Kə̀fwàʼ 14:3 - To kə Kəzə̀ kə̀ Fughu ko

³ Ghê Pôl n dòʼò fùghù èzə an də̀ghàa kə kəgha, dòo kə̀aa ko àghəa kùu ndùw Mughu ù te. Mughù ù te n dè fùghù wò ghəa a te gho a dzə̀m enyəa à lò êsəŋò an sə̀ghàa məla ghe mò deē.

Kə̀fwàʼ 14:3 Iomraidhean Croise

Mâk 16:20

Tsə̀təndə̄ghā tə wə̄n tə n daŋso sə̀ sɛ̀ɛ è tsughu, nàʼn kǎaŋ ndùw tsə̀ndə̄ghā è Kə̀zə̀ an lùʼù tən tə̀ dzə̀m. Ghue u Mughu ù te wə n lo a bàâ ghee, tughuso ndùw shwaʼ u ghee an tsə̌a təla tə fə̀ səā kɔʼɔ̄ a te. Àkpe.

Dzɔ̌n 4:48

Yɛso n dzɛ̀ fughu â wə̄n enyəa, “Ghùw wɛʼɛ u mɔ̀ʼ yò aleboō fughu à gɔ̀ʼɔ̀ ko mò ghɛ̀ kôʼ tsùghù dzə̀ tsə̌a tə aghəa ghəla dzughu a lo alezūm aghî a te.”

Kə̀fwàʼ 13:46

Pôl ghèe Bànabàs n daŋso dzeŋe dò kə̀a sə̀ wò àghəa, dzàa ndùw enyəa, “E mô kpè nû enyəa a buʼù kə̂a wô dzə̂ shwaʼ u Kəzə̀ â ghɛ̀. Yia abugho ghɛ̀ tue maʼā, nì tsùghù enyəa ghɛ̀ kâ kɔ̀ʼ kpè tò ghɛ̀ è zə etsɛlɛ̀, ghàʼ fwəlà fùghuu ndùw êzəŋ â Tòʼò zò.

Kə̀fwàʼ 2:22

Pità n daŋso dzɛ̀ tsùghù enyəa, “Wo ghî ghə Ezə̀lɛ̂ ghò, zəən wò nlò shwaʼ wə̄n wo. Yɛso, ghùw u Nazalɛ̀t wən fə̀ lo ghùw wəla Zə̀ kə fə̀ boō tsughu, dè sə kɔʼ am bvʉ̄a zɛʼɛ̄, ghəəŋ tsughu enyəa ù è deē sə̀ghàa mò aŋghəa ghuūghùe zɛʼɛ̄ e mgbaŋ kwo sugho.

Kə̀fwàʼ 20:24

Ŋ̀ kâ bùʼ nì tuw kaŋa tò kəfəgha abugho M̀ kpaʼ lô dzə̂ alemìasò kɔʼ ŋgəa zəla Ŋ̀ ŋgəāa kaŋlō àsùghò fwàʼ kə̀là mùghò fə̀ nî kɔʼ aŋ ghùu Mughu ù te Yɛso Kə̀lestò, alezùghòo làbəlà è dzùŋ kùu ndùw dzɔ̂ e Kəzə̀.

Kə̀fwàʼ 20:32

M̀ fɛ êzəŋ fughuu nyəa tsughuu ghɛ̀ aŋ ghu kə Kəzə̀, àsùghò an shwaʼ u wən ù dzûŋ wò; wəla kə lo alebɔɔ̄ tīsō ghɛ̀, wəla ghəə̄ŋ sughò ghɛ̀ zə fʉgha wəla u lɛɛ̄n ghî ghəla ghe lo mo ghe ŋ ghee sûw màʼà.

Kə̀fwàʼ 4:31

A m bùghò ghe gɔ̂ɔŋ tsughu Zə̀ kò êzə̀, luʼū kəla ghe mò zûuŋ doʼō a te n nùghù nòʼ è tsughu; Zùʼ è Zɔ̀lɔ n daŋso nyə tsughu ghee a zəŋo eghùe, ghe n dôo kə̀aa wò shwaʼ u Kəzə̀ an dò tə aghəa.

Kə̀fwàʼ 5:32

Ghàʼ fɛ ti aleteso dzaā wo ghəa ghən, ghàʼ à ghê Zuʼ tə Kəzə̀ tə̀là ù fughuu â ghì ghəla ghe boō tsughu â wə̄n.”

Lumà 1:16

Ǹ də̂nsò yò tuw ko alezughò Làbəlà è dzùŋ zən kùu ndùw Kə̀lestò, tɔŋlo enyəa à lǒ dzì zəla daʼa kə Kə̀zə̀ kə̀ bəghaasəa ghî ghən a dzə̀m ghe lo mo ghe m boo fughu â wə̄n, mò kə nî nùghù tsùghù a zəŋò Dzûu tò bughò tɛ̀ wò a zəŋò Tòʼò zò.

1 Tɛ̀sàlonìan 2:2

Ghɛ̀ kwo nû aŋghəa ghǎʼ mò fala a te am Felèpîi àsùghò aŋghəa ghe fə̀ sûuwn ghaʼ a te fughu alo enaʼ. Ghəa e mò bûʼ lô ko enyəa ghe mò ŋgee fughuu ghaʼ â tsù wo fughu alo enaʼ, Zə̀ kə sɛ̀ kə̀ n naam fughu tsughu ghàʼ â fə̀ŋ è te â ghàʼ alenāʼn wô làbəlà è dzuŋ zə̄n â ghɛ̀.

Hibùlù 2:4

Zə̀ kə̀ m mʉa fughuu wò sùghò gùw è ghee alo tətsə̌a àsùghò alo nsə̀ghàa, àsùghò aŋ ghəa kə fə̀ dzughùu fughuu ndûw fughu kə u Zuʼ tə Zɔlɔ to â ghì ghò aŋ ghəa kə fə̀ tsə̂m tsughu.