Kə̀fwàʼ 13:5 - To kə Kəzə̀ kə̀ Fughu ko

⁵ A m bùghò ghe ndûw tɛ̂ tsughu aŋ kɔn u Sàlamìs, ghe n nàʼà ndùw tùm è Kə̀zə̀ a fughu an Ndughutə̀ne tə Tə̀dzûu tò. À n lo mo ghe maā Dzɔ̀n Mâk nî kɔ̀ʼ enyəa ù è tɔɔ̄m wo ghee am fwàʼ kə te ko.

Kə̀fwàʼ 13:5 Iomraidhean Croise

Matìo 20:26

E lo yò dzə̂ êzə̀ am bvʉa zɛʼɛ̄, ghùw wəla ù so e doʼò ghùw ù nè am bvʉa zɛʼɛ̄ ki aledòʼò tsughu ghùw ù kə̀ fwàʼ â ghì à li ghən a dzə̀m.

Kə̀fwàʼ 12:12

Ghəa ù kele tsughu dzə̂ ghəa ghən, ù n ndùw an ndughu alô Mèle, zə̂ Dzɔ̌n wəla zən e wə̄n è li e mò lô sughò Mâk, mò ndə̀m è àghǐ m fughu zûuŋ dòʼò, gɔ̀ŋlò.

Kə̀fwàʼ 12:25

A m bùghò Bànabàs ghèe Sôol daŋso mîasò tsughu fwàʼ kə ghee ko, ghe n nì kɔ̌ʼ Dzɔ̌n, wəla zən e wə̄n è li zən mò lô Mâk, nùghù ndùw ghèe ghee ebàm an Yɛ̀lusalɛ̀m.

Kə̀fwàʼ 13:14

ghe ŋ kuūwn nùghù dàŋso è nduw, zə̀ghàa tsùghù Pɛlgà, nyə̀ wò am Antìok am mbùʼù Pìsidìa. A m bùghò tsuʼntsə̄ ghe n ndùw nyə̀ gàʼ dòʼò tsùghù an ndùghùnè.

Kə̀fwàʼ 13:46

Pôl ghèe Bànabàs n daŋso dzeŋe dò kə̀a sə̀ wò àghəa, dzàa ndùw enyəa, “E mô kpè nû enyəa a buʼù kə̂a wô dzə̂ shwaʼ u Kəzə̀ â ghɛ̀. Yia abugho ghɛ̀ tue maʼā, nì tsùghù enyəa ghɛ̀ kâ kɔ̀ʼ kpè tò ghɛ̀ è zə etsɛlɛ̀, ghàʼ fwəlà fùghuu ndùw êzəŋ â Tòʼò zò.

Kə̀fwàʼ 14:1

Pôl ghèe Bànabàs ndùw nyə tsughu an ndùghùne è Tə̀dzûu an Ekonìum, kə̀a àghəa a fughu an dziī zəla ndə̀mà tə Dzûu ghèe ghê Gə̀lêk tə̀ m boo fughu ndùw â Kə̀lestò.

Kə̀fwàʼ 15:37

Bànabàs n ləghaa alenìi kɔʼ Dzɔ̀n wəla ghe mò tɔŋlo enyəa à lò Mâk enyəa ghèe ghee ndûw à dzə̀m.

Kə̀fwàʼ 17:17

Ù fi kaʼ nû alekele kaaŋ shwaʼ wo an ndùghùnē ghèe ghee Dzûu tò àsùghò ghì ghəla ghe boō fughu tsughu, àsùghò ghèe ghê ghì ghəla ghèe ghee bughò kpeen tsəghà am fwànlo tsuʼu mən n dzə̀m.

Kə̀fwàʼ 18:4

Pôl ŋ kɔʼɔ pfʉa zee tsə̀ghà ko èdzughu an ndùghùnē tsuʼntəntsə̄ tə Tə̀dzûu tən tə̀ dzə̀m, ù də̀mà alekɔɔ̄ŋ Tə̂dzûu tə̀ n zuuwkɛ̄lɛ̄ wò wə̄n ghèe ghê ghì a Gə̀lêk ghò.

Kə̀fwàʼ 19:22

Ù n daŋso nì kɔ̀ʼ Timotì ghèe Elastùs, ghî ghəla ghe mò tɔ̂ɔm wo wə̄n, təma zə̀ghàa ndùw ghee am Màsɛ̀donìa, ghuūghùe u wə̄n wə ŋ kuuwn tsùuŋ dòʼò kə̀ŋo ndùw an Ɛshìa.

Kə̀fwàʼ 19:29

Naʼ e te e fi daŋso tee kɔʼ nû alo efwēe, ghe n daŋso mbà nyə̀ŋ zùuŋ wò an sàŋ ghee, mo ghe ŋ Gayòs kwù kɔ̀ʼ ghèe Àlestālkùs, wɛ a Màsɛ̀donìa ghe mò dzeŋe bwîi kaāŋ wo ghèe ghê Pôl.

Kə̀fwàʼ 19:8

Pôl n nì kɔ̀ʼ tədzɔŋɔ tə təgha mò ù mgbɛ̌ɛ ndùw nyəa dòo kə̀aa ko aghəa ghèe ghee an ndughenē, pfʉa tsə̀ghà èdzughu fughu ghèe ghee, mgbɛɛ ko aŋ ghəa e fɔ̀e ù Kəzə̀ an ndughune.

Kə̀fwàʼ 9:20

nùghù dàŋso kaʼ tsughu alenàʼà kaaŋ tùm è Yɛso an ndughutə̀ne tə te to, dzàa ndùw enyəa, “Ù lǒ wɛ̀ ù Kə̀zə̀.”

Kòloshìan 4:10

Alistachùs, wəla ù lò fɛ an ndùghùtsāʼ ghàʼ à wə̄n fughu wò ghɛ̀ â tɔɔŋ zo. Mâk, tɔɔŋ wàazə̀ ù ghê Bànabâs vʉ̀a ù dzɛ̀ wô sugho enyəa ghàʼ tɔɔŋ zuūw wô ghɛ̀; ghɛ̀ mafə dzɛ̂ zìi wò ghəa ghò â ghɛ̀ kùu ndùw Mâk, abugho ù bughò fì avʉ̀a ghɛ̀, ghɛ̀ kpeni wə̄n aŋ ghu kə̀ dzûŋ kò.

2 Timotì 4:11

À fɛ̀ èzə̄ŋ lo ko Lûk ù dòʼòdoʼo tsughu ghàʼ à wə̄n: Abugho ghù so e bughòo nù, nîi kɔʼ Mâk, ghù abugho ghɛ̀ à wə̄n, tɔŋlo enyəa ù lo yòsò nù mugho am fwàʼ kən.