Bìoball air-loidhne

Kə̀fwàʼ 13:1 - To kə Kəzə̀ kə̀ Fughu ko

¹ Aŋ ghì a Kə̀lestò ghən an Antìok ghiīshʉ̀ghà a Kəzə̀ a fə̀ lo a te ghèe ghê wàdè; Bànabàs ghèe ghê Sǎemòn (wəla ghe mò tɔŋlo enyəa à lǒ Ghùw ù Lə̀ŋo), àsùghò Lusìus, (ghùw ù Sìlêen), ghèe ghê Mànâen (mò noo a tsəlà Hɛlɔ̀d wəla ù fə̀ lô gɔvə̀nò), àsùghò Sôol.

Faic an caibideil Dèan lethbhreac

dol air ais ⬆

Kə̀fwàʼ 13:1
34 Iomraidhean Croise

Matìo 27:32

Ghəa ghe nî kɔʼ Yɛso nùghùun ndùw â ŋgwəlā gho, ghe m kpeen ndùw, ghèe ghê ghùw ù Sìlɛ̂n ù lì an dziī ghe mò tɔŋlo enyəa à lò Sǎemòn, ŋgaam kwu tsughu wə̄n alo esə̀ŋ enyəa ù bòʼò dǎaŋ kə Yɛso.

Faic an caibideil

Lûk 3:1

Nûm kəla kə fə̀ ghəə̄ŋ tsughu Taebɛlùs â nùu tò eghə̄m à ghè tò tə tɛ̀ an ndàŋ tò də̀ŋ kə udwə̀ŋ am mbùʼ è Lumà, mo Pɔntyos Paelɛ̀t lǒ gɔvə̀nò ù Dzùdîa, Hɛlɔ̀d ŋ kuuwn lǒ bàʼtum mbùʼ è Galèlîi, wàatsele tɔɔŋ Felêp ŋ kuuwn lò bàʼtum am mbùʼ zə̀ Etolìa àsùghò Tə̀làkonetìs. Lìsanìa lo bàʼtum naʼ e Abìlêen,

Faic an caibideil

Kə̀fwàʼ 11:30

Ghe ŋ ghəŋlo è tsughu, tuu fughuu ndùw ko aŋ ghùu tsoʼ tə dzeŋe kə ghì a Kəzə̀ tò an Yɛ̀lusalɛ̀m, ghe n ndûw fùghuu ndùw â Bànabàs ghèe Sôol.

Faic an caibideil

Kə̀fwàʼ 12:25

A m bùghò Bànabàs ghèe Sôol daŋso mîasò tsughu fwàʼ kə ghee ko, ghe n nì kɔ̌ʼ Dzɔ̌n, wəla zən e wə̄n è li zən mò lô Mâk, nùghù ndùw ghèe ghee ebàm an Yɛ̀lusalɛ̀m.

Faic an caibideil

Kə̀fwàʼ 13:9

Zuʼ tə̀ Zɔlɔ tə ŋ ghəəŋ tsughu Sôol wəla ghe tɔɔ̄ŋ sughò enyəa à lò Pôl ù n tughùsò lɛ̌ɛn tɔɔn nyəa ndùw ko ghùw ù fə̌ən vʉ tsəghatsəgha alo asə,

Faic an caibideil

Kə̀fwàʼ 15:32

Dzudàs ghèe Saelàs, mo ghuūghùe e ghee e lo sugho ghê wàkə̀a, ghe m fəghaan kə̀aa kpèʼe ndùw ndə̀mà tə aghəa tə̀ li to â ghee, dzə̀n kpèʼe ndùw fə̀ŋ tə ghee, dzə̀n ndùw sùghò ghee â sə̀ŋ zò.

Faic an caibideil

Kə̀fwàʼ 15:35

Pôl ghèe Bànabàs n dòʼòdòʼò tsùghù an Antìok, tsʉ̀a ndùw àghì, kə̀aa ndùw sùghò shwaʼ u Mughu ù te, ghèe ghê ndə̀m è àghì à li gho sughò.

Faic an caibideil

Kə̀fwàʼ 19:6

A m bùghò Pôl daŋso gaʼ tsughu ghu a wə̄n gho an tuw u ghee, Zuʼ tə̀ Zɔlɔ tə n daŋso nyə tsughu a zəŋò ghee; ghe ŋ kàʼ ndùw alesāʼ saʼà tə nàʼà tə̀ nughù tò, kə̀aa ndùw shwaʼ u Kəzə̀.

Faic an caibideil

Kə̀fwàʼ 21:9

Tûw wən ŋ ki wɛ a wən à zən gho a chìakò, mo ghe ki yo num gho, ghe kə̂aa shwaʼ u Kəzə̀ wò.

Faic an caibideil

Kə̀fwàʼ 4:36

Dzùghùsî wən fə̀ sə an tigh kə Lɛvì mò ghe wə̄n dzə an naʼ e Saepə̀lùs, tum tə Kə̀lestò tə n təghàa tsughu zən e wə̄n enyəa à lǒ Bànabàs (mo e môʼn tsùghuu enyəa, Ghù wəla ù dzə̀la fə̂ŋ tə aghì tò),

Faic an caibideil

Kə̀fwàʼ 9:1

Sôol n lo mò ù nǎam kʉ̀aa kǎaŋ ko alewîin tsə̀təndə̄ghā tə Mughu ù te, ù n ndùw kòʼ ndùw tuw kə fɔ̀e,

Faic an caibideil

Lumà 16:21

Timotì, ghùw ù kəfwàʼ waŋa tum wò ghɛ̀ â tɔɔŋ zo. Lusìus ghèe ghê Dzasòn àsùghò Sòsispatà tɔ̌ɔŋ zùw wò sùghò ghɛ̀.

Faic an caibideil

1 Kòlentìan 11:4

Wìnûu wəlà ù gɔ̀ŋlo ŋkāa ù dzàa shʉghà wò mò ù tsən naŋâ kətuw, ù fi chwiilwīi Kə̀lestò wəla ù lò tuw ko a zəŋò wə̄.

Faic an caibideil

1 Kòlentìan 13:2

Abugho Ŋ̀ ki fughu kə te aledzaā shʉghà wò, asùghò tɔ wo alezuuwkɛlɛ nàn tə aghəa to, àsùghò ki fə̀ŋ è te aledzàa ndûw â kàʼà tò enyəa tə səə̄n nughù tsughu, tə n səəŋ nùghù tsùghù è sugho, mò kuuwn ki yo ləgha zo â ghì gho — M̀ fi lo kənughùnùghù.

Faic an caibideil

1 Kòlentìan 13:8

Ləgha e kê mìaa kòʼ tsəghà yò, yia abugho shʉ̀gha ù dzaā wo, u kê bùghò tsə̀ghàa mìan nù. Alesaʼa kaaŋ saʼà tə ndə̀mà tə tənàʼà tò, ghəa a te a kê tsə̀ghàa mìaa nù, etɔ, e kê bùghò tsə̀ghàa mìaa sùghò nu.

Faic an caibideil

1 Kòlentìan 14:29

Ghɛ̀ m fughu tsughu sùghò kəbûʼ â ghiīshʉ̀ghà a Kəzə̀ ghò a bə̀ghà ŋkāa a təgha, ghe n dzɛ̀ wò sùghò ùshʉ̀ghà, ghî à li ghə n lo aletɔ̀ʼɔ̀ lɛɛ̄n nyəā tsughu ghəa yia ghe ghiīshʉ̀ghà yi mô dzɛ̂ wo.

Faic an caibideil

1 Kòlentìan 14:32

À fughu kəla ghùwshʉ̀ghà ù Kə̀zə̀ dzàa shʉghà wò a te kwu kele wə̄n.

Faic an caibideil

1 Kòlentìan 9:6

Ŋkāa à lǒ mò e lo enyəa à kà lò ko mugho ghàʼ à Bànabàs ghàʼ ki aletèlè fwàʼ à, sěe ghàʼ sô lo alezə a?

Faic an caibideil

Gàlashìan 2:13

Dzûu tə̀ li tə ŋ kàʼ ndùw sùghò alefòʼn ghəa a kə̀bàŋàdzə̀m a Pità a te gho a ka dɔ̂m taŋ Bànabàs wəla ghe fə̀ sê məŋsō nduw aŋ ghəa a kə̀bàŋàdzə̀m a te gho.

Faic an caibideil

Gàlashìan 2:9

A m bùghò Pità ghèe Dzɛ̂ms asùghò Dzɔ̌n, ghî ghəla ghiī a fə̀ kwo tǒ tsôʼ tə dzeŋe kə ghì a Kəzə̀ tə̀ səŋò tò kele tsughu enyəa à fwàʼ kən â mùghò fughu Kəzə̀, ghe n tɔɔŋ zùw wò ghàʼ à Bànabàs, fùghù ghàʼ â ghu ko aledèe tsughu enyəa ghe ŋ ghàʼ kpenì, enyəa ghaʼ à ghee êzəŋ e lo alo kəfəgha kə̀ mɔ̀ʼ. Ghàʼ à ghee n tsughu boo tsughu enyəa ghàʼ à Bànabàs è naʼn nduw tum è Kə̀zə̀ â Tòʼò zò, to ghe e kuuwn naʼn nduw â Dzûu tò.

Faic an caibideil

Efɛsùs 4:11

À lǒ wə̄n ù fə̀ fughu dwaʼa u te wo â ghì ghò enyəa, ghî à li gho e lo tum to, à li gho e lo ghiīshʉ̀ghà a Kəzə̀ ghò, à li gho e lo ghê èfɔɔŋgele, à li ghə̀ e lo ghî ghəla ghə lɛnlo à ghî a Kəzə̀ ghò lò sugho ghê wàdè.

Faic an caibideil

Fèlepìan 4:22

Ghî a Kəzə̀ a dzə̀m tɔ̌ɔŋ zùw wò ghɛ̀; a ka dɔ̂m taŋ a ghî ghò an ndughu alô Kaesà.

Faic an caibideil

1 Tɛ̀sàlonìan 5:20

Kà nlò è ghuuw maʼn shwaʼ u ghìishʉghà a Kəzə̀ ghò.

Faic an caibideil

Lean sinn:

Ceanglaichean taic

Sanasan

Sanasan