Kə̀fwàʼ 15:4 - To kə Kəzə̀ kə̀ Fughu ko

⁴ A m bùghò ghe bughò nyə wo an Yɛ̀lusalɛ̀m, ghî a Kə̀lestò ghə̀ m kpènì ghee ghèe ghê tum to à tsoʼ to, ghe n dzɛ̀ tsùghù ghəa ghə̀n à dzə̀m Zə̀ kə̀ yôsò kɔʼ ghee enyəa ghe ghəə̄ŋ ndûw.

Kə̀fwàʼ 15:4 Iomraidhean Croise

Matìo 10:40

“Ghùw wəla ù nì naŋā ghɛ, ù fi nî nàŋa sùghò mùghò, mo e lo enyəa, abugho ghùw nì naŋa mugho, ù fi nî nàŋa sùghò ghùw wəla ù tum sə wô mugho.

Kə̀fwàʼ 11:30

Ghe ŋ ghəŋlo è tsughu, tuu fughuu ndùw ko aŋ ghùu tsoʼ tə dzeŋe kə ghì a Kəzə̀ tò an Yɛ̀lusalɛ̀m, ghe n ndûw fùghuu ndùw â Bànabàs ghèe Sôol.

Kə̀fwàʼ 14:27

A m bùghò ghe ndûw nyə nduw, ghe n tɔŋɔ naŋa tsughu ghî à Kə̀lestò, dzɛ̀ kɔ̀ʼ ndùw ghəa ghə̀n à dzə̀m Zə̀ kə̀ lo mo kə m fwǎʼ ghèe ghee àsùghò ghəa ù tsʉ tsughu dzì enyəa Toʼò tə̀ è lo alegaʼ a sughò fə̀ŋ aŋ Kə̀lestò.

Kə̀fwàʼ 15:12

Ghî yì à dzə̀m m bɔɔm zuuw ko mɔŋ; zəəŋ ndùw ko â Bànabàs ghèe Pôl aŋ ghəa ghe taŋsō sə̀ghà mə̀là Zə̀ kə̀ lo mo kə n dè â Tòʼò zò am bàm e ghee.

Kə̀fwàʼ 15:2

A m bùghò Pôl ghèe Bànabàs ŋge zughūu aŋ ghəa a te gho ghèe ghê ghì yì, ŋge pfʉ tsughu edzughu enyə à tè, ghî ghəla ghe boō fughu â kə̀lestò n tsɔʼ kɔʼ ghee a bə̀ghà àsùghò ghì à li gho enyəa ghe kɔʼɔ ndûw an Yɛ̀lusalɛ̀m ghe kɔʼɔ̄ koʼò ndûw tə̀tum à tsoʼ to aŋ ghəa e te zo.

Kə̀fwàʼ 15:22

Tum tì ghèe ghê tsoʼ to àsùghò ghì ghəla ghe boō tsughu ŋ kòʼ tsùghù enyəa e dzɔ̂ɔ nù enyəa to ghe mô dzə̂a kɔʼ aghî am bvʉa e ghee ghe tuū ndûw an Antìok ghèe ghê Pôl à Bànabàs. Ghe n tsɔ̀ʼ sə̀ wò ghì ghəla ghe mò lɛɛ̄n ghî ghò am bvʉa e waakə̀lestò e te zo a bə̀ghà. Ghe n nì sə̀ wò Dzudàs wəla ghe fə̀ tɔŋlo enyəa Bàsabàs àsùghò Silàs, tùm è nduw,

Kə̀fwàʼ 15:3

A m bùghò ghe sô lo an dziī ghəa ghî a Kə̀lestò à tum sə tsughu ghee, ghe n tsə̀ghà nyə̀ ndùw dzì am Fòenishìa àsùghò an Sàmalìa, nàʼn ndùw ghəa Toʼò è fəlà doʼn wô ghî à Kə̀lestò ghò a te. Shwaʼ wən n dzə̀n ndùw kə̀duʼnlo am fə̀ŋ tə waakə̀lestò yì à dzə̀m.

Kə̀fwàʼ 15:6

Tum tə n zùuŋ tsùghu ghèe ghê tsoʼ to alebùghò lɛɛ̄n nyəā tsughu ghəa zən.

Kə̀fwàʼ 16:4

Ghəa ghe bwiī dzi, nyəa ndùw naʼatənaʼa, ghe n naʼn ndùw fəgha kəla tsə̀təndə̄ghā tə mò boō naŋa ghèe ghê tum tə Kə̀lestò tò an Yɛ̀lusalɛm enyəa à lò fəgha kəla kə lo tò lâŋ kəla ghe ki alenaŋa.

Kə̀fwàʼ 18:27

A m bùghò ù tsə̀m kɔʼ aledàŋ an Àkaeyà, waazə̂ a ghî a Kəzə̀ ghə̀ n dzə̀n ndùw wən â sə̀ŋ zò alo kəmwàʼsò ghe tɔm nduw â waazə̂ a ghî a Kəzə̀ à yi a fughu enyəa ghe nîi naŋā tsughu wə̄n. A m bùghò ù ndǔw fughu, ù ŋgè yòsò ghì ghəla ghe mò tsô boō tsughu sugho mò à ghee yosò Kə̀zə̀,

Kə̀fwàʼ 21:17

A m bùghò a bugho an Yɛ̀lusalɛ̀m, waazə̂ ghaʼa yi fughu m kpènì kɔ̀ʼ ghaʼ aleduʼnlo.

Kə̀fwàʼ 21:19

A m bùghò ù tɔ̄ɔŋ zuw tsughu ghee, ù n tāŋsō dzɛ̀ kɔ̀ʼ ndùw ghəa ghə̀là Zə̀ kə̀ fwâʼ tsughu â zəŋò Tòʼò tò am bàm e fwàʼ kə ghee.

Lumà 15:18

Ŋ̀ yo alekə̀a ghəa è li zo mò a gɔ̀ʼɔ̀ ko yo ghəa ghəla Kə̀lestò lo mò ù ghəŋlo enyəa M̀ fwâʼ, to Toʼò zə̀ e zuuw nduw â Zə̀ kò. Kə̀lestò mò ghəa ghən ghəəŋ tsughu aŋ ghəa ghaŋa à kəaa gho àsùghò an shwaʼ waŋa.

Lumà 15:7

E fi lò enyəa, e kpeeniī nlò ghue zɛʼɛ zo aŋghəa Kə̀lestò fə̀ kpenî ghɛ a te, to enyəa ghî ghə̀ e fughuu kɔʼso mò â Zə̀ kò.

1 Kòlentìan 15:10

M̀ fɛ kuuwn lò ko fəgha kəla Ǹ lo ghè kò bòʼ dzɔ̀ e Kəzə. Dzɔ̂ zəla Zə̀ kə mò dê wo â mùghò, kə ka mo sâaŋ màʼà dzə̀. Mùghò ŋ kòom kuuwn biso fwàʼ tsəghà tsùghu ghee a dzəm, à mò buʼ yo mugho, à mò lo dzɔ̂ e Kəzə zəla e lo a zəŋò mùghò.

2 Kòlentìan 5:19

À fi lo enyəa à fə̀ lo am bàm e Kə̀lestò Zə̀ kə fə̀ ndoʼò biāan ghèe ghê ghì gho a te am mbī, kè ndoʼò taŋ yo bôo tə ghee to, kə m fughu naŋa nyə̀ tsùghù sùghò shwaʼ ù bian u aghì wò aŋ ghu kaʼā.

2 Kòlentìan 6:1

Aŋghəa sɛ̀ à ghê Zə̀ kə̀ dzeŋe fwaʼà êzə̀, ghàʼ buʼu wò kə̀ghu â ghɛ̀ enyəa e kwo ghɛ̀ lô bomlo enyəa dzɔ̂ zəla Zə̀ kə mò de â ghɛ̀ e tsəghàa mîaa kə̀nughùnùghù.

Kòloshìan 4:10

Alistachùs, wəla ù lò fɛ an ndùghùtsāʼ ghàʼ à wə̄n fughu wò ghɛ̀ â tɔɔŋ zo. Mâk, tɔɔŋ wàazə̀ ù ghê Bànabâs vʉ̀a ù dzɛ̀ wô sugho enyəa ghàʼ tɔɔŋ zuūw wô ghɛ̀; ghɛ̀ mafə dzɛ̂ zìi wò ghəa ghò â ghɛ̀ kùu ndùw Mâk, abugho ù bughò fì avʉ̀a ghɛ̀, ghɛ̀ kpeni wə̄n aŋ ghu kə̀ dzûŋ kò.

2 Dzɔ̌n 1:10

Abugho ghùw bùghò a vʉ̀a ghɛ̀ mò ù kà bùghò â tsʉ̀ zən, e kwo ghɛ̀ lô nîi naāŋ wə̄n an ndughu alô ghɛ̀, ŋkāa ghɛ̀ buʼ fughu wə̄n â tɔɔŋ zo.