Kə̀fwàʼ 12:4 - To kə Kəzə̀ kə̀ Fughu ko

⁴ A m bùghò ghe kwu kɔʼ Pità, ghe n dzə̀n ndùw wə̄n an ndùghùtsāʼ, fughu naŋa ndùw wə̄n enyəa swaʼ u təsùghugòʼ u chùakò è chiīn wə̄n, kwo enyəa abugho Zə kə̀ zəŋso naaŋ kə tsəghà kɔʼ, e nîī fughuu səa wô wə̄n an tia e saʼ an sə kə a ghì.

Kə̀fwàʼ 12:4 Iomraidhean Croise

Matìo 24:9

Ghe lo daŋso kaʼā tsughu, ghe e kwuun fughuu nduw ghɛ enyəa ghe ndzaŋso, ghe winlo; mbī zən è dzə̀m e kè baā ghɛ enyəa so à lò ghəa zāŋā.

Matìo 26:5

Ghe ŋ kuuwn tsughu boo naŋa tsughu enyəa, “À kǔuwn yò dzə an nə̀gha e kəzə̄, e kwo ghî à lô nughùun teēn kɔʼ fɛ̄ alo efwēe.”

Mâk 14:1

À fə̀ lo mò à dòʼòdòʼò ko ntsuʼu m bə̀ghà to ghe e zə zə kə̀ Zəŋso naaŋ ko àsùghò zə kə Kəbɛ kəla mbvùŋ buw a te, tuw u təfɔ̀e wə̀ n tsùghù dòʼò tsùghu ghèe ghê dèekə̀làŋ alekɔ̀n fə̀mbɛ̀ an tuw kə Yɛso, aŋghəa ghe lô alenyɛʼɛ̄ kwū wə̄n a te ləmkə̀ləm, ghe wi.

Lûk 21:12

To ghəa ghən e kuūwn bughò nî kə̀bəla, à kè lǒ mo ghe ŋ ghɛ̀ bûʼ fəmso; ghe e kwuun ghɛ, sèe ndùw an ndughutə̀ne to, kwuun dzə̀là ghɛ̀ an ndughutətsāʼ, sèe ndùw ghɛ̀ a vʉ̀a dwə̀ŋ wò àsùghò a vʉ̀a ghê gɔvə̀nò enyəa so à lò ghəa zāŋā.

Lûk 22:33

Sǎemòn m fùghù ndùw fə̀n kə edzughu â wə̄n enyəa, “Mughùbè, mùghò m boo alekɔʼ ndùghùtsāʼ ghàʼ à ghù àsùghò alebùʼù kpuūw daŋso bugho à lò ko evʉ.”

Dzɔ̌n 19:23

A m bùghò sùghugòʼ tə bɛ naŋā kɔʼ Yɛso alo kədàŋlo, ghe n nì kɔʼ ndzʉ tə wə̄n bàan tsùghu alo u gbà u chʉ̀akò, dzùghùun tsùghù aŋ ghùe e ghee. A ŋ kuuwn bùghò alô tə tèetee to, tə n lo mo tə ki yo nyùŋ kò, mo tə bɔɔm dà dàŋso tsùghù ndùw ko nù.

Dzɔ̌n 21:18

Kùmkùm, Ǹ dzâ wô â ghɛ̀ enyəa, ghəa ghù mò naām lo wɛ̂ɛtùghu, ghù n dzə̂ən ndzʉ təghà ghù â nəŋ ko; ndùuw luʼū təla ghù ləghaa alendùw; à kuuwn lò ko enyəa abugho ghù lo dwə̂n tsughu, ghù lo e nəghaan səa nduw kwe zo, ghùw ù nùghù ù lì n dzə̀là fughu tsughu ndzʉ təghà, mbuŋ kɔʼ ghû, nì ndùw ghù an lùʼù kəla ghù mò buʼù ləghaa yo alendùw.

Kə̀fwàʼ 12:3

Ghəa ù kòʼ tsughu enyəa Dzûu tə mò duʼn nû aŋ ghəa e te zo, ù ndùw dàŋso ko â sə ko enyəa e kwuu sùghò nù Pità. (Ghəa ghən fə̀ lo mo ghe zə̂a Zə kə bɛ kəla mbvùŋ buw a te.)

Kə̀fwàʼ 12:5

Pità fi kɔʼ nu ndùghùtsāʼ, ghî a kèlestò ghə̀ ŋ kuuwn dòʼò tsughu ko fɛ̀ è bàm mgbɛɛ gɔ̀ɔŋ ko Kə̀zə̀ an tuw kə wə̄n.

Kə̀fwàʼ 4:28

Ghe mò ghəəŋ ghəa ghə̀n à dzə̀m ghù fə̀ ki zɔ̂ʼ naŋā, tsə̀m kɔ̀ʼ sùghò enyəa a lo nî kə̀bala.

Kə̀fwàʼ 4:3

Ghe fi kwu kɔʼ nu ghee, nì nùghù ndùw â ghee, ndùw fè nàŋa ndùw ghee enyəa a lo kôʼò ndûw sughò tsʉtsʉ ù te, tɔŋlo enyəa à mò lo mo tsuʼ u sô nyə̀ŋo nyə̀ghàaŋ wò nù.

Kə̀fwàʼ 5:18

ghe ŋ kwū kɔʼ tətum, dzə̀n ndùw ghee an ndùghùtsāʼ.

Kə̀fwàʼ 8:3

Sôol ŋ kuūwn lò ko fi aleshùaʼ ghì à Kəzə̀, nyəaa ndùw ndùghù tə̀ndùghù; kwuu sèe sə̌aa wò àghìnûu à ghìzən gho, ndùw fèe nǎaŋ ndùw an ndùghùtsāʼ.