Kə̀fwàʼ 13:16 - To kə Kəzə̀ kə̀ Fughu ko

¹⁶ Pôl fi nughù těe kɔʼ nû, fòʼn ndùw aŋ ghu enyəa ghe doʼò tsughu mɔŋ, kàʼ ndùw ghəa à kəaa gho, “Wo ghî ghə Ezə̀lɛ̂ ghò, àsùghò ghɛ̀ à li ghə̀là ghɛ̀ tsəŋō Zə̀ kò, zuw nlo ghɛ a.

Kə̀fwàʼ 13:16 Iomraidhean Croise

Matìo 11:15

Ghùw wəla ù ki tuūŋ ko, ù zuw.

Lûk 1:22

A m bùghò ù ndùw tsəghà sə wo, ù n yo alekə̀a àghəa â ghee, ghe n daŋso è kele enyəa ù m fɛ̀ɛn kə eghəa ko fughu alo etsūghū kôʼ. Ù m fôʼn ndùw ghee â ghəa gho an ghu tò kəkùʼ; ù màʼa fə̀ yô alekə̀a àghəa.

Lûk 1:50

Se e wən è kwuso zo e lo a zəŋò ghì ghəla ghe tsəŋo wə̄n ndùw kùu ndùw a zəŋò waawɛ a wɛ a sɛ̀ ghən à dzə̀m ghe kê dzəā ndûŋlo.

Lûk 23:40

Zàʼà kə̀làŋ ù lǐ vʉ̄ ŋ kuūwn geen ndùw wə̄n enyəa, “Ghù Zə̀ kə̀ tsəŋo yo a? Ghe ŋ ghù təghàa sùghò tǒ wə̄n.

Kə̀fwàʼ 10:2

À mò lo ghùw ù gaʼ fə̀ŋ aŋ ghəa e Kə̀zə̀, ghèe ghê kèndughu kə wə̄n ko kə dzə̀m m fughuu ŋkɔʼso â Zə̀ kò; ù m mwaʼà, fughuu àghì â yòsò zò, gɔ̀ɔŋ zěe sùghò â Zə̀ kò.

Kə̀fwàʼ 10:35

abugho à tso lô ko ndugho, an nàʼà mə̀n ndzə̀mdzə̀m, ù tsəŋ tsughu wə̄n, ghəəŋ ndùw ghəa ghəla a lô tsəghatsəgha, ù n nì nàŋa wə̄n.

Kə̀fwàʼ 12:17

Ù m fòʼ kɔ̀ʼ aŋ ghu kə wə̄n â ghee enyəa ghe doʼò tsughu mɔŋ, daŋso teso dzɛ̀ ndùw ghəa Mughubè ù te mò nî nughù sə wo wən a te an ndughutsāʼ â ghee. Ù m bùghò bàʼso tsughu enyəa, “Dzǎa ndùw ghəa ghən â Dzɛ̂ms ghèe ghê ghì ghəla ghe lo mo ghe m boo.” Ù n daŋso nùghù è tsughu nùghù ndùw luʼū tə wə̄n.

Kə̀fwàʼ 13:26

Ù n nì tsùghù enyəa, “Ghî ghə Ezə̀lɛ̂ ghaŋa gho, wɛ ghə Abə̀làhâm ghò, à Tòʼò zən è dzə̀m ghe kɔʼso Zə̀ kò fɛ, à lò â sɛ̀ ghe tum wô tum zən enyəa sɛ̀ lo zəa nù tuw ko.

Kə̀fwàʼ 13:46

Pôl ghèe Bànabàs n daŋso dzeŋe dò kə̀a sə̀ wò àghəa, dzàa ndùw enyəa, “E mô kpè nû enyəa a buʼù kə̂a wô dzə̂ shwaʼ u Kəzə̀ â ghɛ̀. Yia abugho ghɛ̀ tue maʼā, nì tsùghù enyəa ghɛ̀ kâ kɔ̀ʼ kpè tò ghɛ̀ è zə etsɛlɛ̀, ghàʼ fwəlà fùghuu ndùw êzəŋ â Tòʼò zò.

Kə̀fwàʼ 19:33

Dzûu tə̀ li tə n dzɛ̀ enyəa Àlɛ̀kszandà səā kə̂aa wô àghəa, Àlɛ̀kszandà m fòʼn ndùw àghu enyəa ghe doʼò tsughu mɔŋ, to e teso fəgha kəla kə lo ghè kò.

Kə̀fwàʼ 2:14

Pità fi daŋso nyɛʼɛ nùghù těe tsə̀ghàsə̀ wò nù ghèe ghê tum tə̀ li tì èghəm à ghè zò e mɔ̀ʼ, dzɛ̀ kɔ̀ʼ â nɔ̀e kə aghì chi an dzə̂ è tughu enyəa, “Dzûu tò, à ghɛ̀ à li ghə̀n à dzə̀m ghɛ̀ mughù fɛ an Yɛ̀lusalɛ̀m, tsʉ kɔʼ nlò tuūŋ wɛʼɛ wo, ghɛ̀ zəən tsughu shwaʼ waŋa wo.

Kə̀fwàʼ 2:22

Pità n daŋso dzɛ̀ tsùghù enyəa, “Wo ghî ghə Ezə̀lɛ̂ ghò, zəən wò nlò shwaʼ wə̄n wo. Yɛso, ghùw u Nazalɛ̀t wən fə̀ lo ghùw wəla Zə̀ kə fə̀ boō tsughu, dè sə kɔʼ am bvʉ̄a zɛʼɛ̄, ghəəŋ tsughu enyəa ù è deē sə̀ghàa mò aŋghəa ghuūghùe zɛʼɛ̄ e mgbaŋ kwo sugho.

Kə̀fwàʼ 21:40

A m bùghò Komndzūghū vʉ fughu tsughu wə̄n â bùʼ kò, Pôl n tee kɔʼ kɔʼ alo ŋkɔʼɔ, fòʼn ndùw ghee â ghu gho enyəa ghe doʼò tsughu mɔŋ. A m bùghò ghe ndôʼ də̂m sugho, ghî à nughù zuw doʼò tsughu mɔ̄ŋ, Pôl ŋ kàʼ ndùw ghee â ghəa à kəaa gho an shwaʼ u Hebə̀lù, dzɛ̀ â ghee enyəa.

Kə̀fwàʼ 22:22

Ghî a te ghə n zəən kô shwaʼ u Pôl u te wo enyə, ù m bùghò mɔ̀m tsùghù ghəa zən enyəa: ghe ŋ kòom dàŋso nùghù kaʼ è kɔʼ buʼn səā kɔʼɔ mbɔ̀ŋ an dzə̀ tə̀ tughu to enyəa, “Nǐi kɔʼ nlǒ wə̄n! Wi màʼa nlǒ wə̄n! Ù kì yo alelō â tuw ko!”

Kə̀fwàʼ 3:12

Pità ŋ kòʼ ghəa yì, dzɛ̀ â ghì yi gho enyəa, “Wo ghî ghə Ezə̀lɛ̂ ghò, kwə̀ən kə̀ ghɛ kɔʼɔ aŋ kwò à? À lǒ kwò ghɛ̀ sô gbeē lɛɛ̄n ghaʼ enyə à tò è so à lò daʼa kaʼā ŋkāa enyəa ghàʼ zɔlɔ nù an sə kə Kəzə̀ e ghəŋlo enyəa ghùw wən nughù bwiī wo a?

Edêe Fughu 2:11

“Ghùw wəla ù ki tuūŋ ko, ù zuw ghəa ghə̀là Zuʼ tə Kəzə̀ kə̀ te kə dzaā â dzweŋe u ghì a Kəzə̀ wò. Ghùw wəla ù ghaʼ tsughu bo zo, vʉ e kə̀ bə̀ghà zən lo mɔ̀m yǒ wə̄n.”

Edêe Fughu 2:17

Ghùw wəla ù ki tuūŋ ko, ù zuw fəgha kə̀là Zuʼ tə Kəzə̀ te kə dzâa nduw â dzeŋe kə ghì a Kəzə̀ ghò.” Ǹ lo fughuu ghùw wəla ù ghaʼ tsughu bo zo â kə̀m kə̀ fʉ̀ghàzəa kə̀ li ko ghe tɔŋlo enyəa à lò manà, wəla ghe nân naŋā, Ǹ lo fughuu wə̄n â tia è fəma zo, à zən è fughu zo ghe tɔm naŋā an tia e te zo, mò ghùw ù lì kwò yo, mò à kwò ko ghùw wəla ù nì kʼ.

Edêe Fughu 2:29

“Ghùw wəla ù ki tuūŋ ko, ù zuw fəgha kə̀là Zuʼ tə Kəzə̀ te kə dzɛ â dzweŋe u ghì a Kəzə̀ wò.”

Edêe Fughu 2:7

Ghùw wəla ù ki tuūŋ ko, ù zuw fəgha kəla Zuʼ tə̀ Kəzə tə̀ dzâa wo â dzweŋe u ghì a Kəzə̀ wən wo. Ǹ lo fughuu tsughuu kə̀làŋ, ghî ghəlà ghe ghaʼ tsughu ghəa à biigh gho, ghee e kʉɛɛ zəa tam kə kàʼ fə emùghùu fəla fə lo an sum u Kəzə̀ alo kəwālā.”