Kə̀fwàʼ 12:1 - To kə Kəzə̀ kə̀ Fughu ko

¹ A m bùghò sùghò an tì kə te ko, Hɛlɔ̀d, kə̀də̀ŋ n nùghù kaʼ tsughu aletsəm ghaŋ a ghì a Kə̀lestò à li gho.

Kə̀fwàʼ 12:1 Iomraidhean Croise

Matìo 14:1

An tì kə te ko, Hɛlɔ̀d, tɔɔŋ ghùw wəla ù fə̀ lo tuw ko am bà kə enaʼ kə̀ li ko am mbùʼ è Galèlîi n zuw tsughu zwɔ̂ŋ u Yɛso,

Matìo 14:3

À n lo êzə̀ mo Hɛlɔ̀d mafə̄ tsəghàsò lâŋ kò enyəa ghe kûm Dzɔ̌n alo tətsāʼ, ghe tum an ndùghùtsāʼ enyəa a so à lò ghəa e wìzən ù lì ghe fə̀ tɔɔŋ tsəgha enyəa à lǒ Hɛ̀lodìa. Wìzən wən fə̀ niī tsəgha Felèp, wàatsele ù Hɛlɔ̀d, Hɛlɔ̀d m bùghò tsʉ̀ʉn nì nùghù è kɔʼ.

Matìo 14:6

A m bughò ghuw ghə edzə̄ a Hɛlɔ̀d à tsəghà kpe wo, wɛ fə Hɛ̀lodìas fə̀ zən fə m bən laaŋ tsughu a fughu an sə kə aghì enyə, bǐibǐi tə ŋ kɔʼ Hɛlɔ̀d,

Matìo 24:9

Ghe lo daŋso kaʼā tsughu, ghe e kwuun fughuu nduw ghɛ enyəa ghe ndzaŋso, ghe winlo; mbī zən è dzə̀m e kè baā ghɛ enyəa so à lò ghəa zāŋā.

Lûk 22:53

Sɛ̌ fə̀ mgbaŋa dôʼn zeē tsəgha ko am be kə̀ ne ko ntsuʼu n dzə̀m, ghɛ̀ ŋ kè kwu mugho. Zən fɛ̄ kuuwn lò nəgha zɛʼɛ̄, nəgha e kədaʼa e waatsūʼ.”

Dzɔ̌n 15:20

E moʼnlo nlò shwaʼ wəla mugho mò dzɛ̂ naŋā â ghɛ̀ enyəa, ‘Kɔ̂ɔ fə̀ tsəghàsə̌a tsə̀ghà yǒ mughùbè ù wə̄n.’ Abugho ghe mò lo alendzaŋso kaaŋ mùghò, ghe lo ndzaŋso kaaŋ sùghò nù ghɛ. Abugho ghe mò lo alezuūw naŋa shwaʼ waŋā, à fi lo enyəa ghe lo zuuw naaŋ sùghò nù shwaʼ wɛʼɛ wo.

Dzɔ̌n 16:2

Ghe lo dzùu nùghùun sə̌a wò ghɛ̀ an Ndughutə̀ne tə Tə̀dzûu tò. Nəghā e bùghòo nù, zəla mò à lò ko ndugho ù wi ghɛ, ù m moʼnlò enyəa e fi fwaʼà fwàʼ kə Kəzə̀.

Kə̀fwàʼ 11:30

Ghe ŋ ghəŋlo è tsughu, tuu fughuu ndùw ko aŋ ghùu tsoʼ tə dzeŋe kə ghì a Kəzə̀ tò an Yɛ̀lusalɛ̀m, ghe n ndûw fùghuu ndùw â Bànabàs ghèe Sôol.

Kə̀fwàʼ 12:2

Ù n dzɛ̀ enyəa tsuʼn wi Dzɛ̂ms alo fənyə̄, tɔɔŋ wàazə̀ Dzɔ̌n.

Kə̀fwàʼ 4:30

Děe tsughu daʼa kə̂a kə̀ baaŋ kə aghì kò â ghì ghò, ghàʼ è deē nduw fə̄ən zo, à sə̀ghàa mò an zən e kɔ̀ɔ fə̀ghà fə̀ zɔlɔ fo, Yɛso.”

Kə̀fwàʼ 9:31

Ghî ghəla ghe mò boō fughu an Dzùdîa, aŋ Galèlîi àsùghò an Sàmalìa ŋ kòom tsə̀ŋo yo, bəgha tiso kɔʼ ughue. Ghəa ghe sô mughu, tsəŋo ndùw ko Mughubè ù te, mo Zuʼ tə̀ Zɔlɔ tə ki sugho ghee aŋ ghù kə̀ dzûŋ kò, kɔ̂n kə ghee kə n nomlo.