Kə̀fwàʼ 15:3 - To kə Kəzə̀ kə̀ Fughu ko

³ A m bùghò ghe sô lo an dziī ghəa ghî a Kə̀lestò à tum sə tsughu ghee, ghe n tsə̀ghà nyə̀ ndùw dzì am Fòenishìa àsùghò an Sàmalìa, nàʼn ndùw ghəa Toʼò è fəlà doʼn wô ghî à Kə̀lestò ghò a te. Shwaʼ wən n dzə̀n ndùw kə̀duʼnlo am fə̀ŋ tə waakə̀lestò yì à dzə̀m.

Kə̀fwàʼ 15:3 Iomraidhean Croise

Lûk 15:32

E dzɔ̂ɔ nù enyəa to sɛ̀ mô zə, a duʼnlo, tɔŋlo enyəa wàazùghù fɛ lo tò ù fə̀ kpuw nû, vʉ̀a ù kòom zôo wô ebàm. Ù maā lâʼ mìa, yia a kôom koʼ wə̄n ebàm.’”

Kə̀fwàʼ 1:15

An tsùʼu n te mò ko, ghəa ghe zûuŋ wô tsuʼ ù li wo (ghe fə̀ dzeŋe lo bɔm fə aghì à ghì ghò ghuūghûw), Pità n nùghù těe è kɔʼ, dzɛ̀ tsùghù enyəa,

Kə̀fwàʼ 13:48

A m bùghò Toʼò è zuw tsughu ghəa ghən, ghe n duʼnlo, kɛɛ Mughubè ù te bòʼ shwaʼ u wə̄n; ghî ghə̀n à dzə̀m Zə̀ kə fə̀ tsɔʼ naŋā tən enyəa ghe kê zə etsɛlɛ̀, ghe m boo fùghù ndùw à Kə̀lestò.

Kə̀fwàʼ 13:52

Tsə̀təndə̄ghā tə n duʼnlo, Zuʼ tə̀ Zɔlɔ tə n lo ghèe ghee.

Kə̀fwàʼ 14:27

A m bùghò ghe ndûw nyə nduw, ghe n tɔŋɔ naŋa tsughu ghî à Kə̀lestò, dzɛ̀ kɔ̀ʼ ndùw ghəa ghə̀n à dzə̀m Zə̀ kə̀ lo mo kə m fwǎʼ ghèe ghee àsùghò ghəa ù tsʉ tsughu dzì enyəa Toʼò tə̀ è lo alegaʼ a sughò fə̀ŋ aŋ Kə̀lestò.

Kə̀fwàʼ 15:1

Ghî à li ghə ŋ kòom ndùw nùghù tsùghù ko an Dzùdîa, bùghò kàʼ wò ghì ghəla ghe boō fughu â Kə̀lestò an Antìok a lùʼù tsʉā wo enyəa, “À gɔ̀ʼɔ̀ mo ghe sugho tigh kə̂a aŋ ghəa bughōo kə Musî kə̀ deē, ghù yò dzə̂ alezə̄ kə̄tūw.”

Kə̀fwàʼ 15:12

Ghî yì à dzə̀m m bɔɔm zuuw ko mɔŋ; zəəŋ ndùw ko â Bànabàs ghèe Pôl aŋ ghəa ghe taŋsō sə̀ghà mə̀là Zə̀ kə̀ lo mo kə n dè â Tòʼò zò am bàm e ghee.

Kə̀fwàʼ 15:22

Tum tì ghèe ghê tsoʼ to àsùghò ghì ghəla ghe boō tsughu ŋ kòʼ tsùghù enyəa e dzɔ̂ɔ nù enyəa to ghe mô dzə̂a kɔʼ aghî am bvʉa e ghee ghe tuū ndûw an Antìok ghèe ghê Pôl à Bànabàs. Ghe n tsɔ̀ʼ sə̀ wò ghì ghəla ghe mò lɛɛ̄n ghî ghò am bvʉa e waakə̀lestò e te zo a bə̀ghà. Ghe n nì sə̀ wò Dzudàs wəla ghe fə̀ tɔŋlo enyəa Bàsabàs àsùghò Silàs, tùm è nduw,

Kə̀fwàʼ 15:32

Dzudàs ghèe Saelàs, mo ghuūghùe e ghee e lo sugho ghê wàkə̀a, ghe m fəghaan kə̀aa kpèʼe ndùw ndə̀mà tə aghəa tə̀ li to â ghee, dzə̀n kpèʼe ndùw fə̀ŋ tə ghee, dzə̀n ndùw sùghò ghee â sə̀ŋ zò.

Kə̀fwàʼ 15:4

A m bùghò ghe bughò nyə wo an Yɛ̀lusalɛ̀m, ghî a Kə̀lestò ghə̀ m kpènì ghee ghèe ghê tum to à tsoʼ to, ghe n dzɛ̀ tsùghù ghəa ghə̀n à dzə̀m Zə̀ kə̀ yôsò kɔʼ ghee enyəa ghe ghəə̄ŋ ndûw.

Kə̀fwàʼ 17:15

Ghî ghəla ghe mò so e bughò təma Pôl n lɔʼso bùghò tɛ̀ wò ghèe ghee an Atɛ̀ns; Pôl n dzɛ̀ tsùghù â ghee enyəa ghe ndûw dzâa ndûw enyəa Timotì ghèe Saelàs mbaā bughò koʼò wô ghee an Atɛ̀ns tsuetsue, ghe n daŋso zə̀ghàa è tsughu.

Kə̀fwàʼ 20:38

Ghe mò fəghaan dìi sùghò bòʼ, ghəa yia Pôl mò dzɛ̂ tsughu enyəa ghe lô kwàʼ u usʉ̄ u ghee kôom kòʼ kòʼ yòʼ. Ghe n daŋso ndùw tə̀ma nyə kɔʼ wə̄n alo kəkwə̀n.

Kə̀fwàʼ 21:5

A m bùghò a bu maʼà tsughu tsùʼu mì ghàʼ à ghee, a n zə̀ghàa è tsughu, nùghù ghàʼ â luʼū to. Ghee a dzə̀m, ghèe ghê wɛ a ghee gho, à ghii a ghee gho, ghe m bùghò tə̀ma wò ghàʼ a ŋgùŋ è dzùghù, ghǎʼ n tsughu nyaʼa tsughu fughu, gɔ̀ŋlò è tsughu.

Kə̀fwàʼ 28:15

Waakəzə̀ yi fughu n zuw tsughu zwɔ̂ŋ waʼa, lɔʼso bùghò tɛ̀ mìa wò to am Bekewə̄n kə Apìus àsùghò luʼ kə bəŋo bwii ko ghe fə̀ tɔŋlo enyəa à lò Atsə à Təgha alebùghò kôʼ ghàʼ. A m bùghò Pôl kòʼ tsughu ghee, ù m fughu zɔ̀ɔŋ kə Kəzə̀, fə̀ŋ n daŋso nyə tsughu wə̄n.

Kə̀fwàʼ 8:14

Ghəa tum tən an Yɛ̀lusalɛ̀m zuw tsughu enyəa Sàmalìa m boo shwaʼ u Kəzə̀ wò, ghe n tùm tsùghù ndùw Pìta ghèe Dzɔ̌n fughu.

Lumà 15:24

M̀ ŋgə̀mso kùum mòʼn nù alebəŋo kòʼò daŋa tsəghà ghɛ̀ abugho Ǹ lo nduūw daŋso an naʼ e Spɛ̂ɛn, tò sɛ̀ kê dzeŋe kele tsughu nyàaŋ fə enəgha fə̀ dzûŋ fò a dzə̀m, tò ghɛ̀ e lo alefughu mugho â yòsò zò alendùw daŋso fughu.

1 Kòlentìan 16:11

E kwo ghùw lò so e koʼòkèe wə̄n. Ghɛ̀ lo bɔɔm təma zəghāa kɔʼ sugho wə̄n kədzûŋ, aŋghəa ù bùghò ebàm alebùghò kôʼ mùghò; nu M̀ fɛ lə̄əm wə̄n ghàʼ à ghêe waazə̂ a sɛ̀ li ghən.

1 Kòlentìan 16:6

Sòmkwò Ǹ lo bùghò dòʼn nǔ fì êzə̀ sɛ̀ tò fwôo è kê buʼù bughò chîaa, tò ghɛ̀ lo nəəŋ təma kɔʼ mugho alo kəfəgha tò Ǹ ndûw tɔ̂ɔm ndûw ùghue a te fiā Ǹ nduūw.

2 Kòlentìan 1:16

Mùgho mò dzɛ enyəa M̀ bughò bwîin koʼò daŋà tsəghà ghɛ̀ abugho Ǹ nduūw am Masɛ̀donìa, Ŋ̀ kôom bughò è bàm a vʉ̀a ghɛ̀ abugho Ǹ nughù wo fughu, tò ghɛ̀ ke dəm tsughu enyəa Ǹ ndûw tɛ̂ an Dzùdîa.

Taetùs 3:13

Də̀ma tən tsùghù sùghò alefughu eyôsò â Zenàs; tɔɔŋ dèekə̀làŋ vʉ̀, ghèe Àpolòs, abugho ghe lo so e zəghàa səā wô. Ghù ŋ ghəəŋ tsùghù sùghò enyəa e kwo ghe lô so e laʼà fəgha kə̀ li ko.