Kə̀fwàʼ 13:8 - To kə Kəzə̀ kə̀ Fughu ko

⁸ Ghùw ù ghə̀a à fəən vʉ̀, ghe mò tɔɔ̄ŋ sughò enyəa à lǒ Ɛ̀laemàs an shwaʼ u Gə̀lês, ŋ kuuwn komso ndùw ghee, də̀mà ko enyəa e təghàsò maʼà to gɔvə̀nò lò naāŋ wô tuūŋ ko an Làbəlà è Dzùŋ zə̀ ù lò boōm fughuu wo a te.

Kə̀fwàʼ 13:8 Iomraidhean Croise

Dzɔ̌n 1:41

A m bùghò Andèle zəghà tsughu Yɛso, ù ndùw kòʼ ndùw wàazə̀ tɔɔŋ Sàemòn, dzɛ̀ â wə̄n enyəa, “Ghàʼ ŋ Kə̀lestò u te kôʼ.”

Kə̀fwàʼ 13:12

A m bùghò gɔvə̀nò kòʼ tsughu ghəa yia a sə kɔʼ, ù m boo fùghù è nduw, tɔŋlo enyəa ghəa ghəla ghe mò zoʼnlō kùu ndùw Mughubè ù te a mò kpuuw wə̄n â tuw ko.

Kə̀fwàʼ 18:12

A n ndùw bùghò Galìo bùghò doʼò tsughu tuw ko am mbùʼ è Àkaeyà, Dzûu tə̀ n nùghù maŋkwu kɔʼ Pôl, sè wò wən aŋ kaŋsì,

Kə̀fwàʼ 19:38

Abugho à lò enyəa Dèmetelìus ghèe ghê ghì a wə̄n a ki sāʼ ghèe ghê ghùw, tsuʼn tə̀saʼ n lo nû à ghì à saʼa gho, ghe ndûw kwuū ndûw ghue e ghee fughu.

Kə̀fwàʼ 6:7

Shwaʼ u Kəzə̀ wə̀ n ndûuw ndûuŋ ko â sə ko; kɔ̂n kə aghì kəla ghe mò boō fughu tsughu, kə m biso dùw tsùghù ènyə an Yɛ̀lusalɛ̀m, ndə̀mà tə tə̀fɔ̀e tə̀ m boo tsughu aŋ Kə̀lestò.

Kə̀fwàʼ 8:9

Ezə̄ŋ, tûwbʉ̀ghà ù lǐ n lo tsəgha fughu alo enaʼ ghe mò tɔŋlo enyəa à lò Sǎemòn, mò ù tsòo ghə̌əŋ tsə̀ghà kô ghəa à fəən gho fughu alo kə ghā. Ù ŋ ghəŋlo dzughu zə n zûu ghì a Sàmalìa, dzàa tsə̀ghà enyəa e kɔʼ kpē nû.

Kə̀fwàʼ 9:36

Tsə̀ndə̄ghā è lǐ n lo an Dzopà ghe mò tɔŋlo enyəa à lǒ Tàbità, mo e moʼò an shwaʼ u Gə̀lês enyəa Dolkàs (tsəfəŋgwū). Nughò vʉ n lo mò ù ŋge gaʼ fə̀ŋ aleghəəŋ ko ghəa à dzûŋ ghò, ù ŋ ki sugho ù m bughuu sùghò â ghu ko.

2 Timotì 3:8

Ghî ghən təghàsò kàŋlo èsəŋò, to aŋghəa Dzânɛ̀s ghèe Dzàmbɛlɛ̀s fə̀ təghàso kaāŋ shwaʼ u Musî wò. Aghî mo ghe ki dzə̀adzə̀ u təfə̀ŋ, mo ghe m bvʉ̀ kòmlò aŋ ghəa a ghee tò ghî a Kə̀lestò.