Kə̀fwàʼ 13:14 - To kə Kəzə̀ kə̀ Fughu ko

¹⁴ ghe ŋ kuūwn nùghù dàŋso è nduw, zə̀ghàa tsùghù Pɛlgà, nyə̀ wò am Antìok am mbùʼù Pìsidìa. A m bùghò tsuʼntsə̄ ghe n ndùw nyə̀ gàʼ dòʼò tsùghù an ndùghùnè.

Kə̀fwàʼ 13:14 Iomraidhean Croise

Lûk 4:16

Ù n nùghù ndùw an Nazalɛ̀t, an naʼ zəla ù fə̀ noō kɔʼ wo a te. Ù n ndùw nyə̀ ndùw an Ndùghènē è Tə̀dzûu Tsuʼntsə̄, à màʼà lô bughoo kə wə̄n. Ù n nùghù těe kɔʼ aletɔŋlo àghəa,

Kə̀fwàʼ 13:42

Ghəa Pôl ghèe Bànabàs səā nughùun wo, ghî yi ghə n dîi dzàa wò â ghee enyəa to ghe mô bughò kə̂aa kpeʼē wô ghəa ghən an Tsuʼntsə̄ u vʉa u mò kəə̄ŋ wo.

Kə̀fwàʼ 13:44

Tsuʼntsə̄ ù li vʉ̀ ghî ghə enaʼ yi m fə̄m to ghe e səā mɛʼɛ̀ wô à dzə̀m alebùghò zəə̄n kô shwaʼ u Mughubè ù te.

Kə̀fwàʼ 13:46

Pôl ghèe Bànabàs n daŋso dzeŋe dò kə̀a sə̀ wò àghəa, dzàa ndùw enyəa, “E mô kpè nû enyəa a buʼù kə̂a wô dzə̂ shwaʼ u Kəzə̀ â ghɛ̀. Yia abugho ghɛ̀ tue maʼā, nì tsùghù enyəa ghɛ̀ kâ kɔ̀ʼ kpè tò ghɛ̀ è zə etsɛlɛ̀, ghàʼ fwəlà fùghuu ndùw êzəŋ â Tòʼò zò.

Kə̀fwàʼ 13:5

A m bùghò ghe ndûw tɛ̂ tsughu aŋ kɔn u Sàlamìs, ghe n nàʼà ndùw tùm è Kə̀zə̀ a fughu an Ndughutə̀ne tə Tə̀dzûu tò. À n lo mo ghe maā Dzɔ̀n Mâk nî kɔ̀ʼ enyəa ù è tɔɔ̄m wo ghee am fwàʼ kə te ko.

Kə̀fwàʼ 14:19

Dzûu tə̀ li tə n ndùw nughù wò an Antìok àsùghò an Ekonìum bughò kòom fɔ tsughu tɔ u ghì yì, ghe ŋ kòom kàʼ ndùw Pôl alo atia aletə̄mlō, sè nùghù sə̀ ndùw wən alo enaʼ mòʼò ko enyəa ù m kpuw.

Kə̀fwàʼ 16:13

A m bùghò Tsuʼntsə̄ ghàʼ n zə̀ghaa è tsughu ndùw an twee wə enaʼ a ŋgùŋ è dzùghù, a màʼa kwo enyəa luʼu kə ghì a Dzûu kə̀ nduw gɔɔŋ kə lo fūghu, ndùw gàʼ dòʼo è tsughu, kàʼ ndùw ghəa à kəā gho â yìzən à li gho ghe mò zûuŋ doʼ a fughu.

Kə̀fwàʼ 17:2

Pôl m bùghòo nàŋa tsughu enyəa ù e nduūw tsəgha an Ndùghùnè è Tədzûu. Ù n nì kɔ̀ʼ Tsuʼutəntsə̄ tə təgha mò ù tsòo ndùw kə̀aa zěe ko àghəa ghèe ghê ghì ghò a fughu, tɔɔŋ səa kɔʼɔ àghəa am Mwàʼsò kə Kəzə̀,

Kə̀fwàʼ 18:4

Pôl ŋ kɔʼɔ pfʉa zee tsə̀ghà ko èdzughu an ndùghùnē tsuʼntəntsə̄ tə Tə̀dzûu tən tə̀ dzə̀m, ù də̀mà alekɔɔ̄ŋ Tə̂dzûu tə̀ n zuuwkɛ̄lɛ̄ wò wə̄n ghèe ghê ghì a Gə̀lêk ghò.

Kə̀fwàʼ 19:8

Pôl n nì kɔ̀ʼ tədzɔŋɔ tə təgha mò ù mgbɛ̌ɛ ndùw nyəa dòo kə̀aa ko aghəa ghèe ghee an ndughenē, pfʉa tsə̀ghà èdzughu fughu ghèe ghee, mgbɛɛ ko aŋ ghəa e fɔ̀e ù Kəzə̀ an ndughune.

Kə̀fwàʼ 9:20

nùghù dàŋso kaʼ tsughu alenàʼà kaaŋ tùm è Yɛso an ndughutə̀ne tə te to, dzàa ndùw enyəa, “Ù lǒ wɛ̀ ù Kə̀zə̀.”

2 Timotì 3:11

Ghù kwò nû aŋghəa ghe mò dzaŋso mugho a te àsùghò aŋghəa mùghò mò fala a te. Ghù vʉ̀a ghù kwo sugho tsû wəla mùghò mò lo a te an Antìok, Ekonìum àsùghò an Listə̀là. Aŋghəa ghəa ghən fə̀ səā a zəŋò mùghò, Mughu ù te naam bəghasə̄ ko mùghò aŋ ghùu ghəa a te gho a dzə̀m.