Kə̀fwàʼ 11:26 - To kə Kəzə̀ kə̀ Fughu ko

²⁶ A m bùghò ù ndòʼ kôʼ tsughu sugho wə̄n, ù n nì wò wən an naʼ e Antìok. Zə m bughò dòʼò tsùghù nû enyəa nûm kə te ko kə dzə̀m ghe n ndûw dòʼn zěe tsə̀ghà ko ghèe ghê ghì a Kə̀lestò ghò, zoʼn tsughu ndə̀màndə̀mà tə aghì ènyə. À n lo sugho fɛ an naʼ e Antìok ghe fə̀ zeʼē tɔŋɔ̄ tsughu ghî ghəla ghe boō fughu â Zə̀ kò enyəa à lò Ghî a Kə̀lestò.

Kə̀fwàʼ 11:26 Iomraidhean Croise

1 Pità 4:16

Abugho e bûʼ kuūwn lô ko enyəa ghùw wɛʼɛ faan nù bòʼ ù boō fughu â Zə̀ kò, e kwo ko ù lo so e də̂nsò kə̀tuw, ù ki alelaam fughuu zɔ̀ɔŋ kò â Zə̀ ko enyəa ù bǒom zən e Kə̀lestò.

Kə̀fwàʼ 26:28

Agelepà n daŋso nùghù bvʉ tsughu â Pôl enyəa, “Ghù mòʼò enyəa aŋ kə̀mà fə̀ enə̀ghà fən ghù lò nû aleghəŋlo Ǹ doʼò ghùw Kə̀lestò?”

1 Dzɔ̌n 2:27

Kə̀lestò ŋ kuuwn fughu ghɛ â bughuun zo an Zuʼ tə̀ Zɔlɔ to. Tò ghəa Zuʼ tə̀ Zɔlɔ tə te tə lo am fə̀ŋ tɛʼɛ, e kwo ko ghùw ù li lô kôom bugho alezoʼn ghɛ̀ â ghəa è nughù è li zo. Aŋghəa zuʼ tə wə̄n tə̀ zɔlɔ tə dêe ghɛ̀ â ghəa gho a dzə̀m, àsùghò enyəa fəgha kəla u děe â ghɛ̀, kə kûm lo êsəŋò, mò gha e li yo a te. Tò aŋghəa Zuʼ tə̀ Zɔlɔ tə zoʼn ghɛ̀ a te, e ti ko nlò ghuw ko kə mɔ̀ʼ ghɛ a ghê Kə̀lestò.

1 Pità 4:14

Dzɔ̀ lò â ghɛ̀ abugho ghe sûuwn ko ghɛ enyəa ghɛ̀ lo ghî a Kə̀lestò; bòʼ enyəa ghaʼ e səghanyəgha n Zuʼ te Kə̀zə̀ n lo a zəŋò ghɛ̀.

Efɛsùs 3:15

À lǒ wə̄n ù bɔm ghî ghò a dzə̀m alo kəwāla àsùghò aŋ ghueekətsə̄.

1 Kòlentìan 14:23

Abugho ghî a Kəzə̀ à bughò zûuŋ tsughu a dzə̀m, ghee a dzə̀m yo kə̂aa kaāŋ ghəa gho an shwaʼ ù li wo mò ghùw ù ghee u mɔ̀ʼ yò alezuūwkɛlɛ̄, ghùw ù nughùnùghù vʉ̀a ù kpaʼ ndûw nyə wo fughu ŋkāa ghùw mò ù kaam boo fughu â Kə̀lestò, ghe so dzàa yò enyəa tuw u ghee wə bosə a?

1 Kòlentìan 12:12

Aŋghəa gwən e mɔ̀ʼ e ki ndə̀m e nyùŋ u ughùe, mò à lǒ ndə̀m è nyùŋ u ughùe zen e ghəəŋ kɔʼ gwən e ughùe zən zo, à lò sughu ghəa è mɔʼɔ̄ êzə̀ â Kə̀lestò.

1 Kòlentìan 11:18

Ghəa e sûesʉ e lo enyəa, Ǹ zuw enyəa abugho ghɛ̀ bughò zûuŋ wô ghue zɛʼɛ zo tò dzeŋe kə ghì a Kəzə̀, ghɛ̀ n ndzughùun lò kaaŋ tsəgha alo eghùe. mùghò m fəm tò mùghò è boō mɛʼɛ̀ ghəa a te gho enyəa à lò êsəŋò.

1 Kòlentìan 4:17

Zən lò e ghee Ǹ dzɛ̂ enyəa Ǹ tuu wò nù Timotì, wɛ waŋā ù tsùʼu wəla ù gaʼ fə̀ŋ a zəŋò Mughu ù te, ù zə̂əŋ wô ghɛ̀ an dzìi taŋā tə ghəəŋ tə aghəa to aŋ ghəa M̀ fwaʼa â Kə̀lestò, aŋ ghəa Ǹ zoʼn kaŋlo an luʼū ten tə dzəm an ndzweŋe u ghì a Kəzə̀ wən u dzə̀m.

Kə̀fwàʼ 14:27

A m bùghò ghe ndûw nyə nduw, ghe n tɔŋɔ naŋa tsughu ghî à Kə̀lestò, dzɛ̀ kɔ̀ʼ ndùw ghəa ghə̀n à dzə̀m Zə̀ kə̀ lo mo kə m fwǎʼ ghèe ghee àsùghò ghəa ù tsʉ tsughu dzì enyəa Toʼò tə̀ è lo alegaʼ a sughò fə̀ŋ aŋ Kə̀lestò.

Matìo 28:19

Ndǔuw ko nlò êzə̄ŋ, ghɛ̀ è ghəəŋ nduw enyəa ghî ghə̀ è doʼn wo tsə̀təndə̄ghā taŋa to an nàʼà tə̀n tə̀ dzə̀m. Abugho ghe boō fughu tsughu, ghɛ̀ è fughuu nduw ghee â mùghù ŋ Kə̀zə̀ mò an zən e Tsele ù te, àsùghò an zən e Wɛ̀ ù te, àsùghò an zən Zuʼ tə̀ Zɔlɔ to.

Edêe Fughu 3:18

Zən lò e ghee Ǹ tsʉ̂a wô ghɛ enyəa, ghɛ̀ zue tsɛ zo aŋ ghùu mùghò mo ghe n tsə̄ alo kənàm; tò ghɛ̀ lo doʼo ghî à kuu gho. Ghɛ̀ zue sugho ndzʉ tə̀ fəma to, ghɛ̀ dzəla kəŋ naŋa tuw kɛʼɛ kə̀ dəla chi aŋ ghùe zɛʼɛ̄ è zum zə̀, e kwo ko ghî à lô koʼō. Ghɛ̀ zue kɔʼ sugho twi wə asə wo, ghɛ̀ e dzəla tsughu an sə ghɛʼɛ̄, tò ghɛ̀ e koʼo luʼū to.

Kə̀fwàʼ 14:23

À m bùghò ghe ndûw kôʼ ndûw dzeŋe kə ghì ghəla ghe boō fughu â Kə̀lestò alo kəlùʼu, ghe n tsɔʼ kɔʼ tətsoʼ a fughu an dzeŋe kə te ko, ghe m bam tsughu edzughu è gɔnlo alefughūu zəghàa ndûw ghee â Mughubè ù te wəla ghe boō fughu â wə̄n.

Kə̀fwàʼ 11:27

An tì kə te ko ghiīshʉ̀ghà a Kəzə̀ à li ghə n nùghù tsùghù an Yɛ̀lusalɛ̀m tsùghù wò an Antìok.

Kə̀fwàʼ 11:22

Ghî a Kə̀lestò ghən an Yɛ̀lusalɛ̀m n zuw làbəlà zən, tùm ndùw Bànabàs an Antìok.

Kə̀fwàʼ 11:20

Ghî a Saepə̀lùs à li gho àsùghò a Sìlêen ghò, ghəla ghe boō fughu â Kə̀lestò, ghe ŋ ŋgəəŋ lò sugho am bvʉa e ghì yì an Antìok, ghe ŋ kə̂aa ndùw ghəa a Mughùbè Yɛso â Tòʼò zò.

Kə̀fwàʼ 6:5

Fə̂ŋ tə ghee yìa à dzə̀m tə̀ n zɔ̀n ndùw ènyə am fəgha kəla ghe dzɛ̂ tsughu; ghe n tsɔʼ kɔʼ Sìtəfɛ̀, ghùw mò ù bǒo fùghù bùʼ nù, ki sugho Zuʼ tə̀ Zɔlɔ to, ghèe Felêp, àsùghò Pə̀lokolùs, àsùghò Nìkanò, àsùghò Timòn, àsùghò Palmɛ̄nàs àsùghò Nikɔ̀lɔ̂s tɔɔŋ ghùw ù Antìok ù fə̀n doʼò wô Dzûu.

Dzɔ̌n 2:2

À n lo mo ghe n Yɛso à tsə̀təndə̄ghā tə wə̄n to fughu naʼà sùghò.

Kə̀fwàʼ 1:15

An tsùʼu n te mò ko, ghəa ghe zûuŋ wô tsuʼ ù li wo (ghe fə̀ dzeŋe lo bɔm fə aghì à ghì ghò ghuūghûw), Pità n nùghù těe è kɔʼ, dzɛ̀ tsùghù enyəa,

Kə̀fwàʼ 6:1

Ghəa kɔ̂n kə tsə̀təndə̄ghā tə Yɛso kə̀ dûuw wo, Dzûu təla tə mò kə̂aa shwaʼ u Gə̀lêk wò n tàm ndùw Tə̀dzûu təla ghe mò kə̂aa shwaʼ u Hebə̀lù wò an shwaʼ bòʼ ghe mò baā ukpiī am fʉ̀ghàzəa wəla ghe mò dzughùu fughuu tsəgha â yiikpūw gho alo fətsūʼ.

Kə̀fwàʼ 9:19

a m bùghò ù daŋso zə kɔʼ, ù ŋ kòom kèle tsughu sə̂ŋ e wə̄n e bàm. Sôol n dòʼò ndə̀mà ntsùʼu ghèe ghê tsə̀təndə̄ghā to an Dàmakùs,

Kə̀fwàʼ 9:38

Ghəa naʼ e Ledà e mò lo mo e kuʼù dòʼò tsughu ko enyə ghèe naʼ e Dzopà zò, tsə̀təndə̄ghā tə n dzə̀ kɔ̀ʼ aghî a bə̀ghà, tùm è tsughu, ghəa ghe zuw tsughu enyəa Pità lǒ fughu, buʼu ndùw kə̀ghu â wən enyəa, “Kee â ghù, mba bùghò, kà boo gha kə sə.”

Kə̀fwàʼ 11:29

Tsə̀təndə̄ghā tə te tə m boo tsughu enyəa, aŋ ŋgəŋ è ghee chìa è də̀mà tsughu ko aletuū fughuu ndûw èyòsò â ghì ghəla ghe mughu aŋ Dzùdîa mo ghe m boo fughu sùghò â Kə̀lestò.

Kə̀fwàʼ 14:20

A m bùghò waazə̂ à li ghən nyəŋ zûuŋ wo a vʉ̀a wə̄n, ù n daŋso nùghù è kɔʼ, kòom nùghù nyə̀ ndùw è bàm fughu alo enaʼ. A n daŋso nùghù wò tsʉtsʉ vʉ̀ ghèe Bànabàs n nùghù nùghù dàŋso ndùw an naʼ e Dɛbì.

Kə̀fwàʼ 14:22

Ghe n dzəlà ndùw tsə̀təndə̄ghā tə ghee â sə̀ŋ zò, toon ndùw ghee enyəa ghe e ti ko am fə̂ŋ zəla ghe gaʼ tsughu aŋ Kə̀lestò. Ghe n dzâa ndùw sùghò â ghee enyəa, “A ki ko alenyə am Fɔ̀e u Kəzə̀ mo an tèlè fàla tsughu dzə̀.”

Kə̀fwàʼ 14:28

Ghe ŋ kòom tso muʼn mùghùu kə̀ŋo ndùw kə̀gha fughu ghèe ghê ghì yia ghe boō fughu tsūghu aŋ Kə̀lestò.

Kə̀fwàʼ 18:27

A m bùghò ù tsə̀m kɔʼ aledàŋ an Àkaeyà, waazə̂ a ghî a Kəzə̀ ghə̀ n dzə̀n ndùw wən â sə̀ŋ zò alo kəmwàʼsò ghe tɔm nduw â waazə̂ a ghî a Kəzə̀ à yi a fughu enyəa ghe nîi naŋā tsughu wə̄n. A m bùghò ù ndǔw fughu, ù ŋgè yòsò ghì ghəla ghe mò tsô boō tsughu sugho mò à ghee yosò Kə̀zə̀,

Kə̀fwàʼ 19:9

A m bùghò ghee à li a tughūu â tuw ko, tuu alebōo, ndzɛlɛ kə̀aa sùghò shwaʼ ù biigh wo kùu ndùw Dzì zəla Mughu ù te ləghaa, Pôl n zə̀ghàa tàʼà tsùghu ghee, nì nùghù ndùw tsə̀təndə̄ghā tì, ghèe ghee ndûu kə̀aa zêe àghəa an sàŋkpàa kə Taelānùs.

Kə̀fwàʼ 20:1

Aŋghəa ndə̀m kən ke tsughu sɛ tsughu, Pôl n tɔŋɔ zùuŋ tsùghu tsə̀təndə̄ghā tə Kə̀lestò, dzə̀n ndùw fə̀ŋ tə ghee, daŋso sə̀ kwu ndùw dzì è Màsɛ̀donìa.

Kə̀fwàʼ 20:30

Ghî à lī lo buʼù səā kɔʼɔ̄ sugho am bvʉa zɛʼɛ̄ ghe e kaʼn wo ghā gho, alekwuū ŋgwûu tsughu tɔ u ghì a Kəzə̀ enyəa ghe nughù wo a bàâ ghee.

Kə̀fwàʼ 21:4

A m bùghò a bwîin kəŋ kôʼ kaāŋ sə kɔʼ ghî a Kəzə̀ a li gho fughu, ghàʼ n dòʼò kə̀ŋo ndùw ntsuʼu fughu sə̀ghàmbəgha ghàʼ à ghee. Zuʼ tə̀ Zɔlɔ tə te wə n tsom kɔʼ ghee, ghe n dzɛ̀ â Pôl enyəa e kwo ù lò ndûuw daŋso an Yɛ̀lusalɛ̀m.

Dzɛ̂ms 2:7

À yǒ ghee a, ghe nî kɔʼ kɔ kə ezən kəla ghɛ̀ boō fughu a te, ghe yia a sûuwn kaŋlō a?