Kə̀fwàʼ 15:1 - To kə Kəzə̀ kə̀ Fughu ko

¹ Ghî à li ghə ŋ kòom ndùw nùghù tsùghù ko an Dzùdîa, bùghò kàʼ wò ghì ghəla ghe boō fughu â Kə̀lestò an Antìok a lùʼù tsʉā wo enyəa, “À gɔ̀ʼɔ̀ mo ghe sugho tigh kə̂a aŋ ghəa bughōo kə Musî kə̀ deē, ghù yò dzə̂ alezə̄ kə̄tūw.”

Kə̀fwàʼ 15:1 Iomraidhean Croise

Dzɔ̌n 7:22

Musî fə̀ de tsughu â ghɛ̀ enyəa a sughoo tsə̀ghà tiigh kə ghûw (à yò dzə̂ enyəa à fə̀ lo ghəa e Musî, e fə nughūu nduūŋ wo aŋ ghùu ghê tsele), ghɛ̀ yia sughōo tiigh kə ghûw kò Tsuʼntsə̄.

Kə̀fwàʼ 1:15

An tsùʼu n te mò ko, ghəa ghe zûuŋ wô tsuʼ ù li wo (ghe fə̀ dzeŋe lo bɔm fə aghì à ghì ghò ghuūghûw), Pità n nùghù těe è kɔʼ, dzɛ̀ tsùghù enyəa,

Kə̀fwàʼ 15:22

Tum tì ghèe ghê tsoʼ to àsùghò ghì ghəla ghe boō tsughu ŋ kòʼ tsùghù enyəa e dzɔ̂ɔ nù enyəa to ghe mô dzə̂a kɔʼ aghî am bvʉa e ghee ghe tuū ndûw an Antìok ghèe ghê Pôl à Bànabàs. Ghe n tsɔ̀ʼ sə̀ wò ghì ghəla ghe mò lɛɛ̄n ghî ghò am bvʉa e waakə̀lestò e te zo a bə̀ghà. Ghe n nì sə̀ wò Dzudàs wəla ghe fə̀ tɔŋlo enyəa Bàsabàs àsùghò Silàs, tùm è nduw,

Kə̀fwàʼ 15:23

à mwàʼsò kò kə dzâa tsughuu enyəa, “Ghàʼ tə̀ tum, à tsoʼ to, waazə̂ ghɛʼɛ, ghàʼ tum tɔ̄ɔŋ wò waazə̂ ghaʼa a dzə̀m ghəla ghe dzə tsughu tò Etoʼò; ghəla ghe mughu an Antìok, an Sylìa, àsùghò an Cilisìa.

Kə̀fwàʼ 15:24

Ghəa ghàʼ lô mò ghǎʼ n zuw enyəa ghî à li a mò sə kɔʼ fɛ am bvʉa zaʼā bùghò fə̀mso ghɛ̀ an tsʉ̀ è li zo, sàʼ màʼà tsùghù môʼn zɛʼɛ, mò à kà ghǎʼ ghee bûʼ tùm sùghò.

Kə̀fwàʼ 15:3

A m bùghò ghe sô lo an dziī ghəa ghî a Kə̀lestò à tum sə tsughu ghee, ghe n tsə̀ghà nyə̀ ndùw dzì am Fòenishìa àsùghò an Sàmalìa, nàʼn ndùw ghəa Toʼò è fəlà doʼn wô ghî à Kə̀lestò ghò a te. Shwaʼ wən n dzə̀n ndùw kə̀duʼnlo am fə̀ŋ tə waakə̀lestò yì à dzə̀m.

Kə̀fwàʼ 15:32

Dzudàs ghèe Saelàs, mo ghuūghùe e ghee e lo sugho ghê wàkə̀a, ghe m fəghaan kə̀aa kpèʼe ndùw ndə̀mà tə aghəa tə̀ li to â ghee, dzə̀n kpèʼe ndùw fə̀ŋ tə ghee, dzə̀n ndùw sùghò ghee â sə̀ŋ zò.

Kə̀fwàʼ 15:5

Ghî à li gho an dzeŋe kə Falàsîi ghe fə̀ boō fughu tsughu â Kə̀lestò, n nùghù è kɔʼ kàʼ ndùw alekə̀aa enyəa, “E dzɔ̂ɔ nù enyəa to Toʼò è mô sùghoo tsūghûu twii e ghee, ghe e naaŋ tsughuu lâŋ kə Musî kò.”

Kə̀fwàʼ 21:20

Ghəa ghe zuw tsughu ghəa a te gho, ghe m fughu ukɛɛ â Mughu ù te, dzɛ̀ â Pôl enyəa, “Ŋ wàazə̀ Pôl, kǒʼ ndə̀mà tə təkām tə ghì a Dzùdîa təla tə boo tsughuu, àsùghò aŋghəa dzaŋadzaŋ tə kɔʼn ghee alo kəlàŋ a.

Kə̀fwàʼ 6:14

nu ghàʼ maā zuw ù kə̀aa enyəa Yɛso ghùw Nazalɛ̀t wən lo sàʼà màʼn tsùghûu Ndùghù è Kə̀zə̀ e ne, ù kuūwn kɔʼ ghəa ghə enaʼ a sɛ̀ ghəla Musî fə̀ fughu naŋā â sɛ̀.”

Gàlashìan 2:1

A m bùghò nûu tə̀ tsəghà tsughu eghə̄m à ghè tò tə chìakò, mùghò ŋ kòom kɔʼ kpeʼe ndùw an Yɛ̀lusalɛ̀m ghàʼ à Bànabàs. Mùghò n nì kɔ̀ʼ Taetùs, ndùw ghàʼ à ghee.

Gàlashìan 5:6

Abugho ghe sugho tigh kə ghûw kò ŋkāa ghe tâʼkè sugho, zə ki dzə yo ghəa è li zo aleghəŋlo am mùghù e sɛ̀ à ghê Kə̀lestò Yɛso. Ghəa èsəŋò zəla e lo ghè zò lò enyəa, sɛ̀ ŋgaʼ fə̀ŋ a zəŋò Kə̀lestò an ləgha zəla a ki ghè zò.

Gàlashìan 6:12

Ghî ghəla ghe dzâa wô enyəa ghɛ̀ e sughoo twigh wɛʼɛ wo, lo ghî ghəla ghe ləghaa ko aletɔʼɔ̄ deē səa wo ghue e ghee enyəa ghe lo ghî à dzûŋ ghò. Ghe ləghaa yo alezoʼn wo ghî ghò enyəa ghe lo nû alezə̄ kətuw bòʼ aŋghəa Kə̀lestò fə̀ kpuw alo kədàŋlo. Ghe enyə ghəŋlo ghe sô tsəŋō enyəa ghî à lô dzaŋsō kaāŋ ghee.

Kòloshìan 2:16

À fi lo enyəa ghùw ù lì ki yo alesāʼ ghɛ am fəgha kəla ghɛ̀ zəā ŋkāa ghɛ̀ mʉā ghè kò. Ghe ki sugho yo alesaʼ ghɛ abugho ghɛ̀ zeē tsəgha yo Tsuʼutəntsə̄ tə Tə̀dzûu tò ŋkāa abugho ghɛ̀ zeē tsəghà yo tsuʼu məla Dzûu tə̀ zəā zə ko a te ŋkāa abugho ghɛ̀ zəā tsəghà yo zə kə Ndzɔ̄ŋ è fughu ko.

Kòloshìan 2:8

E kwo ko ghùw ù lì lô so è ndûw bùghòo â tɔ u ghì am mbī wo, ù bùghò ghəə̄ŋ tsughu enyəa ghɛ̀ doʼo tsughu kɔ̂ wò â wə̄n, aghəa mò à lò nzə̀azə̀a ŋ kwu mò ghî a mbī a mò moʼn sə kɔʼ, zoʼn ndùuŋ tsùghuu wò àghì a te, àsùghò ghəla a nughùun wo aŋ ghùu shʉ̀ghà u mbī wo, mo a te a kâ sə̀ dzə̀ aŋ ghùu Kə̀lestò.