Kə̀fwàʼ 12:5 - To kə Kəzə̀ kə̀ Fughu ko

⁵ Pità fi kɔʼ nu ndùghùtsāʼ, ghî a kèlestò ghə̀ ŋ kuuwn dòʼò tsughu ko fɛ̀ è bàm mgbɛɛ gɔ̀ɔŋ ko Kə̀zə̀ an tuw kə wə̄n.

Kə̀fwàʼ 12:5 Iomraidhean Croise

Matìo 18:19

Ǹ so Ŋ̀ kôom dzâa kpeʼe wô â ghɛ̀ enyəa abugho ghɛ̀ a bə̀ghà tsughu boō tsughu alo eghəa, ghɛ̀ gɔŋlò enyəa to ghəa e mô sə êzə̀, Bəghà alo kəwālā lo fwàʼà fùghuu nù ghəa e te zo â ghɛ̀.

Lûk 18:1

Yɛso n daŋso kwə̀ən kə̀a tsughu aghəa â tsə̀təndə̄ghā tə wə̄n to enyəa ghe lô bughū kômlo alegɔɔ̄ŋ tsəgha.

Kə̀fwàʼ 12:12

Ghəa ù kele tsughu dzə̂ ghəa ghən, ù n ndùw an ndughu alô Mèle, zə̂ Dzɔ̌n wəla zən e wə̄n è li e mò lô sughò Mâk, mò ndə̀m è àghǐ m fughu zûuŋ dòʼò, gɔ̀ŋlò.

Kə̀fwàʼ 12:4

A m bùghò ghe kwu kɔʼ Pità, ghe n dzə̀n ndùw wə̄n an ndùghùtsāʼ, fughu naŋa ndùw wə̄n enyəa swaʼ u təsùghugòʼ u chùakò è chiīn wə̄n, kwo enyəa abugho Zə kə̀ zəŋso naaŋ kə tsəghà kɔʼ, e nîī fughuu səa wô wə̄n an tia e saʼ an sə kə a ghì.

Kə̀fwàʼ 12:6

A m bùghò â tsuʼ wo vʉa Hɛlɔ̀d lo so e gbəla nughù nîi fughuu səā wô wə̄n â ghì ghò, à n lo êzə̀ mo Pità nyə̀əŋ bwǐi tsə̀ghà am faʼnlo e sùghugòʼ tə̀ li to tə bə̀ghà, mo ghe ŋ wən kûm nàŋa alo tətsāʼ tə bə̀ghà, chì tə̀ n ti a fǔundughu ghe chiīn ndùghùtsāʼ.

1 Kòlentìan 12:26

Abugho nyùŋ kə ughùe kə mɔ̀ʼ kə̀ fanlo, nyùŋ ù li wən n dzeŋe fala mɛ̀ʼɛ̀ ndùw ko u dzə̀m; mo ghe fughu ŋkɔʼso â kə li ko, nyùŋ u te wə n dzeŋe duʼn ŋgə̀a ndùw ko ù dzə̀m.

2 Kòlentìan 1:11

ghəa ghɛ̀ yôsò ghaʼ alegɔ̀ŋlò an tuw waʼā. Aŋ ghəa ghə̀ è yì, ndə̀mà tə aghì tə̀ e ke fughuu zɔ̀ɔŋ kò â Zə̀ kò, yòsò wò ghàʼ alo egɔ̀ŋlò enyəa ndə̀mà tə aghì tə̀ e lo alefughu zɔ̀ɔŋ kò am bughuso zəla a kele kɔʼ aŋghəa Zə̀ kə̀ zuw tsughu gɔ̂ɔŋ zəla də̀mà tə aghì tə̀ gɔ̂ŋlo an tuw waʼā.

1 Tɛ̀sàlonìan 5:17

E gɔ̄ŋlō nlò nə̀ghā tən tə̀ dzə̀m.

Hibùlù 13:3

E moʼn tsughù nlò ghî ghəla ghe lo an ndughūtsaʼ, tò è soō ghɛ̀ a ghee lo a dzə̀m an ndùghūtsaʼ e te. E moʼn tsughuu nlò ghî ghəla ghe tsuū ghee; nǐi tsughu nlò enyəa ghɛ̀ zuuw sùgho fɔɔn zəla ghe zuūw.

Dzɛ̂ms 5:16

Ghɛ̌ fi ki alezaā vûŋ wɛʼɛ wo aŋ ghùe zɛʼɛ̄, gɔ̀ɔŋ sùghò aŋ ghùe zɛʼɛ̄ to Zə̀ kə̀ baāŋ kɔʼ ghɛ. Nu gɔ̂ŋlò e ghûw ù tsəghatsəgha è ki kədaʼa, kɔɔ fwàʼà sùghò.