Kə̀fwàʼ 13:15 - To kə Kəzə̀ kə̀ Fughu ko

¹⁵ Ghəa ghe tɔɔ̄ŋ mɛʼɛ̀ tsughu ghəa ghəla ghe nî sə kɔʼ an làŋ kə Musî àsùghò am mwàʼsò u ghì ghǐishʉ̀ghà tuw kə ndùghùne kə n tùm wò tùm è lì â ghee enyəa, “Waazə̂ ghaŋa ghò, ghàʼ mô lə̀ghaa enyəa ghɛ̀ lô kpaʼ ki ghəa zo aletoōn ndûw ghì ghə̀n a te, ghɛ̀ ŋ kə̀a è nduw.”

Kə̀fwàʼ 13:15 Iomraidhean Croise

Mâk 5:22

Ghùw u mɔ̀ʼ aŋ ghì ghəla ghe mò lô tuw wo an Ndùghène è Tə̀dzûu, ghe mò tɔŋlo enyəa à lò Dzaelùs, n ndùw è bugho, aŋghəa ù bùghò kôʼ wô Yɛso, ù n tə̀m ndùw tə̀ŋguʼ a tsəlà wə̄n,

Lûk 16:16

Ghɛ̌ fə̀ bwiī ko an làŋ kə Musî, zuuw sùghò tsʉ̀ e ghîishʉ̀gha bùghò kùm wò an tì kə Dzɔ̌n Fùghùu mùghù ŋ Kə̀zə̀; alenìi nughù wô an tì kə te ko, ghî à fɛ tsòo mgbɛ̌ɛ kə̀aa tsə̀ghà kô ghəa e Fɔ̀e u Kəzə̀, ndə̀m è àghì yia a dəmà aleŋgaām nyə aŋ ghəa e te zo.

Kə̀fwàʼ 1:16

“Waazə̂ ghò, lâŋ kə Kəzə̀ kəla Zuʼ tə̀ Zɔlɔ tə tsom kɔʼ Dɛvìd enyəa ù fughuu səā wô an dzughu e wə̄n kùu ndùw Dzudàs wəla ù mò bû wô ghî ghəla ghe mò kwu Yɛso, kə ki aleluesō tsughu ughue.

Kə̀fwàʼ 13:27

Ghî ghəla ghe mughu aŋ Yɛ̀lusalɛ̀m ghèe ghê ghì ghəla ghe lɛnlō â ghee, ghe fə̀ kwo dzə yo enyəa à lǒ wə̄n Bəghambī ù te ghe ŋ kè zuūwkɛlɛ̄ sughò shwaʼ u ghǐishʉ̀ghà wəla ghe mgbaŋā tɔɔ̄ŋ zeē ko tsuʼntəntsə̄ tən tə̀ dzə̀m. Ghe maā kuuwn ghəŋlo shwaʼ u ghǐishʉ̀ghà wə̀ n sə̀ wò êsəŋò, ghəa ghe dzûw maʼà tsughu Yɛso.

Kə̀fwàʼ 15:21

Sʉ̂esʉ ghî a fə̀ lo tsəgha nû an nàʼà tə̀n tə̀ dzə̀m ghe mò dêe tsəghà ghəa ghən an làŋ kə Musî an ndughutə̀ne to tsuʼntəntsə̄ tən tə̀ dzə̀m.”

Kə̀fwàʼ 15:7

A m bùghò ghe pfʉ dzughu zo aŋ ghəa e te zo, pfʉ; Pità n nùghù è kɔʼ dzɛ̀ â ghee enyəa, “Waazə̂ ghaŋa gho ghɛ̀ kwo nû enyəa sûesʉ Zə̀ kə fə̀ shiā sə wo mugho am bvʉa zɛʼɛ̄ enyəa Ǹ naʼà ndûw shwaʼ ù dzûŋ wən â Tòʼò zò, to ghe zuw, ghe boō fughuu tsughu.

Kə̀fwàʼ 18:17

Ghe m fwə̀n nùghù kwu kɔʼ Sɔ̀stɛ̂ns, tûw wəla ù mò lô tuw ko an ndùghùne fughu, bu wən fughu an sə kə kaŋsì. Galìo ŋ kè tsoō naŋā kə̀tuŋlō a te.

Kə̀fwàʼ 18:8

Kə̀lispùs, ghùw wəla ù mò lô tuw ko an Ndùghène è Tə̀dzûu è te, ghèe ghê ghì â wə̄n gho an ndughu m boo fughu ndùw am Mughu ù te; ndə̀mà tə ghì a Kɔlèent ghəla ghe mò zuw shwaʼ u Pôl wò, ghe mo è boo, nì kɔ̌ʼ mùghù ŋ Kə̀zə̀.

Kə̀fwàʼ 2:29

Waazə̂ ghaŋa ghò, Ǹ so Ǹ ndzəmà kə̂aa wô àghəa â ghɛ̀ kùu ndùw tsele ù ghê tsele ù sɛ̀, Dɛvìd, enyəa ù fə̀ kpuw tsughu nû, ghe n tsəla tsughu wə̄n, shîaa e wə̄n zəa e naām lo fɛ sɛ̀ bùghò sə̀ nɛ̄.

Kə̀fwàʼ 2:37

A m bùghò ghe zuw tsughu ghəa yì, fə̂ŋ tə̀ m bàa tsùghu ghee ēnyə̄, ghe m bvʉ â Pità ghèe ghê tum tə̀ li ti enyəa, “Waazə̂ ghò, ghàʼ êzəŋ e dzə̂ ènzə̂n?”

Kə̀fwàʼ 2:4

Zuʼ tə̀ Zɔlɔ tə̀ m bùghò avʉ̀a ghee yì à dzə̀m, ghəŋlo è tsughu ghe ŋ kàʼ ndùw alesaʼā kâaŋ sàʼà tə nàʼà tə̀ nughù tò.

Kə̀fwàʼ 20:2

Pôl n bwìi mɛ̀ʼɛ̀ tsùghù dəŋò kə te ko kə dzə̀m mo ù dzə̀là ndùw kô fə̀ŋ tə ghì an dzə̂; daŋso bùghò nùghù nyə̀ ndùw aŋ Gə̀lês,

Kə̀fwàʼ 22:1

“Waazə̂ ghaŋa gho, ghê tsele ghaŋā, zəən tsughu nlò ghəa Ǹ so M̀ bâaŋ ghue waŋa êzəŋ a te an sə kɛʼɛ.”

Kə̀fwàʼ 4:36

Dzùghùsî wən fə̀ sə an tigh kə Lɛvì mò ghe wə̄n dzə an naʼ e Saepə̀lùs, tum tə Kə̀lestò tə n təghàa tsughu zən e wə̄n enyəa à lǒ Bànabàs (mo e môʼn tsùghuu enyəa, Ghù wəla ù dzə̀la fə̂ŋ tə aghì tò),

Kə̀fwàʼ 7:2

Sìtofɛ̀ m bɛ̀lɛ̀ tsùghù enyəa, “Waazə̂ ghaŋa gho, ghê tsele ghaŋā, zəən tsughu nlò shwaʼ waŋa wo! To tselè ù sɛ̀ Abə̀làhâm è ndûw mughùu an Halàn, à fə̀ lo mò Zə̀ kə nsəghanyəgha kə m bùghò sə̀ a vʉ̀a wə̄n aŋghəa ù mò lo am Mɛ̀sòpòtɛmìa,

Lumà 12:8

Abugho fughu kə te kə lo aledzə̀n fə̀ŋ tə aghì, ù ŋ ghəəŋ ndùw êzə̀. Mo fughu kə ghûw kə̀ lo alefughu eyôsò â ghì ghò, ghùw ù m fughuu ndùw aŋ ghùe ù mwaʼā wo. Ghùw wəla ù ki dwaʼa wo alekwuū kele àghì, ù ki alekwuū kele ghee aŋ ghu kə̀ dzûŋ kò. Wə̄n wəla ù ki fughu ko aledè edzɔ̀ â ghì ghò, ù n dêe ndùw dzɔ̀ e te zo aŋ ghùe ù ghɛɛn wo.

1 Kòlentìan 14:3

Abugho ghùw kuūwn dzâa shʉghà u Kəzə̀ wò, ù dzàa wò â ghì ghò, aletughusō tsughu ghee, dzə̀n tsùghù sùgho ghee â sə̀ŋ zò, tsəmso tsùghù sùghò ghee.

2 Kòlentìan 3:14

Ghe n tughuso naŋa tsughu fə̂ŋ tə ghee tɔŋlo enyəa alebùghò sə nɛ, abugho ghe tɔɔ̄ŋ mwàʼsò kə kàa ŋ wǐi mò, ndɔ̀ŋ kə̀ mɔʼɔ̄ kə te kə naām lò ko mo ghe kaān tsɔʼ nùghù, tɔŋlo enyəa à lò ko am bàm e Kə̀lestò ndɔ̀ŋ kə te kə lo aletsɔ̄ʼ ughue.

1 Tɛ̀sàlonìan 2:3

Ghàʼ ka fə mə̂ŋ dzə̀ an fəgha kəla a fə̀ dzâa wo â ghɛ̀, ghàʼ ŋ ki sugho yo moʼnlò è biigh zo ŋkāa ghǎʼ fì kəŋo yo dzì è lì aletsè ghɛ̀.

Hibùlù 13:22

Waazə̂ ghaŋa gho, M̀ buʼu kə̀ghu â ghɛ̀, enyəa ghɛ̀ naŋa wo nlò tuūŋ ko an shwaʼ waŋā wəla ù lo mò mùghò n tsʉ̀ wò ghɛ a te, zən lò e ghee Ǹ tɔm wô sə fə aghəa fən fo â ghɛ̀.