Kə̀fwàʼ 15:13 - To kə Kəzə̀ kə̀ Fughu ko

¹³ A m bùghò ghe ndôʼ kə̂aa mɛʼɛ̀ tsughu, Dzɛ̂ms m bɛ̀lɛ̀ ndùw enyəa, “Waazə̂ ghò, zuw tsughu nlò ghɛ;

Kə̀fwàʼ 15:13 Iomraidhean Croise

Mâk 15:40

Yîzən à li ghə n lo a fughu, ti alo kədɛ̀, lɛ̂ɛn wò ghəa yì. Yîzən a te a mò lo, Mèle Màgdàlɛ̂n, Mèle (zə̂ Dzɛ̂ms, wɛ̂ɛtùghu ù Dzosɛ̀s), àsùghò Sàlomɛ̀.

Kə̀fwàʼ 12:17

Ù m fòʼ kɔ̀ʼ aŋ ghu kə wə̄n â ghee enyəa ghe doʼò tsughu mɔŋ, daŋso teso dzɛ̀ ndùw ghəa Mughubè ù te mò nî nughù sə wo wən a te an ndughutsāʼ â ghee. Ù m bùghò bàʼso tsughu enyəa, “Dzǎa ndùw ghəa ghən â Dzɛ̂ms ghèe ghê ghì ghəla ghe lo mo ghe m boo.” Ù n daŋso nùghù è tsughu nùghù ndùw luʼū tə wə̄n.

Kə̀fwàʼ 15:14

Sǎemòn n teso kɔ̀ʼ wò ghəa Zə̀ kə̀ mò zeʼē bâŋ kôʼ Toʼò zò, shìa sə̀ wò àghì am bvʉ e ghee enyəa à lò ghî a wə̄n.

Kə̀fwàʼ 2:14

Pità fi daŋso nyɛʼɛ nùghù těe tsə̀ghàsə̀ wò nù ghèe ghê tum tə̀ li tì èghəm à ghè zò e mɔ̀ʼ, dzɛ̀ kɔ̀ʼ â nɔ̀e kə aghì chi an dzə̂ è tughu enyəa, “Dzûu tò, à ghɛ̀ à li ghə̀n à dzə̀m ghɛ̀ mughù fɛ an Yɛ̀lusalɛ̀m, tsʉ kɔʼ nlò tuūŋ wɛʼɛ wo, ghɛ̀ zəən tsughu shwaʼ waŋa wo.

Kə̀fwàʼ 2:22

Pità n daŋso dzɛ̀ tsùghù enyəa, “Wo ghî ghə Ezə̀lɛ̂ ghò, zəən wò nlò shwaʼ wə̄n wo. Yɛso, ghùw u Nazalɛ̀t wən fə̀ lo ghùw wəla Zə̀ kə fə̀ boō tsughu, dè sə kɔʼ am bvʉ̄a zɛʼɛ̄, ghəəŋ tsughu enyəa ù è deē sə̀ghàa mò aŋghəa ghuūghùe zɛʼɛ̄ e mgbaŋ kwo sugho.

Kə̀fwàʼ 2:29

Waazə̂ ghaŋa ghò, Ǹ so Ǹ ndzəmà kə̂aa wô àghəa â ghɛ̀ kùu ndùw tsele ù ghê tsele ù sɛ̀, Dɛvìd, enyəa ù fə̀ kpuw tsughu nû, ghe n tsəla tsughu wə̄n, shîaa e wə̄n zəa e naām lo fɛ sɛ̀ bùghò sə̀ nɛ̄.

Kə̀fwàʼ 21:18

A m bùghò tsuʼ fə̀ li fi, ghàʼ à ghê Pôl n ndùw alendùw kôʼ Dzɛ̂ms; tsoʼ tə n lo fughu ghee a dzə̀m.

Kə̀fwàʼ 22:1

“Waazə̂ ghaŋa gho, ghê tsele ghaŋā, zəən tsughu nlò ghəa Ǹ so M̀ bâaŋ ghue waŋa êzəŋ a te an sə kɛʼɛ.”

Kə̀fwàʼ 7:2

Sìtofɛ̀ m bɛ̀lɛ̀ tsùghù enyəa, “Waazə̂ ghaŋa gho, ghê tsele ghaŋā, zəən tsughu nlò shwaʼ waŋa wo! To tselè ù sɛ̀ Abə̀làhâm è ndûw mughùu an Halàn, à fə̀ lo mò Zə̀ kə nsəghanyəgha kə m bùghò sə̀ a vʉ̀a wə̄n aŋghəa ù mò lo am Mɛ̀sòpòtɛmìa,

Gàlashìan 1:19

Ŋ̀ ka fə kôom sə kpeen dzə̀ ghàʼ à tùm è Yɛso è lòʼ à gɔ̀ʼɔ̀ ko Dzɛ̂ms, wàazə̀ Mughùbè ù sɛ̀.

Gàlashìan 2:12

Tɔŋlo enyəa Pità fə̀ zəa dzəəŋ tsəgha ghèe ghê Tòʼò zò, a m bùghò ù kòʼ kɔʼ ghî yia Dzɛ̂ms tum wo, ù ŋ kaʼ aletiī zəghàa Etòʼò; ù màʼa fə̀ tsəŋō ghî ghəla ghe fə̀ ləghaa enyəa mò ghùw ù nughùnùghù so e boo fughu â Zə̀ kò, ghe n tèlè sugho tsughu tigh kə wə̄n.

Gàlashìan 2:9

A m bùghò Pità ghèe Dzɛ̂ms asùghò Dzɔ̌n, ghî ghəla ghiī a fə̀ kwo tǒ tsôʼ tə dzeŋe kə ghì a Kəzə̀ tə̀ səŋò tò kele tsughu enyəa à fwàʼ kən â mùghò fughu Kəzə̀, ghe n tɔɔŋ zùw wò ghàʼ à Bànabàs, fùghù ghàʼ â ghu ko aledèe tsughu enyəa ghe ŋ ghàʼ kpenì, enyəa ghaʼ à ghee êzəŋ e lo alo kəfəgha kə̀ mɔ̀ʼ. Ghàʼ à ghee n tsughu boo tsughu enyəa ghàʼ à Bànabàs è naʼn nduw tum è Kə̀zə̀ â Tòʼò zò, to ghe e kuuwn naʼn nduw â Dzûu tò.

Dzɛ̂ms 1:1

À lò mugho Dzɛ̂ms, Ǹ tɔɔ̄ wo mwàʼsò kən ko, M̀ fwaʼà a tsəlà Zə̀ kò ghèe Mughu ù te, Yɛso Kə̀lestò. M̀ mwàʼsò kən kə tɔɔ wò â ghɛ̀ ghî a Kəzə̀ ghò tɔ̂ɔŋ ghì ghə Ezə̀lɛ̂ ghə̀là ghɛ̀ sɛ̂ɛ mughùu kaāŋ nduw aŋ kàlà tə mbī e dzə̀m. Yia M̀ fughuu wô ghɛ â tɔɔŋ zo.

Dzɛ̂ms 1:19

Waazə̂ ghaŋa gho, Ǹ ləghaa enyəa ghɛ̀ kele tsughu ghəa ghən gho, tò chìa è mbaa zuuw niī ghəa zo, tò ù è ka e chwaa kəaa ghəa gho, ù e ka è laŋā pfʉso sugho nʉghà wò.