Kə̀fwàʼ 11:16 - To kə Kəzə̀ kə̀ Fughu ko

¹⁶ Mùgho n daŋso tɛ̀ mòʼn wo shwaʼ u Mughu ù te aŋghəa ù fə̀ dzɛ̂ enyəa, ‘Dzɔ̌n fə̀ ghî ghò â mùghù ŋ Kə̀zə̀ m fughuu alo mmùghu, ghe lô ghɛ̀ â mùghù ŋ Kə̀zə̀ kuuwn fughuu an Zuʼ tə̀ Zɔlɔ to.’

Kə̀fwàʼ 11:16 Iomraidhean Croise

Matìo 3:11

Ŋ̀ ghɛ fɛ fughuu â mùghù ŋ Kə̀zə̀ mò aledèe tsughu enyəa ghɛ̀ n tì màʼà ghəa ghɛʼɛ à biigh gho. Ghùw wəla ù lo kuūwn bughōo a bàâ mùghò m mùghò tsəghà sə; Ŋ̀ kâ bùʼ kɔʼ kpè alebòʼò gùw tə wə̄n, ù lô ghɛ̀ à mùghù ŋ Kə̀zə̀ ŋ kuuwn fughuu an Zuʼ tə Kəzə̀ àsùghò wə̀n mò a te.

Matìo 3:6

Ghe m bughò zàa wò vùŋ u ghee enyəa ghe ŋ ghəəŋ bonlo, Dzɔ̌n m fughuu tsughu ghee â mùghù ŋ Kə̀zə̀ mo an dzughù è Dzodàn.

Mâk 1:8

Ŋ̀ ghɛ â mùghù ŋ Kə̀zə̀ m fughuu alo mmùghu; ù lô ghɛ̀ â mùghù ŋ Kə̀zə̀ ŋ kuuwn fughuu an Zùʼ tə̀ Zɔlɔ to.”

Lûk 24:8

Ghe n daŋso tɛ̀ mòʼn wò shwaʼ u wə̄n.

Lûk 3:16

Dzɔ̌n m bɛ̀lɛ̀ ndùw ghee a dzə̀m enyəa, “Ŋ̀ ghɛ fughuu â mùghù ŋ Kèzə̀ mò; ghùw wəla ù ghaʼ tsəghà mugho, ù bùghòo nù, Ŋ̀ kâ bùʼ tsò kɔ̀ʼ ŋgàlà alezè gbaʼ u təgùw u wə̄n; ù lô ghɛ̀ kuuwn sùuw tsùghu an Zuʼ tə̀ Zɔlɔ to à wə̀n mò a te.

Dzɔ̌n 1:26

Dzɔ̌n n bɛ̀lɛ̀ ndùw ghee enyəa, “Ŋ̀ ghî à fughu â mùghù ŋ Kə̀zə̀ mò, zə̀ e kuūwn lo enyəa ghùw lo fì an tsə̀tèʼè fɛʼɛ mò ghɛ̀ kwo yo wə̄n.

Dzɔ̌n 1:33

Ghuūghùe waŋā, mùgho fə̀ kwo sugho yo wə̄n, à sô fɛ lo enyəa, ghùw wəla u tum wô mugho enyəa M̀ bughò, mùghò è fughuu ghî ghò â mùghù ŋ Kə̀zə̀ mò, fə dzɛ â mùghò enyəa, ‘Ghùw wəla ghù kè koʼo Zuʼ tə̀ Zɔlɔ tə sə tsughu wô alo kəwālā, bùghò tsùghù maa dòʼò tsùghù a zəŋò wə̄n, kele tsughu enyəa à fi lo wə̄n wəla ù lo fughuu ghɛ â Zuʼ tə̀ Zɔlɔ to aleghəŋlo enyəa ghɛ̀ doʼo ghî à fughu gho.’

Dzɔ̌n 14:26

Ghùw wəla ù lo dêe ghɛ â dzì, wəla ù lo yôsò ghɛ tɔɔŋ Zuʼ tə̀ Zɔlɔ təla Bəghà lo tuū wo â ghɛ̀ an zən zaŋā lo zoʼn ghɛ̀ â ghəa gho a dzə̀m, zə̀əŋ wò sùghò ghɛ̀ aŋ ghəa ghən à dzə̀m mùgho mò dzɛ̂ naŋā â ghɛ̀.

Dzɔ̌n 16:4

Ŋ̀ ghəa ghən fɛ a ghɛ̀ dzɛ̀ nàŋa wò enyəa abugho nəgha e ghee e te e kê kpē tsughu, ghəa a te a kāʼ tsughu alesə̄, ghɛ̀ ŋ kele enyəa M̀ mafə â ghɛ̀ dzɛ̂ nàŋa. Ŋ̀ ka mo ghəa ghən gho â ghɛ̀ kaam dzɛ̀ dzə̀ nàŋa wò dzə̀ aŋghəa a fə̀ kaʼ tsughu, bòʼ sɛ̀ mò lô tsəgha a dzə̀m.

Kə̀fwàʼ 1:5

Dzɔ̌n fə̀ ghî ghò â mùghù ŋ Kə̀zə̀ m fughuu alo mmùghu, gha kə kôom sə̌a yo aŋghəa ghe lo kuūwn fughuu ghɛ â mùghù ŋ Kə̀zə̀ mò alo təzùʼ.”

Kə̀fwàʼ 20:35

Aŋ ghəa ghən a dzə̀m, mùghò mò â ghɛ̀ fɛ dē tsughu enyəa abugho ghù fwàʼà tsughuu alo esə̀ŋ, ghù kì aleyosō ndûw ghî à lɛɛ gho, mòʼn tsùghûu shwaʼ u Mughu ̀u te Yɛso, ghəa ù fə̀ dzɛ̂ tsughu enyəa, ‘Bughuso e lo aŋ ghə̀a à fughuu nduw a ghûw ghə̀n tsə̀ghàsə ghəa à mgbɛɛ nɛlɛ a kəghū ghən.’ ”

1 Kòlentìan 12:13

À fə̀ lo sugho Zuʼ tə̀ Zɔlɔ tə̀ mɔʼɔ tən to ghe fə̀ fughu sɛ̀ â mùghù ŋ Kə̀zə̀ mò a te — ŋkāa à lǒ Tə̀dzûu ŋkāa à lò Etoʼò, ukɔ̂ ŋkāa ghî ghəla ghe ndzə̂əm mughu — Zə̀ chia kə dzə̂n wô Zuʼ tə̀ Zɔlɔ tə mɔʼɔ tə to am fə̀ŋ tə sɛ̀.

2 Pità 3:1

Fən a fə̂ŋ ghaŋa gho, kən êzəŋ e ghəəŋ tsughu mwàʼsò waŋa u bʉ̀ghà Ǹ tɔɔ wo â ghɛ̀. Am mwàʼsò wən ù bʉ̀ghà, mùghò n də̀m alezòom kɔʼ moʼnlò è dzûŋ zò am fə̀ŋ tɛʼɛ aŋghəa M̀ zə̂əŋ wô ghɛ̀ aŋ ghəa ghən.