Kə̀fwàʼ 11:23 - To kə Kəzə̀ kə̀ Fughu ko

²³ A m bùghò ù bùghò kôʼ tsughu enyəa Zə̀ kə̀ mò ti an tuw kə ghee, ù mo èduʼnlo, fəghaan tɔ̀ʼ tsʉ̀ tsùghu ghee enyəa ghe nəghāa kɔʼ fənyə aŋ ghəa e Mughu ù te, ghe teē təla tsughu a te am fə̂ŋ è ghee e dzə̀m;

Kə̀fwàʼ 11:23 Iomraidhean Croise

Matìo 16:24

Yɛso n daŋso dzɛ̀ â Tsə̀təndə̄ghā tə wə̄n to enyəa, “Abugho ghùw so e bwîi â bàâ mùghò, ù n ni tsùghù enyəa e yo dzə̂ fəgha kə̀ li ko, ù m boo tsughu evʉ, ù n nùghù wô a bàâ mùghò.

Mâk 2:5

A m bùghò Yɛso kǒʼ fə̀ŋ zəla ghe ki ghè zò, ù n dzɛ̀ â kə̀əŋ chi ko enyəa, “Ŋ wɛ̄, Zə̀ kə̀ m bòo tə̀ghà tə̀ ghuuw màʼà.”

Dzɔ̌n 15:4

Ghɛ̀ məghaa doʼo wo a zəŋò mùghò, Ǹ lo doʼò wô alo kəfəgha kə mɔ̀ʼ sɛ̀. Kwèe kə fəkàʼ kə̀ yo alemʉ utwam mo kə kâ nyùŋ dòʼò alo fəkàʼ, à lò sugho eghala ghɛ̀ yo aleghə̂əŋ ghə̀a è li zo abugho ghɛ̀ doʼŋkè məghàa doʼò wô a zəŋò mùghò enyəa sɛ̀ e dzeŋe lo alo kəfəgha kə mɔ̀ʼ.

Kə̀fwàʼ 13:43

A m bùghò dzeŋe kə ndùghùne kə sɛ̂ɛ tsughu, ndə̀mà tə ghì a Dzudà, à ghì ghəla ghe fə̂n doʼò wô Dzûu tò, ghe n sə̀ dzùum ndùw ghê Pôl, ghe ŋ kə̀aa àghəa â ghee dzɛ̀ â ghee enyəa ghe doʼò təla tsughuu ko am mwàʼ e Kəzə̀.

Kə̀fwàʼ 14:22

Ghe n dzəlà ndùw tsə̀təndə̄ghā tə ghee â sə̀ŋ zò, toon ndùw ghee enyəa ghe e ti ko am fə̂ŋ zəla ghe gaʼ tsughu aŋ Kə̀lestò. Ghe n dzâa ndùw sùghò â ghee enyəa, “A ki ko alenyə am Fɔ̀e u Kəzə̀ mo an tèlè fàla tsughu dzə̀.”

Kə̀fwàʼ 14:26

zə̀ghàa tsùghu fughu, nùghù dàŋ ndùw an Antìok alo kəkwə̀n an naʼ zəla ghe mò fughu ghee â dwaʼa u Kəzə̀ wò alendùw fwâʼ fwàʼ chia ghe fwâʼ mɛʼɛ̀ kɔʼ.

Kə̀fwàʼ 15:40

Pôl ŋ kuuwn shìa kɔ̀ʼ Saelàs, waazə̂ à li ghən ŋ gɔ̀ɔŋ tsùghù enyəa Mughu ù te e nyaŋlo â ghee, daŋso tə̄mā zə̀ghàa kɔ̌ʼ ghee.

Kə̀fwàʼ 20:24

Ŋ̀ kâ bùʼ nì tuw kaŋa tò kəfəgha abugho M̀ kpaʼ lô dzə̂ alemìasò kɔʼ ŋgəa zəla Ŋ̀ ŋgəāa kaŋlō àsùghò fwàʼ kə̀là mùghò fə̀ nî kɔʼ aŋ ghùu Mughu ù te Yɛso Kə̀lestò, alezùghòo làbəlà è dzùŋ kùu ndùw dzɔ̂ e Kəzə̀.

Kə̀fwàʼ 20:32

M̀ fɛ êzəŋ fughuu nyəa tsughuu ghɛ̀ aŋ ghu kə Kəzə̀, àsùghò an shwaʼ u wən ù dzûŋ wò; wəla kə lo alebɔɔ̄ tīsō ghɛ̀, wəla ghəə̄ŋ sughò ghɛ̀ zə fʉgha wəla u lɛɛ̄n ghî ghəla ghe lo mo ghe ŋ ghee sûw màʼà.

Kə̀fwàʼ 4:36

Dzùghùsî wən fə̀ sə an tigh kə Lɛvì mò ghe wə̄n dzə an naʼ e Saepə̀lùs, tum tə Kə̀lestò tə n təghàa tsughu zən e wə̄n enyəa à lǒ Bànabàs (mo e môʼn tsùghuu enyəa, Ghù wəla ù dzə̀la fə̂ŋ tə aghì tò),

Lumà 12:8

Abugho fughu kə te kə lo aledzə̀n fə̀ŋ tə aghì, ù ŋ ghəəŋ ndùw êzə̀. Mo fughu kə ghûw kə̀ lo alefughu eyôsò â ghì ghò, ghùw ù m fughuu ndùw aŋ ghùe ù mwaʼā wo. Ghùw wəla ù ki dwaʼa wo alekwuū kele àghì, ù ki alekwuū kele ghee aŋ ghu kə̀ dzûŋ kò. Wə̄n wəla ù ki fughu ko aledè edzɔ̀ â ghì ghò, ù n dêe ndùw dzɔ̀ e te zo aŋ ghùe ù ghɛɛn wo.

1 Kòlentìan 15:58

Waazə̂ ghaŋa ghəla Ŋ̀ ŋgeē ləghaa, tɔ̀ʼɔ tee tsughu nlò, e kwo ko fəgha kə̀ li kə lô noʼsò ghɛ. Ghɛ̀ fughu nduw ghue zɛʼɛ zo alefwaʼā ko â Mughu ù te, ghɛ̀ e kwo tən enyəa fwàʼ kɛʼɛ kəla ghɛ̀ fwaʼā â Mughu ù te yo dzə kə̀nughùnùghù.

2 Kòlentìan 1:17

À lǒ mò mùgho mò məŋō nû aŋghəa mùgho mò se ghə̂əŋ ghəa ghən a? À lǒ mò Ŋ̀ ghəa ghaŋa a bian naŋlo tǒ ghùw ù mbì a; wəla ù lò alelō alo eghəa kòom bùw a te a?

2 Kòlentìan 6:1

Aŋghəa sɛ̀ à ghê Zə̀ kə̀ dzeŋe fwaʼà êzə̀, ghàʼ buʼu wò kə̀ghu â ghɛ̀ enyəa e kwo ghɛ̀ lô bomlo enyəa dzɔ̂ zəla Zə̀ kə mò de â ghɛ̀ e tsəghàa mîaa kə̀nughùnùghù.

Kòloshìan 1:6

Zən lǒ làbəlà zəla è fə̀ bùgho â ghɛ tò aŋghəa ghe bwîi naʼn ŋgəa kaāŋ nduw sugho a te am mbī e dzə̀m; làbəlà è te zə̀a è noōm dûuw nduw, dzəa ndùuŋ ndùw ùghue am bvʉa zɛʼɛ̄, alekaʼa nughù wô an tsuʼ fəla ghɛ̀ mò bugho zuwkɛlɛ̄ tsughu fəgha kəla Dzɔ̂ e Kəzə̀ e biso moʼo ghè kò.

2 Timotì 3:10

Yia a bughò ghû a Timotì, ghù kwò nû fəgha kəla mùghò mò ghî ghò a te, àsùghò mùghù zaŋā zo e dzə̀m. Ghù kwò nû aŋghəa Ŋ̀ gaʼ fə̀ŋ a te a zəŋò Kə̀lestò àsùghò fəgha kəla Ŋ̀ kəŋo ghè kò fɛ am mbī, àsùghò ləgha zəla Ŋ̀ ki â ghì ghò àsùghò enyəa Ŋ̀ kwo nû alekɔlɔ fə̀ŋ. Ghù vʉa ghù kwo sughò enyəa Ŋ̀ kwo nû aleghaŋso ùghue am fwàʼ kə Kəzə̀ abugho ghəa a buʼù tughu ko nû.

1 Pità 5:12

À mùghò yôsò Saelàs (Sìlvanùs), wàazə̀ waŋa wəla Ǹ tɔ̂ʼ kwo enyəa ù lo tsəghatsəgha am boo e wə̄n, aletɔɔ̄ wô kə̀mà fə kəmwàʼsò fən fo â ghɛ̀. M̀ mwàʼsò kən kə tɔɔ wò â ghɛ̀ aletsʉ̀a wô ghɛ̀ àsùghò alefəghaan teso dzâa wô â ghɛ̀ enyəa ləgha e Kəzə̀ è kûum lò êsəŋò. Ghɛ̀ tee tən tsughu ko nlò a te.

1 Dzɔ̌n 2:28

Tee tsughu ko nlò ghuw ko kə mɔ̀ʼ ghɛ̀ à ghê Kə̀lestò êzə̄ŋ à wɛ ghaŋa gho, to abugho ù kê bugho, ghɛ̀ e ke ki yo tsəŋ zo àsùghò tuw kə dəla ko aleteme a vʉ̀a wə̄n an tsuʼ fəla ù kè bugho ebàm a te.

3 Dzɔ̌n 1:4

Duʼn kə̀ ne kə̀ li kə kɔʼɔ yo mugho an ghəa eli zo, tsəghà sə̂a ko yo alezuw enyəa wɛ ghaŋa a bwìi alo êsəŋò.

Dzûd 1:4

Tɔŋlo enyəa ghî à li ghə n nyɛʼɛ bùghò tsɔŋ tsə̀ghà nyə am bvʉa zɛʼɛ mo ghe fughuu yo kɔʼso mò â Zə̀ kò, nu ghe nî kɔ̂ʼ dzɔ̂ e Kə̀zə̀ fwə̀n naŋa tsughu enyəa alo dzì â ghee aleghəəŋ kaāŋ dzə̀adzə̀ tə aghəa to a te. Aghî tò ghən, ghe mafə ki tɔm naŋa aŋghəa ghe lo baā mbɛ̄ a te an tuw kə ghee. Ghe tuu màʼn sùghò Yɛso Kə̀lestò wəla à mìaa ko wə̄n Mughùbè ù sɛ̀.