Kə̀fwàʼ 13:2 - To kə Kəzə̀ kə̀ Fughu ko

² Ghəa ghe kɔʼsō Mughubè ù te, baa sùghò èdzughu, Zuʼ tə̀ Zɔlɔ tə n dzɛ̀ tsùghù enyəa, “Tsɔʼ naŋa sə̀ wò nlǒ Bànabàs ghèe Sôol am fwàʼ kə̀là Ǹ lo mò mùghǒ ŋ ghee a te tɔŋɔ.”

Kə̀fwàʼ 13:2 Iomraidhean Croise

Matìo 17:21

[À bɔ̌ɔm mìaa kô ègɔ̀ŋlò àsùghò dzughu è baa zo e lô aleghəŋlo ghùw shùa sə ŋgòʼ è dzàŋ zən.]

Matìo 6:16

“Abugho ghɛ̀ baā dzughu zo kà èmuŋe nlò tǒ ùbàŋàdzə̀m, nu ghe nughùun mgbèe nǎaŋ tsughuu èsʉ enyəa ghî à koʼò wô enyəa ghe baa èdzughu. M̀ fɛ kùu dzàa wò nù â ghɛ̀ enyəa, ghe fi kele dzə̀ namso kə ghee aŋ kòʼ e ghee zə̀.

Matìo 9:38

Ghɛ̌ fì ki alegɔ̀ɔŋ ndûw â Mughu ù usum tò ù tuū wô ghì a kəfwàʼ.”

Lûk 10:1

A m bùghò ghəa ghən tsəghà tsughu, Yɛso n shìa kpèʼe sə̀ wò tsə̀təndə̄ghā ŋghəm sə̀ghàmbəgha à ghè tò tə bə̀ghà, tùm zìi ndùw ghee a bə̀ghà à bə̀ghà â sə ko an nàʼà mə̀n n dzə̀m an lùʼù tən tə̀ dzə̀m ù lo nduūw a fughu.

Lûk 2:37

Ù n dòʼò ko êzə̀ aŋ wìikpūw noo kpe tsughu ghə̀m n tə̀nùu efāa à ghè tò tə chìakò. Ù m mughu zee ko am be kə̀ ne ko, baa èdzughu, kɔʼso Kə̀zə̀, gɔ̀ɔŋ zěe ndùw, gɔ̀ɔŋ bwǐi ndùw.

Kə̀fwàʼ 10:19

Ghəa Pità naām kəŋo tuw ko aŋ ghəa yì ù kòʼ tsughu an udzǒo, Zuʼ tə̀ Zɔlɔ tə te tə n dzɛ̀ â wən enyəa, “Ghù wɛ̀ɛ, tuw tə aghì tə̀ li tə lo fɛ tə təgha, ghe kəŋo ghû.

Kə̀fwàʼ 10:30

Kɔ̀nelìus m fùghù ndùw fə̀n kə edzughu â wən enyəa, “A fə̌əgh ù lǐ ù vʉ̂, an nə̀gha zən sùghò ènyə, mùghò ŋ gɔ̂ŋlò an nə̀ghà tə ezūuw tə təgha â tsə̀ alô mùghò an ndughu, mùghò me kôʼ ghùw sə̀ tì an sə kaŋā an ndzʉ̄ tə̀ nyəghaan to.

Kə̀fwàʼ 13:3

Êzə̀ŋ ghəa ghe bɛ mɛʼɛ̀ tsughu dzughu zo, gɔ̀ɔŋ mɛ̀ʼɛ̀ è tsughu, ghe ŋ gaʼ tsughu ghu a ghee an tuw u ghee, gɔ̀ɔŋ tsùghù enyəa Zə̀ kə̀ bughuso tsughu ghee, zə̀ghàa ndùw ghee.

Kə̀fwàʼ 13:4

Êzə̀ŋ ghəa e màʼa fə̀ lo mò à ghee tum sə tsughu Zuʼ tə̀ Zɔlɔ to, ghe n tsùghù ndùw an Sɛ̀lusìa; ghe n nùghù tsùghu fughu, ghe m bàŋ dàŋ sə̀ ndùw ghee alo kəkwə̀n an Saepə̀lùs.

Kə̀fwàʼ 14:26

zə̀ghàa tsùghu fughu, nùghù dàŋ ndùw an Antìok alo kəkwə̀n an naʼ zəla ghe mò fughu ghee â dwaʼa u Kəzə̀ wò alendùw fwâʼ fwàʼ chia ghe fwâʼ mɛʼɛ̀ kɔʼ.

Kə̀fwàʼ 20:28

Nǐ nlò ghôom zò aŋ ghùe zɛʼɛ̄ àsùghò a zəŋò ghì ghəla Zuʼ tə̀ Zɔlɔ tə fughu naŋā enyəa ghɛ̀ è lɛnlo. Ghɛ̀ è lɛɛn sugho â dzeŋe kə ghì a Kəzə̀ zəla ù fə̀ zue sə wo aŋ kàŋ tə wɛ̀ ù wə̄n.

Kə̀fwàʼ 22:21

Mughu ù te n dzɛ̀ â mùghò enyəa, ‘Nùghu ndùw, nu Ǹ so Ǹ lɔʼsō tuū nùghù ndûw ghù a vʉ̀a Tòʼò tò.’ ”

Kə̀fwàʼ 4:36

Dzùghùsî wən fə̀ sə an tigh kə Lɛvì mò ghe wə̄n dzə an naʼ e Saepə̀lùs, tum tə Kə̀lestò tə n təghàa tsughu zən e wə̄n enyəa à lǒ Bànabàs (mo e môʼn tsùghuu enyəa, Ghù wəla ù dzə̀la fə̂ŋ tə aghì tò),

Kə̀fwàʼ 6:4

ghàʼ, am bà kaʼa, a kuūwn doʼò təla tsughuu ko alegɔ̀ŋlò, ghàʼ e zoʼn nduw sugho ghî ghò an shwaʼ u te wo.”

Kə̀fwàʼ 8:29

Zuʼ tə̀ Zɔlɔ ti tə n dzɛ̀ â Felêp enyəa, “Dzǔu kwuun ndùw nwaŋ u kəkə̀anyòm ù vʉ̂ ghɛ̀ è kuʼū bwiī nduw.”

Kə̀fwàʼ 9:15

Mughu ù te m fwə̀n dzɛ̀ â wən enyəa, “Ndùw, nu mùghò ŋ wən shîaa enyəa ù dòʼò tsughu fəgha kə kəfwàʼ kaŋa enyəa ù bòʼò ndûw zən zaŋā a vʉ̀a Tòʼò zò àsùghò a vʉ̀a dwə̀ŋ wò àsùghò a vʉ̀a wɛ ghə Ezə̀lɛ̂ ghò;

Lumà 1:1

À mwàʼsò kən kə tɔɔ wò mùghò Pôl kɔ̂ɔ fə Yɛso Kə̀lestò, à mo mugho shiāa kɔʼ Kəzə̀ enyəa Ǹ doʼò tum è Kə̀lestò Yɛso alezùghò Làbəlà e dzùŋ e wə̄n.

Lumà 10:15

Ghùw lò sugho alebùghò naʼà ênzə̂n tum lo, mo ghe kâ wə̄n tum sə wo a? Tò aŋghəa ghe tɔm taŋā am Mwàʼsò kə Kəzə̀ enyəa, “À ŋgè lǒ dzɔ̀ɔdzɔ̀ kə eghəa enyəa ghî ghəla ghe naʼn wo làbəlà è dzùŋ bùghòo nù.”

Lumà 15:16

Zə̀ kə̀ dzɔ̂ zən â mùghò dê tsùghu enyəa mùghò e lo ghùw ù kəfwàʼ ù Kə̀lestò Yɛso alefwaʼa â Tòʼò zò. M̀ fwaʼà fwaʼ kəfɔ̀e aŋghəa Ǹ zughoo wo làbəlà e dzùŋ e Kəzə̀, enyəa to Toʼò e mô lǒ tò kəfughu Zə̀ kə̀ boō enyəa ghe m kpe, mò à ghee nî sùw nàŋa kɔʼ Zuʼ tə Zɔlɔ to a vʉ̀a Zə̀ kò.

1 Kòlentìan 12:11

Ghəa ghən a dzə̀m ènyə, à ghə̌əŋ tsughuu kô Zuʼ tə̀ Zɔlɔ tə̀ mɔʼɔ̄ tə te to enyəa ghe e lo êzə̀, təla tə fughuu ko chìa â fughu kə wə̄n aŋghəa tə tsə̂m tsughu.

1 Kòlentìan 7:5

E kwo ko chìa lò mʉā wàazə â ghue u wə̄n wo à gɔ̀ʼɔ̀ ko mo ghe ndôʼ sǎan tsughu aleghəə̄ŋ tsughu êzə aŋ gha kə̀ li ko, abugho ghe tsə̂m tsughu alenìi kɔʼ enəgha alegɔ̀ŋlò; Abugho ghe gɔ̂ɔŋ mɛʼɛ̀ tsughu, ghe ŋ kòom daŋso kàʼ ndùw ebàm, e kwo Satàn lò tsoō kɔʼɔ ghùw ù ghee abugho ghe yo alekwuū kelê ghue e ghee.

2 Kòlentìan 11:27

Mùghò n də̀m, yìa biso zuw tsughu fala zo, mùghò ŋ koʼò bwǐi ndùw, mùghò n lo dzə̀ŋ, fə̀ŋ è m̀mùghu n zuʼso mùghò, mùghò n zəa tsə̀ghà yò, lò tsəgha ko bêe tə̀ bèe, mùghò n lo am ufwō mò Ŋ̀ ki yo ndə̀mà təndzʉ aledzə̀là.

2 Kòlentìan 6:5

mʉ ŋkwə̂n, kɔʼ ndughutətsāʼ, ghî yia kə̂m ghaʼ, tsù ghàʼ, ghàʼ yia koʼò zeē nduw dzə̀ŋ, bùghò kòʼò bwǐi ndùw sùghò.

Gàlashìan 1:15

À sò kǔuwn lò ko enyəa Zə̀ kə̀ mò mugho shiāa mo ghe kaām mugho dzə, kə tɔŋɔ mùghò am fə̀ŋ è wən è dzùŋ.

Efɛsùs 3:7

Ghe n naŋa tsughu mugho tǒ ghûw wəla ù naʼn làbəlà è te, mò à fwàʼ kə te ko â mùghò fughu Kəzə̀ an dzɔ̀ e wə̄n zəla ù mò dê tsughu â mùghò an daʼa kə wə̄n.

Kòloshìan 4:17

Ghɛ̀ dzɛ nduw â Achippùs enyəa, ù ghəəŋ tsughu, ù kùum fwaʼ mɛʼɛ̄ fwàʼ chia Mughu ù te mò fughu â wə̄n enyəa ù e fwaʼā.

1 Timotì 2:7

Zən lò eghee, ghe fə̀ tum sə wô mugho tǒ tum è Kə̀lestò àsughò wàdè alebwiī zoʼn wo Toʼò zo e te zo an làbəlà è dzùŋ zən àsùghò sə̀ŋò fəgha kəla kə lo êsəŋò kùu ndùw Yɛso. Ŋ̀ kaʼn yo gha gho Ǹ dzâa wò èsəŋò.

2 Timotì 1:11

Zə̀ chia kə shîaa kɔʼ mugho tǒ tum è Kə̀lestò àsùghò tǒ wàdè alezoʼn wo ghî ghò, nàʼn ndùw sùghò làbəlà è dzùŋ è te.

2 Timotì 2:2

E zoʼn nduūŋ nduw zumso tə aghì tò aŋ ghəa ghəla ghù mo zuw mùgho mò kəaa an sə kə ndə̀mà tə aghì, aŋghəa ghe lô alezoʼn nduūŋ nduw ghî à li gho a te.

2 Timotì 4:11

À fɛ̀ èzə̄ŋ lo ko Lûk ù dòʼòdoʼo tsughu ghàʼ à wə̄n: Abugho ghù so e bughòo nù, nîi kɔʼ Mâk, ghù abugho ghɛ̀ à wə̄n, tɔŋlo enyəa ù lo yòsò nù mugho am fwàʼ kən.

2 Timotì 4:5

Yia a bughô ghû a Timotì, tiso kɔʼ tuw ko edzūŋ, boo tsughu fala zo, ghù e də̀mà tə̀la tsughuu alenàʼà làbəlà è dzùŋ zən â ghì ghò; fwàʼà tə̀la tsughu sùghò fwàʼ kə̀a kə dzə̀m tò kɔ̂ɔ fə Kəzə̀.

Hibùlù 5:4

Ghùw mɔʼɔ̄ tsɔʼɔ̄ dzə̀ yò ghue u wə̄n wo aledòʼò Tuw kə fɔ̀e bòʼ ù lə̀ghâ ŋkɔʼso mo, à wə̄n telè tsɔ̀ʼɔ kɔʼɔ̄ Kə̀zə̀ tò aŋghəa kə fə̀ tɔŋɔ Ɛlɔ̀n.