Kə̀fwàʼ 12:3 - To kə Kəzə̀ kə̀ Fughu ko

³ Ghəa ù kòʼ tsughu enyəa Dzûu tə mò duʼn nû aŋ ghəa e te zo, ù ndùw dàŋso ko â sə ko enyəa e kwuu sùghò nù Pità. (Ghəa ghən fə̀ lo mo ghe zə̂a Zə kə bɛ kəla mbvùŋ buw a te.)

Kə̀fwàʼ 12:3 Iomraidhean Croise

Matìo 26:17

A m bùghò an tsuʼ fə sûesʉ fo an tsuʼu n zə kə Bɛ kəla Mbvùŋ buw a te, tsə̀təndə̄ghā tə m bùghò kòʼ wò Yɛso, bvʉ â wən enyəa, “Ghù mò lə̀ghaa enyəa ghàʼ biāan naŋā tsughu luʼū kə̀ ghɛ ko â ghù alezə̄ zə kə̀ Zəŋso naa ko a te à?”

Dzɔ̌n 12:43

Ghe fə̀ tsəŋo bòʼ ghe fə̀ ləghaa alekelê kɔʼso məla ghî a mbī a fughu tsə̀ghàtàʼà məla à fughuu Zə̀ kò.

Dzɔ̌n 19:11

Yɛso m bɛ̀lɛ̀ ndùw wə̄n enyəa, “Ghù yò alekelê daʼa kə̀ li ko a zəŋò mùghò mo kə ka sə̀ tsùghù wò aŋ ghùu Zə̀ kò; e fi lo nû enyəa à dùw tsə̀ghà bo e ghùw wəla ù nì fughu sə wô mugho aŋ ghulô ghɛ̀.”

Dzɔ̌n 21:18

Kùmkùm, Ǹ dzâ wô â ghɛ̀ enyəa, ghəa ghù mò naām lo wɛ̂ɛtùghu, ghù n dzə̂ən ndzʉ təghà ghù â nəŋ ko; ndùuw luʼū təla ghù ləghaa alendùw; à kuuwn lò ko enyəa abugho ghù lo dwə̂n tsughu, ghù lo e nəghaan səa nduw kwe zo, ghùw ù nùghù ù lì n dzə̀là fughu tsughu ndzʉ təghà, mbuŋ kɔʼ ghû, nì ndùw ghù an lùʼù kəla ghù mò buʼù ləghaa yo alendùw.

Kə̀fwàʼ 12:4

A m bùghò ghe kwu kɔʼ Pità, ghe n dzə̀n ndùw wə̄n an ndùghùtsāʼ, fughu naŋa ndùw wə̄n enyəa swaʼ u təsùghugòʼ u chùakò è chiīn wə̄n, kwo enyəa abugho Zə kə̀ zəŋso naaŋ kə tsəghà kɔʼ, e nîī fughuu səa wô wə̄n an tia e saʼ an sə kə a ghì.

Kə̀fwàʼ 2:14

Pità fi daŋso nyɛʼɛ nùghù těe tsə̀ghàsə̀ wò nù ghèe ghê tum tə̀ li tì èghəm à ghè zò e mɔ̀ʼ, dzɛ̀ kɔ̀ʼ â nɔ̀e kə aghì chi an dzə̂ è tughu enyəa, “Dzûu tò, à ghɛ̀ à li ghə̀n à dzə̀m ghɛ̀ mughù fɛ an Yɛ̀lusalɛ̀m, tsʉ kɔʼ nlò tuūŋ wɛʼɛ wo, ghɛ̀ zəən tsughu shwaʼ waŋa wo.

Kə̀fwàʼ 20:6

A m bùghò a zə kɔʼ Zə kə bɛ kəla mbvùŋ buw a te, ghàʼ n zə̀ghàa tsùghu Felèpîi, bwìi tsùghù ntsuʼu n tɛ̀ alo kəkwə̀n, ndùw kòʼ ndùw ghee an Tə̀lôas, an dòʼò fughu ewən.

Kə̀fwàʼ 24:27

A m bùghò nûu tə̀ mîa tsughu tə bə̀ghà, Pôlshius Fɛstùs ŋ kɔʼ kɔʼ ndàŋ è Fɛlècks tò gɔvə̀nò. A m bùghò ù sò ləghaa aleghəə̄ŋ tsughu enyəa fə̂ŋ tə̀ è zɔlɔ Dzûu tò a zəŋò ghee, ù n zə̀ghàa tàʼà ndùw Pôl an ndùghàtsāʼ.

Kə̀fwàʼ 25:9

Fɛstùs ŋ kuuwn ləghaa aleghəə̄ŋ tsughu enyəa fə̂ŋ tə̀ è zɔlɔ Dzûu tò a zəŋò wə̄n, ù n dzɛ̀ â Pôl enyəa, “Ghù lə̀ghaa nù enyəa ghù kɔʼ an Yɛ̀lusalɛ̀m a kɔʼɔ̄ saʼ ghû fughu an sə kaŋā a?”

Kə̀fwàʼ 4:13

Ghəa ghe kôʼ tsughu fə̀ŋ zəla ghê Pità ki ghè zò, kòʼ tɔ̀ tsùghù sùghò enyəa à tsò lò ko làŋà tə aghì, mo ghe bûʼ kwò sugho yo mwàʼsò kò, dzughu zə n zum ghee, ghe fi daŋso kòʼkɛ̀lɛ kɔʼ nu ghee enyəa ghe mò lo tsəgha nû ghèe ghê Yɛso.

Gàlashìan 1:10

Ghəa ghə̀là Ŋ̀ kə̂aa enyə, Ŋ̀ kəŋo dzə̀ yò alekelê zən è dzûŋ zò a sə̀a ghì ghò, Ŋ̀ kuuwn kəŋo alekele a sə̀a Zə̀ kò. Abugho M̀ mô dəmà alekelê zən è dzûŋ zò a sə̀a ghì ghò, to M̀ mô yò dzə kɔ̂ɔ fə Kə̀lestò fò.

1 Tɛ̀sàlonìan 2:4

Ghàʼ ghəa ghən fɛ kə̀aa wò tò ghî ghə̀là Zə̀ kə̀ lo mo kə m fughu naŋa làbəlà è dzùŋ è te â ghee, ghàʼ kə̂aa dzə̀ yò fəgha kəla ghî à ləghaa, ghǎʼ kuuwn kə̀a wò fəgha kə̀là Zə̀ kə̀ ləghaa enyəa ghàʼ e kəaa, Zə kəla kə kwo fə̂ŋ tə aghì tò.