò am bvʉa e Tə̀dzûu fɛ am mbī e dzə̀m, vʉ̀a ù lò sughò tuw ko an dzeŋe kə̀ biigh kə ghì a Nazalɛ̀t gho.

Kə̀fwàʼ 28:22

Ghàʼ kuuwn ləghaa nù alezūw moʼn zə̀ghà; nu ghàʼ kwo nû enyəa ghe tsôo kə̀aa bǒon kaaŋ tsə̀ghà kô ghəa a dzeŋe kəla ghù lò a te an lùʼu ten tə̀ dzə̀m.”

Kə̀fwàʼ 5:17

Tuw kə fɔ̀e ghèe ghê ghì ghə̀n à dzə̀m ghèe ghee mò lo a dzə̀m (tɔ̂ɔŋ dzeŋe kə tə̀ Sadùwsîi) n daŋso kàʼ ndùw aleghòʼ. Mʉ̌ʉn kə ŋ ghəəŋ tsughu ghee,

1 Kòlentìan 7:18

Abugho ghùw lǒ mo ghe maā tigh kə wə̄n kə sugho an nəghà zəla Zə kə̀ mò tɔŋɔ̄ wə̄n a te, e kwo ko ù lò dəmà dzə̂ enyəa e so e nân na kə te ko. Abugho ghùw lǒ mo ghe ka mo tigh kə wə̄n kə sugho an nəghà zəla Zə kə̀ mò tɔŋɔ wə̄n a te, e kwo ko ù lò dəmà dzə̂ enyəa ghe sughōo tsughu tigh kə wēn êzə̄ŋ.

Gàlashìan 2:11

A m bùghò Pità bùghò an Antìok, mùghò n lughuun sàʼ ndùw wə̄n, bòʼ ù mò kum fwaʼ boon ghəa è li zo.

Gàlashìan 2:14

A m bùghò mùghò Pôl kuuwn kôʼ tsùghù enyəa ghî ghən nyɔʼɔ̀ bwìi dzə̂ yò alo êsəŋò zəla e lo an làbəlà è Kə̀lestò, mùghò n dzɛ̀ ndùw â Pità an sə kə ghì yì à dzə̀m enyəa, “Abugho ghù Pità, ghùw ù Dzudà, lò alemùghùu tò Etoʼò, mùghù yo tò Dzûu, ghù lǒ êzə̂n aletsəən Toʼò zò enyəa e bughò kaʼ alemùghùu tǒ tə̀ Dzûu a?”