Kə̀fwàʼ 11:19 - To kə Kəzə̀ kə̀ Fughu ko

¹⁹ Ghî ghəla ghe fə̀ tiīn sɛ̂ɛ tsughu bòʼ aŋghəa ghe fə̀ fɔeso tsughu Sìtofɛ̀ a te, ghe m bwìi ènyə lɔʼso ndùw sə̀ mìasò ndùw am Fɔ̀enishìa, àsùghò an Saepə̀lùs, àsùghò an Antìok, kòom kə̀aa yò shwaʼ u te wo â ghùw ù lì, kə̀aa tə̀la ko â Dzûu tò.

Kə̀fwàʼ 11:19 Iomraidhean Croise

Matìo 10:6

Ghɛ̀ bɔɔm ki ko alenyə an lùʼu təla ghî ghə Ezə̀lɛ̂ ghəla ghe lo tò ndzì zəla è fə̀ lâʼ miaa mughu a fughu.

Dzɔ̌n 7:35

Ghî ne a Tə̀dzûu à mo aŋ ghùe e ghee enyəa, “Ghùw wən yia so e boʼò ndûw ghɛ̀ an lùʼu kəla a buw alekəŋo kôʼ wə̄n a te à? Ù sò yia moʼò alendùw saŋe doʼo ndùw ghèe ghê Tòʼò zò à, ù e zoʼn nduw ghee a?

Kə̀fwàʼ 11:20

Ghî a Saepə̀lùs à li gho àsùghò a Sìlêen ghò, ghəla ghe boō fughu â Kə̀lestò, ghe ŋ ŋgəəŋ lò sugho am bvʉa e ghì yì an Antìok, ghe ŋ kə̂aa ndùw ghəa a Mughùbè Yɛso â Tòʼò zò.

Kə̀fwàʼ 11:22

Ghî a Kə̀lestò ghən an Yɛ̀lusalɛ̀m n zuw làbəlà zən, tùm ndùw Bànabàs an Antìok.

Kə̀fwàʼ 13:1

Aŋ ghì a Kə̀lestò ghən an Antìok ghiīshʉ̀ghà a Kəzə̀ a fə̀ lo a te ghèe ghê wàdè; Bànabàs ghèe ghê Sǎemòn (wəla ghe mò tɔŋlo enyəa à lǒ Ghùw ù Lə̀ŋo), àsùghò Lusìus, (ghùw ù Sìlêen), ghèe ghê Mànâen (mò noo a tsəlà Hɛlɔ̀d wəla ù fə̀ lô gɔvə̀nò), àsùghò Sôol.

Kə̀fwàʼ 13:4

Êzə̀ŋ ghəa e màʼa fə̀ lo mò à ghee tum sə tsughu Zuʼ tə̀ Zɔlɔ to, ghe n tsùghù ndùw an Sɛ̀lusìa; ghe n nùghù tsùghu fughu, ghe m bàŋ dàŋ sə̀ ndùw ghee alo kəkwə̀n an Saepə̀lùs.

Kə̀fwàʼ 13:46

Pôl ghèe Bànabàs n daŋso dzeŋe dò kə̀a sə̀ wò àghəa, dzàa ndùw enyəa, “E mô kpè nû enyəa a buʼù kə̂a wô dzə̂ shwaʼ u Kəzə̀ â ghɛ̀. Yia abugho ghɛ̀ tue maʼā, nì tsùghù enyəa ghɛ̀ kâ kɔ̀ʼ kpè tò ghɛ̀ è zə etsɛlɛ̀, ghàʼ fwəlà fùghuu ndùw êzəŋ â Tòʼò zò.

Kə̀fwàʼ 14:26

zə̀ghàa tsùghu fughu, nùghù dàŋ ndùw an Antìok alo kəkwə̀n an naʼ zəla ghe mò fughu ghee â dwaʼa u Kəzə̀ wò alendùw fwâʼ fwàʼ chia ghe fwâʼ mɛʼɛ̀ kɔʼ.

Kə̀fwàʼ 15:22

Tum tì ghèe ghê tsoʼ to àsùghò ghì ghəla ghe boō tsughu ŋ kòʼ tsùghù enyəa e dzɔ̂ɔ nù enyəa to ghe mô dzə̂a kɔʼ aghî am bvʉa e ghee ghe tuū ndûw an Antìok ghèe ghê Pôl à Bànabàs. Ghe n tsɔ̀ʼ sə̀ wò ghì ghəla ghe mò lɛɛ̄n ghî ghò am bvʉa e waakə̀lestò e te zo a bə̀ghà. Ghe n nì sə̀ wò Dzudàs wəla ghe fə̀ tɔŋlo enyəa Bàsabàs àsùghò Silàs, tùm è nduw,

Kə̀fwàʼ 15:3

A m bùghò ghe sô lo an dziī ghəa ghî a Kə̀lestò à tum sə tsughu ghee, ghe n tsə̀ghà nyə̀ ndùw dzì am Fòenishìa àsùghò an Sàmalìa, nàʼn ndùw ghəa Toʼò è fəlà doʼn wô ghî à Kə̀lestò ghò a te. Shwaʼ wən n dzə̀n ndùw kə̀duʼnlo am fə̀ŋ tə waakə̀lestò yì à dzə̀m.

Kə̀fwàʼ 15:30

Ghe fi tum sə̀ ndùw nǔ ghee, ghe n tsùghù ndùw an Antìok; a m bùghò ghe zûuŋ naŋā tsughu waakə̀lestò yi alo fətùʼù ghe n dzə̀ fùghù ndùw mwàʼsò kə te ko.

Kə̀fwàʼ 15:35

Pôl ghèe Bànabàs n dòʼòdòʼò tsùghù an Antìok, tsʉ̀a ndùw àghì, kə̀aa ndùw sùghò shwaʼ u Mughu ù te, ghèe ghê ndə̀m è àghì à li gho sughò.

Kə̀fwàʼ 15:39

Ghe n nùghù nǔum zùghùu tsùghu fughu alo eghùe, daŋso sɛ̀ɛ è tsughu; Bànabàs n nì kɔ̀ʼ Mâk nùghù dàŋ ndùw ghèe wən an Saepə̀lùs alo kəkwə̀n,

Kə̀fwàʼ 18:22

A m bùghò ù bùghò sə tsughu aŋ Kàesalìa, ù ŋ kɔʼ tɔɔŋ zùw ndùw ghì a Kəzə̀, nùghù tsùghù ndùw an Antìok.

Kə̀fwàʼ 21:16

Tsə̀təndə̄ghā tə Yɛso tə̀ li to tə sə wo an naʼ e Kaesalìa fə̀ nduūw ko ghàʼ à ghe a dzə̀m, ghe n nì ndùw an ndughu alô Mnasòn, ghùw u Saepə̀lùs ù lì, tsə̀ndə̄ghā è wǐi, enyəa ghàʼ ndûw nyə alô wə̄n.

Kə̀fwàʼ 21:2

A m bùghò a kôʼ tsughu kwə̀n kò kə daŋā am Fòenisìa, a n nyə kɔʼ a te, nùghù ndùw â dàŋ kò.

Kə̀fwàʼ 3:26

A m bùghò Zə̀ kə̀ shîaa sə kɔʼ kɔ̂ɔ fə wə̄n fo, kə m bùʼ tùm wò dzə̀ wə̄n a vʉ̀a ghɛ̀ enyəa ù bùghò bughuso ghɛ̀, àsùghò enyəa ù bùghò ghəŋlo ghɛ̀ ti kuwnlo aŋ ghəa ghɛʼɛ à biigh gho.”

Kə̀fwàʼ 4:36

Dzùghùsî wən fə̀ sə an tigh kə Lɛvì mò ghe wə̄n dzə an naʼ e Saepə̀lùs, tum tə Kə̀lestò tə n təghàa tsughu zən e wə̄n enyəa à lǒ Bànabàs (mo e môʼn tsùghuu enyəa, Ghù wəla ù dzə̀la fə̂ŋ tə aghì tò),

Kə̀fwàʼ 6:5

Fə̂ŋ tə ghee yìa à dzə̀m tə̀ n zɔ̀n ndùw ènyə am fəgha kəla ghe dzɛ̂ tsughu; ghe n tsɔʼ kɔʼ Sìtəfɛ̀, ghùw mò ù bǒo fùghù bùʼ nù, ki sugho Zuʼ tə̀ Zɔlɔ to, ghèe Felêp, àsùghò Pə̀lokolùs, àsùghò Nìkanò, àsùghò Timòn, àsùghò Palmɛ̄nàs àsùghò Nikɔ̀lɔ̂s tɔɔŋ ghùw ù Antìok ù fə̀n doʼò wô Dzûu.

Gàlashìan 2:11

A m bùghò Pità bùghò an Antìok, mùghò n lughuun sàʼ ndùw wə̄n, bòʼ ù mò kum fwaʼ boon ghəa è li zo.