Kə̀fwàʼ 14:9 - To kə Kəzə̀ kə̀ Fughu ko

⁹ Ù n zə̂ən kô shwaʼ u Pôl, Pôl n tɔʼɔ̀ fwèe sùghò wə̄n, ghəa ù kòʼ tsughu enyəa ù m fə̀ŋ gaʼ aŋ Kə̀lestò vʉ̀ ù kpe to a e baŋlo wə̄n.

Kə̀fwàʼ 14:9 Iomraidhean Croise

Matìo 13:58

Ù ŋ kè ŋgeē dê n sə̀ghà a fughu, bòʼ ghe ka fə boo fughu â wə̄n.

Matìo 15:28

Yɛso n daŋso bɛ̀lɛ̀ tsùghù nʉghà vʉ enyəa, “Wo wìzən, ghù m bɛso boo fughu â mùghò. E bɔɔ̄m doʼò ko aŋghəa ghù ləghaa.” Wɛ ù nùghò vʉ n daŋso tughu kɔʼ an nə̀gha e te zo.

Matìo 8:10

Dzughu zə n zum Yɛso aŋghəa ù zuw tsughu shwaʼ u tûwbʉ̀ghà vʉ wo, ù n dzɛ̀ â ghì yìa ghe mò lo a bàâ wən enyəa, “Kùmkùm, M̀ fɛ dzàa wò nù â ghɛ̀, Ŋ̀ kaām bûʼ kô kôʼ ghùw an naʼ zə Ezə̀lɛ̂ ù ŋgəmso kûum boō fughu â Zə̀ kò tǒ ghùw wən.

Matìo 9:22

Yɛso m fə̀n tsùghù ughue, kòʼ tsughu wə̄n, dzɛ̀ tsùghù enyəa, “Kele tsughu fə̀ŋ è dzùŋ a ŋ wɛ̄; fə̀ŋ zəla ghù gaʼ tsughu a zəŋò Zə̀ kò, zə̀ ŋ ghù baŋlo.” Wizən vʉ n tughu tən kɔʼ ko an nə̀gha e te zo.

Mâk 10:52

Yɛso n dzɛ̀ â wə̄n enyəa, “Nùghù luʼū təghà tò; boo zəghà zə̀ ŋ ghù baŋlo.” Sə a wə̄n ghə n daŋso tsʉ̀ è kɔʼ, ù n nùghù ndùw ghèe Yɛso an dziī.

Mâk 2:5

A m bùghò Yɛso kǒʼ fə̀ŋ zəla ghe ki ghè zò, ù n dzɛ̀ â kə̀əŋ chi ko enyəa, “Ŋ wɛ̄, Zə̀ kə̀ m bòo tə̀ghà tə̀ ghuuw màʼà.”

Mâk 8:25

Yɛso n daŋso gaʼ kpeʼe ndùw ghu a wə̄n an sə a tûwbʉ̀ghà vʉ̀; tûw vʉ n tɔ̀ʼ zìso kɔʼ asə, sə ghə ŋ kòom tsʉ̀ è kɔʼ, ù ŋ kòʼ tɔ̀ ndùw tə̀luʼū.

Kə̀fwàʼ 10:4

Ù n lɛɛn ko tsə̀ndə̄ghā zə alo etsə̄ŋ alo etsə̄ŋ, nùghù bvʉ tsughu enyəa “À lǒ kwò à Mughùbè?” Tsə̀ndə̄ghā zə m bɛ̀lɛ̀ tsùghù enyəa, “Zə̀ kə̀ tsoʼn nù am fwàʼ kə̀a kə̀ dzûŋ kə̀là ghù fwàʼa, chia kə zuw sughò gɔ̂ɔŋ zə̀ghà zò.

Kə̀fwàʼ 3:4

Ghêe Pità n tɔ̀ʼ fwè wə̄n enyə, dzɛ̀ â wən enyəa, “Lɛɛn wò ghaʼ enyə.”