Kə̀fwàʼ 14:6 - To kə Kəzə̀ kə̀ Fughu ko

⁶ tum tə ŋ kelê ghəa yì, tì nùghù ndùw an naʼ e Lystlà àsùghò an naʼ e Dɛbì, naʼà tə Lìkaunìa, àsùghò aŋ ŋgwə̀là tə te to;

Kə̀fwàʼ 14:6 Iomraidhean Croise

Matìo 10:23

Abugho ghe ndzaŋso kaāŋ ghɛ an naʼ è li zo, ghɛ̀ n ti ndùw an naʼ è nughù zò; M̀ fɛ kùum dzàa wò nù â ghɛ̀ enyəa, ghɛ̀ lo yò aletsə̀ghàa ŋgəaa mɛʼɛ̀ nàʼà tə Ezə̀lɛ̂ tə̀n tə̀ dzə̀m, mò Wɛ̀ ù Ghùw kà bùghò.

Kə̀fwàʼ 14:11

A m bùghò nɔ̂e wə aghì yi kôʼ ghəa yia Pôl fwàʼ tsughu, ghe m buʼnlo m̀bɔ̀ŋ an shwāʼ u tə Lỳkaunìa enyəa, “Zʉ̀ wə̀ n sə̀ tsùghù wò a vʉ̀a sɛ̀ aŋ ghuè e aghì.”

Kə̀fwàʼ 14:8

Ghùw ù lòʼ n doʼ an Lystə̀là mo fwee e fwaʼà yòʼ, mò ù kaam tso bwìi sə̀ kòʼ wò, nu ghe fə̌ wə̄n dzə sə tsughu wo ko mò ù lǒ kə̀ŋgwûundughu.

Kə̀fwàʼ 15:36

A m bùghò tsuʼu n tsəghà tsughu n sòʼ ènyə Pôl n nùghù dzɛ̀ tsùghu â Bànabàs enyəa, “Bùghò sɛ̀ kôom ŋgəa bwîin koʼò kaāŋ ndûw waazə̂ a sɛ̀ an nàʼà tə̀n tə̀ dzə̀m sɛ̀ lo mo an ndùw nàʼà kǒʼ tùm è Dzǔŋ fughu, a ndûw kôʼò kaāŋ wô enyəa ghe fughu lo kaaŋ nduw ênzə̂n.”

Kə̀fwàʼ 20:4

Ghî ghə̀là ghèe ghee mò bwîi nduw a dzə̀m mò lo Sòpatà, wɛ̀ ù Pilhùs, ghùw ù Bɛ̀lêa àsùghò Àlestālkùs ghèe Sɛ̀kundùs, ghî a Tɛ̀sàlonikà. Gayòs, ghùw Dəlbì, n lo àsùghò Timotì; Tykə̄kùs n lo àsùghò Tə̀lòfimùs, ghî a Ɛshìa.

Kə̀fwàʼ 9:24

Sôol m bùghò kèle kɔʼ fə̀mbɛ̀ fə ghee fə te fo enyəa ghe chîin zěe ndùw fuū u ughɔŋ u enaʼ, chìin bwǐi ndùw enyəa to ghe mô kwuū wi ghee;

2 Timotì 3:11

Ghù kwò nû aŋghəa ghe mò dzaŋso mugho a te àsùghò aŋghəa mùghò mò fala a te. Ghù vʉ̀a ghù kwo sugho tsû wəla mùghò mò lo a te an Antìok, Ekonìum àsùghò an Listə̀là. Aŋghəa ghəa ghən fə̀ səā a zəŋò mùghò, Mughu ù te naam bəghasə̄ ko mùghò aŋ ghùu ghəa a te gho a dzə̀m.