Kə̀fwàʼ 13:10 - To kə Kəzə̀ kə̀ Fughu ko

¹⁰ dzɛ̀ â wən enyəa, “Wɛ̀ ù àvʉatsə̄a wə̄n, ghùwkə̀tuw â ghəa a tsəghatsəgha ghən à dzə̀m, dziī tə̀ tseē tə aghì tə̀n tə̀ dzə̀m, à tə̀ wiin tə aghì tò, à kwò nduw ko ghû, à lò enyəa ghù wən bughuu naaŋ yo aleŋgɔɔ̄n maʼn kaaŋ dziī tə tsəghatsəgha tə Mughu ù te to a?

Kə̀fwàʼ 13:10 Iomraidhean Croise

Matìo 13:38

sum u te u lo mbī, ŋgòʼ tə̀ dzûŋ tən fɛ lò ghî ghəla ghe lô am fɔ̀e u Kəzə̀; zwiī wən vʉa u lô ghî ghəla ghe lô am fɔe kə Satàn.

Matìo 15:19

Nu à am fə̂ŋ è ghùw bɔɔm səa kɔʼɔ wò ko mòʼnlò e biigh zo, àsùghò ghəa à biigh à li gho tǒ alewinlo àghì, alesəa nuŋlo, aleghəəŋ kaaŋ dzə̀adzə̀ tə aghəa tə̀ li to, aletsɔŋɔ, alemaʼn kaaŋ nùʼ tò àsùghò fom to.

Matìo 23:13

“Ghɛ̀ ghê Dèekə̀làŋ ghɛ̀ à ghê ghî a Falàsîi ghò, ghɛ̀ lo an tsù ù ne wo; ghî a kə̀bàŋàdzə̀m tò ghɛ! nu ghɛ̀ fê nàŋa tsughu dzì enyəa ghî à ka alo kəwālā tsəghà nyə̀, ghuūghùe zɛʼɛ̄ zəa e buʼù nyəā ndûw sughò yo a fughu, ghɛ̀ yia ləghaa sughò yo aledèe tsughu dzì â ghì ghəla ghe dəmà aletsə̀ghàa nyə enyəa ghe nyəā ndûw.

Matìo 3:7

Ghəa Dzɔ̌n kôʼ ghî a Falàsîi à ŋgee bughōo, àsùghò ghì a Sadùwsîi ghò, ghe bughoo alebùghò nî mùghù ŋ Kə̀zə̀, ù m fəŋso dzɛ̀ â ghee enyəa, “Ghɛ̀ fwi wən, à ghɛ̀ bɔŋ tsʉ̀ ndùghò enyəa ghɛ̀ lo nû alenɔ̀ɔsə an ndzəgha kəla kə bughò lo a?

Lûk 11:39

Mughu ù te fi dzɛ̂ nù â wə̄n enyəa, “Ghɛ̌ tə̀ Falàsîi, ghɛ̀ sûuw zɔnso tsughuu ko kə̀kaŋ à wùa tò fɛ̄ a beē, mò ghɛ̀ alo tə fə̀ŋ bɔɔm mòʼò tə̀la ko ŋgaam tə aghəa àsùghò kəff kə ebo ko.

Lûk 11:52

Utsû a zəŋò ghɛ̀ ghê dèekə̀làŋ! Nu ghɛ̀ ŋ kwu naŋa tsʉ kə utɔ ko, mo ghuūghùe zɛʼɛ̄ e kôom bùʼ yò aletsə̀ghàa nyəā sùghò a te. Ghɛ̀ yia a təghàsò sùghò ghî ghəla ghe ləghaa aletsə̀ghàa nyə.”

Dzɔ̌n 1:23

Dzɔ̌n n dzɛ̀ enyəa, “Ǹ lo ko ghùw u kə̀bɔ̀ŋ, Ǹ naʼn kwəla wô â ŋgwəla gho enyəa, ‘Nə̀ghaso nlǒ dzì â Mughu ù tē!’ [Kùu ndùw shwaʼ wəla ghùwshʉ̀ghà ù Kə̀zə̀, tɔɔŋ Èzayà fə̀ tɔm naŋā.]”

Dzɔ̌n 8:44

Ghɛ̀ lo ko tǒ tsele wɛʼɛ, tɔɔŋ Satàn, moʼn zɛʼɛ zə e bɔ̄ɔm lǒ ko alefwàʼ fəgha kə̀là tsele wɛʼɛ ləghaa ghè kò. Alenìi nughù wô, ù fə̀ wii tsəgha aghî, tuu màʼnlò èsə̀ŋò, bòʼ səŋò è li e yo zəŋò wə̄n. Abugho ù kaʼ gha zo, ù fi kə̂aa ghəa ghəla a kpe am mùghù e wə̄n, bòʼ àgha a dzəa wə̄n, vʉ̀a ù lǒ ghùw wə̀ àghā.

Kə̀fwàʼ 20:30

Ghî à lī lo buʼù səā kɔʼɔ̄ sugho am bvʉa zɛʼɛ̄ ghe e kaʼn wo ghā gho, alekwuū ŋgwûu tsughu tɔ u ghì a Kəzə̀ enyəa ghe nughù wo a bàâ ghee.

2 Kòlentìan 11:3

Ǹ sô fɛ tsəŋo enyəa aŋghəa zughu fə̀ nɔm fughu tsughu Êf, mò zughu è te tɔɔ ko nʉghànʉghà tò ekom, ghe lo sèe mɛ̀ŋso nù tuw wɛʼɛ wo, ghɛ̀ lo ti zəghāa tsughu kùum kə kəfwàʼ kəla ghɛ̀ fwaʼā â Kə̀lestò am fə̂ŋ zɛʼɛ e dzə̀m, mò ghɛ̀ fwaʼà an dziī è zɔ̀lɔ.

Gàlashìan 1:7

mò làbəlà è te tso bùʼ yò sugho làbəlà è dzùŋ. Ghî à li yia kuūwn sêe məŋso ghɛ, ghe dəmà ko alefɔɔ̄ maʼà làbəlà è dzùŋ è Kə̀lestò zən.

Efɛsùs 4:14

Sɛ̀ kê koom yo dzə̂ wɛghêtùghù gho, enyəa mo à bugho ko ndughò à tsʉ̀ zə agha e wən zo a n sə̀ tə̀ŋò ndùw a baa wən tò tùŋutùŋù kə dzughù kə̀ lô tûuŋ kaāŋ kwə̀n ko an dzughù.

2 Pità 2:15

Ghe n dzì zə̀ èsəŋò zəghà màʼà, ghe yia sə̀ làʼ è nduw; aŋghəa ghe sə tsəghâ nduw an dzə̀ tə Balàam, tɔɔŋ wɛ ù Bɛyò wəla ù fə̀ ləgha kua wo alekele mò ù ghə̀ŋlo èbo.

1 Dzɔ̌n 3:8

Ghùw wəla ù ghəə̄ŋ zeē bo zo lǒ ghùw ù avʉatsə̄a. Nu vʉatsə̄a à fə̀ sə tən wo ko â bo zo alekaʼa nughù wô. Soo kə eghəa kəla Wɛ ù Ghùw fə̀ bugho a te, fə̀ lo alebùghò saʼà maʼà fwàʼ kə avʉ̄atsəa kə te ko.