Kə̀fwàʼ 13:6 - To kə Kəzə̀ kə̀ Fughu ko

⁶ A m bùghò ghe tsəghà sə mɛʼɛ̀ nduw naʼà fìa dzùghù mò dzə̂əŋ ŋgəa kɔʼ ndùw lɔ̀ʼsò tɛ̀ mìasò ndùw am Pafòs, ghe n ndùw kpěen tsughu ghèe ghê ghùw ù fə̀nlo ù lì, ghùw Dzudà ù lì ù fɔɔ̄ tsəghà sə a ghì ghò enyəa e lo ghùwshʉ̀ghà Kə̀zə̀. Zən e wə̄n e mò lo Bal-Yɛso.

Kə̀fwàʼ 13:6 Iomraidhean Croise

Matìo 16:17

Yɛso n daŋso bɛ̀lɛ̀ tsùghu wə̄n enyəa, “Dzɔ̀ lǒ â ghù a Sǎemòn wɛ ù Dzɔ̌n, nu à kà sə̀ŋò zən dê dzə̂ ghùw ù lì â ghù, à sə̀ŋò e te e dê Tsele waŋā wəla ù lò alo kəwālā.

Matìo 24:24

Tɔŋlo enyəa, Kə̀lestò tə agha tə lo səa kɔʼɔ nù, àsùghò ghǐishùghà ghə agha gho, ghe e deē tsə̌a tə̀ fɛɛ̄n to, à sə̀ghà mò, enyəa abugho dzì lǒ, ghe buʼù sêe məŋsō ghì ghəla Zə̀ kə̀ tsɔʼ kɔʼ.

Matìo 7:15

“Nǐ nlò ghôom zò, ghiīshʉ̀ghà ghə agha a lo nû; ghe bughòo a vʉ̀a ghɛ̀ tò təndzì, mo ghe biso lo ubʉgha.

Mâk 10:46

Ghe n daŋso bùghò an Yɛ̀lekò; a m bùghò Yɛso nùghùun səā nduw an Yɛ̀lekò ghèe ghê tsə̀təndə̄ghā tə wə̄n to, à saʼ kə aghì kò. Bàtìmayòs, ghùwfǒo ù lì ù fə̀ nɔɔ̄ nɔe ko, wɛ̀ ù Tìmayòs, n doʼ am bùghu e dziī.

Kə̀fwàʼ 13:13

Pôl n daŋso nì kɔ̀ʼ kəkwə̀n ghèe ghê ghì a wə̄n gho zə̀ghàa tsùghù Pafòs dàŋ sə̀ wò am Pɛlgà am Pàmfilìa. Dzɔ̌n Mâk m bùghò zə̀ghàa tàʼà tsùghu ghee a fughu, nùghù ndùw èbàm an Yɛ̀lusalɛ̀m;

Kə̀fwàʼ 13:8

Ghùw ù ghə̀a à fəən vʉ̀, ghe mò tɔɔ̄ŋ sughò enyəa à lǒ Ɛ̀laemàs an shwaʼ u Gə̀lês, ŋ kuuwn komso ndùw ghee, də̀mà ko enyəa e təghàsò maʼà to gɔvə̀nò lò naāŋ wô tuūŋ ko an Làbəlà è Dzùŋ zə̀ ù lò boōm fughuu wo a te.

2 Kòlentìan 11:13

Ŋgoʼ è ghì ghən lo tum tə agha, ghî a kə̀fwàʼ à fwəlà a sə aghì ghò, ghe nyə gbəla doʼò kɔʼ tò tum tə Kə̀lestò.

2 Timotì 3:8

Ghî ghən təghàsò kàŋlo èsəŋò, to aŋghəa Dzânɛ̀s ghèe Dzàmbɛlɛ̀s fə̀ təghàso kaāŋ shwaʼ u Musî wò. Aghî mo ghe ki dzə̀adzə̀ u təfə̀ŋ, mo ghe m bvʉ̀ kòmlò aŋ ghəa a ghee tò ghî a Kə̀lestò.

1 Dzɔ̌n 4:1

Fən ghaŋā gho, kâ nlò e tsoō boom fughu ko â ghî ghən a dzə̀m ghe dzɛ̂ enyəa ghe ki Zuʼ tə Kəzə̀ mò ghɛ̀ kâ ghe bûʼ mɔ̀msò kòʼ tsughu dzə̀ alekele enyəa à Zuʼ tə te tə tə̂əm fughu to Kə̀zə̀ à; tɔŋlo enyəa ghiīshʉ̀ghà ghə agha a dûuw nù am mbī.

Edêe Fughu 19:20

Ghe ŋ kwu kɔʼ nyòm è ne zə̀, kwu dzəəŋ kɔ̀ʼ sùghò ghùwshʉ̀ghà wə àgha vʉ̀a ù mò dê tsughu sə̀ghàa mò an sə kə nyòoŋgwə̄n e ne zə. Ù n sè mə̀ŋso tsughu aghì nɔɔm tsughu ghî yia ghe mo tsə̂so naŋa ghee an tsə̌a è nyòm è ne zə̀, àsùghò ghì ghəla ghe kɔʼso mùʼù fia fə fweēn nyòm è te. Ghe n nì kɔʼ nyòm è ne e te ghèe ghùwshʉ̀gha wə̀ agha vʉ̀ â sə a tughu gho, màʼà nyə̀ ndùw am fɛ̀ɛn fɛ̀ɛn kə uwə̀n u biigh wo mo zuʼ kə̀ ləma kə̀ biigh kə̀ li kə mò səa wo an nyoʼ uwə̄n u te wo mo ghe tɔŋlo enyəa à lò sulfò.