Kə̀fwàʼ 15:11 - To kə Kəzə̀ kə̀ Fughu ko

¹¹ Sɛ̀ fɛ kuuwn kwo ko enyəa sɛ̀ lo zəa nù tuw ko am bàm e dzùŋù m Mughùbè Yɛso, aŋ ghəa Toʼò è lo bɔɔ̄m zəā sugho.”

Kə̀fwàʼ 15:11 Iomraidhean Croise

Lumà 3:24

Zə̀ chia kə ghəəŋ tsughu an dzɔ̀ e wə̄n enyəa ghî a doʼo tsəghatsəgha a vʉ̀a wə̄n. Kə fə̀ enyə ghəəŋ tsughu aŋghəa Kə̀lestò Yɛso fə̀ bughò zue sə wô tuw u aghì wò mo ghî kâ fəgha kə̀ li ko a te tsə tsə̀ghà ndùw.

Lumà 5:15

Namso kəla Zə̀ kə̀ ndzə̂əm fughuu wo yo dzə tò bo e Adàm. Tɔŋlo enyəa ndə̀m e aghì fə̀ kpuwnlo bòʼ bo e ghûw u mɔ̀ʼ. Dzɔ̂ e Kəzə̀ zəa e kuūwn ŋgeē duūw àsùghò ndzə̀əm kə kənamso kə wə̄n kəla ù fughu â ndə̀mà tə aghì tò am bàm e dzɔ̀ e ghùw ù mɔ̀ʼ sughò, tɔɔŋ Yɛso Kə̀lestò.

Lumà 6:23

Ghɛ̀ kele tsughu enyəa, namso kəla ghùw kele am bo zəla ù ghəə̄ŋ tsughu lò evʉ, Zə̀ chia kə kuuwn tsôo ndzə̂əm fughuu ko mughù è doʼn təla zo am bàm e Kə̀lestò Yɛso, Mughùbè ù sɛ̀.

1 Kòlentìan 16:23

Ŋ̀ gôŋlò enyəa to Mughùbè Yɛso mò dê ghɛ̀ â dzɔ̀ e wə̄n zo.

2 Kòlentìan 13:14

To dzɔ̂ è Mughu ù te Yɛso Kə̀lestò, ləgha e Kəzə̀ àsùghò Zuʼ tə Kəzə̀ təla tə təmdzəə̄ŋ sɛ̀ alo kəfəgha kə mɔ̀ʼ, mô lǒ ghɛ̀ à ghee a dzə̀m.

2 Kòlentìan 8:9

Tɔŋlo enyəa ghɛ̀ kwo nû dzɔ̂ e Mughubè Yɛso Kə̀lestò zò, enyəa aŋghəa ù mò buʼù kuū ko fɛ, ù n naam tùe zə̀ghàa ndùw kô kum e wə̄n e t zo bùghò dòʼò tsughu ghùw ù lǎa ko ghəa zɛʼɛ, enyəa an lɛ e wə̄n zən, ghɛ̀ è lo alebùghò doʼò ghì a kuu gho.

Gàlashìan 1:6

Dzughu e zuu mùghò aŋ ghəa ghəla ghɛ̀ ghəŋlo, enyəa ghɛ̀ ŋ ghaam kùʼn tì zə̀ghaa Zə̀ kəla kə mò tɔŋɔ̄ ghɛ enyəa ghɛ̀ e lo ghî a wə̄n gho an dzɔ̀ zəla Kə̀lestò fə̀ dê tsughu â ghɛ̀, ghɛ̀ yia fwə̂ən nughùu nduw alebwiī aŋghəa làbəlà è nùghu dêe —

Gàlashìan 2:16

a kwo sugho nû enyəa ghùw dòʼn dzə̀ yǒ ghûw ù zɔ̀lɔ a vʉ̀a Zə̀ kò enyəa so ù nàŋa tsughu kəlâŋ, à lǎam lò abugho ù gaʼ tsughu fə̀ŋ e wə̄n a zəŋò Yɛso Kə̀lestò. Zən lò e ghee ghàʼ boō fughu ndûw sugho â Kə̀lestò, enyəa ghàʼ doʼò tsughu ghî à zɔlɔ gho am fə̀ŋ zəla a gaʼ tsughu a zəŋò Kə̀lestò Yɛso, à yò dzə̂ làŋ kə̀ naaŋ ko; tɔŋlo enyəa abugho à lò ko an làŋ kə̀ naaŋ ko, ghùw yò aledòʼò ghùw ù zɔ̀lɔ.

Taetùs 2:11

Tɔŋlo enyəa Zə̀ kə̀ n dè wò dzɔ̂ e wə̄n zo â ghì ghò a dzə̀m, aŋghəa Kə lo bəghasəā ghe a te.

Edêe Fughu 5:9

Ghe n zôo zom è fughu zo, zoo tsughu enyəa, “Ghǔ ŋ kɔʼkpe alenìi kɔʼ nyəme u kəmwàʼsò u te wo, àsugho alezʉ̀mè nughù kɔʼ mə̀ŋ e te, tɔŋlo enyəa ghe maā ghû wì, ghù n nì kɔ̀ʼ kâŋ tə̀ghà zuesə tsughu aghî a te an ndùm tə̀n tə̀ dzə̀m àsùghò ghì ghən a dzə̀m ghe dzeŋe saʼā shwaʼ wo u mɔ, an tum wən ù dzə̀m, aŋ ghì ghə̀n à dzə̀m an nàʼà tə̀n tə̀ dzə̀m, ghù n nì fùghù wò â Zə̀ kò.