Kə̀fwàʼ 13:42 - To kə Kəzə̀ kə̀ Fughu ko

⁴² Ghəa Pôl ghèe Bànabàs səā nughùun wo, ghî yi ghə n dîi dzàa wò â ghee enyəa to ghe mô bughò kə̂aa kpeʼē wô ghəa ghən an Tsuʼntsə̄ u vʉa u mò kəə̄ŋ wo.

Kə̀fwàʼ 13:42 Iomraidhean Croise

Matìo 11:21

“Ghî a Kolàzîn ghò, àsùghò ghɛ̀ a ghî a Bɛ̀dsǎedà ghò, ghɛ̀ ke kòʼò mùlùŋ! Tɔŋlo enyəa abugho a mô fwaʼā num tə aghəa tən â ghì a Tâe ghì àsùghò ghì a Sidɔ̀n ghò, to ghe maā ndzʉ tə təmbə̀ghà tə̀ ki ka aledzə̀là, tsòʼnlò utuw an udzə̀m, aledèe tsughu enyəa ghe m fə̀ŋ tə ghee tə ti kuwnlo.

Matìo 19:30

Ndə̀m zəla è kuūwn lô sə ko êzə̄ŋ, ghe kê lò tsəgha kəbam, ghəla ghe lô bam ko êzəŋ, ghe kê kǔuwn lò kəsə.”

Matìo 9:18

Ghəa Yɛso sò naām kə̂a ghəa gho, a mo e kôʼ, ghùw ù ne ù lì an Dzudà ù n sə̀ ndùw nyàʼa ndùw a sə̀a wə̄n, dzɛ̀ â wə̄n enyəa, “Wɛ waŋā ù zən fɛ tsò kùʼn kpuw tsughu nû, bùgho mɔ̌ɔ tsughu ko wə̄n an tuʼ è mɔɔ̄ zo ko, ù sò zòom nùghùn wò nù ebàm.”

Kə̀fwàʼ 10:33

Mùghò n daŋso tum tsughu ghùw enyəa ghe mbaā bughò tɔŋɔ̄ fughu ghû, ghù vʉ̀a ù tso ŋge dzɔ̂ sugho, è bugho. Ghàʼ fɛ êzəŋ lo nû, an sə kə Zə̀, alezəə̄n mɛʼɛ̀ ghəa ghə̀n à dzə̀m Mughubè ù te dzɛ̂ enyəa ghù kəaa wo.”

Kə̀fwàʼ 13:14

ghe ŋ kuūwn nùghù dàŋso è nduw, zə̀ghàa tsùghù Pɛlgà, nyə̀ wò am Antìok am mbùʼù Pìsidìa. A m bùghò tsuʼntsə̄ ghe n ndùw nyə̀ gàʼ dòʼò tsùghù an ndùghùnè.

Kə̀fwàʼ 28:28

Ghɛ̀ ki alekele tsughu enyəa ghe n shwaʼ u tùw kə̀ zəa u Kəzə̀ wən nî tùm fùghù ndùw â Tòʼò tò, ghe lo zuuw nù.”