Bìoball air-loidhne

Kə̀fwàʼ 10:43 - To kə Kəzə̀ kə̀ Fughu ko

⁴³ Ghiīshʉ̀ghà ghə̀n à dzə̀m fə̀ fɛ kâa ko wə̄n enyəa ghùw wəla ù boō fughu tsughu dzə̄ â wə̄n, ghe n ghuuw màʼà bòo tə wə̄n bòʼ Wə̄n.”

Faic an caibideil Dèan lethbhreac

dol air ais ⬆

Kə̀fwàʼ 10:43
35 Iomraidhean Croise

Mâk 16:16

Ghùw wəla u boō fughu tsughu a te, ghe yia fughu tsughu wə̄n â mùghù ŋ Kə̀zə̀ mò, ù lo zə kətuw; wəla ù dòʼŋkè kuūwn boo fughu, ghe lo dzûuw maʼà tsughu wə̄n.

Faic an caibideil

Lûk 24:47

Àsùghò enyəa, ghe kê kì alenaʼn nduūŋ nduw an zən e wə̄n, â nàʼà tə̀n tə̀ dzə̀m alenìi nughù tsughu an Yɛ̀lusalɛ̀m, enyəa ghî à tiī kuwnlo am bòo tə ghee, tò Zə̀ kə̀ ghuūw maʼà bòo tə̀ ghee.

Faic an caibideil

Dzɔ̌n 1:45

Felêp n ndùw kòʼ ndùw Natanìɛl, dzɛ̀ â wə̄n enyəa, “Ghàʼ ŋ kə̀ŋ kôʼ ghùw wəla Musî fə̀ tɔm naŋā kùʼù ndùw wə̄n am mwàʼsò kə kəlàŋ asùgho aŋghəa ghiīshʉ̀ghà a Kəzə̀ a fə̀ tɔm naŋā. À lò Yɛso, wɛ ù Dzùghùsî, tɔɔŋ ghùw Nazalɛ̀t.”

Faic an caibideil

Dzɔ̌n 20:31

ghe ghəa ghən fɛ kuuwn tɔm naŋa aleghəə̄ŋ tsughu enyəa ghɛ̀ boo fughu enyəa Yɛso lǒ Kə̀lestò, Wɛ u Kə̀zə̀, àsùghò enyəa, am boo zɛʼɛ̄ to ghɛ̀ mo kele mughù zò an zən e wə̄n.

Faic an caibideil

Dzɔ̌n 5:24

Kùmkùm, aŋghəa Ǹ dzâa wô fɛ â ghɛ̀, ghùw wəla ù zuw shwaʼ waŋa wo, boo fùghù ndùw â wə̄n wəla ù mò tum wô mugho lo kele nù mughù è doʼn təla zo, ghe kê dzùuw màʼn yǒ wə̄n; tɔŋlo enyəa ù n nùghù sə̀ wò alo evʉ̄, dòʼò wò â tuw ko.

Faic an caibideil

Kə̀fwàʼ 15:9

Ù n sùw màʼà sùghò bòo tə ghee bòʼ ghe gaʼ tsughu fə̀ŋ aŋ Kə̀lestò. Ù bàa yò kpiī wo sɛ̀ à ghê Tòʼò zò.

Faic an caibideil

Kə̀fwàʼ 2:38

Pità n dzɛ̀ â ghee enyəa, “Ti màʼa nlò bo zo, ghɛ̀ ni kɔʼ mùghù ŋ Kə̀zə̀ mò an zən e Yɛso Kə̀lestò, to ghe ghuūwmāʼà bòo tɛʼɛ; ghɛ̀ lo bɔŋ kele sugho Zùʼ tə̀ Zɔlɔ to.

Faic an caibideil

Kə̀fwàʼ 26:18

Ghù kì aletsʉ̄ sə a ghee, ghù ni nughu sə wo ghee alo kələ̄m, ghù naŋa sə wo an tsə̂, ghù ni nughu tsughu sugho ghee aŋ ghu kə Satàn, ghù ni wo ghee a vʉ̀a Zə̀ kò, to abugho ghe lo gaʼ tsughu fə̂ŋ tò a zəŋò mùghò, a lo ghuūw māʼà kɔʼ bôo tə ghee, ghe nîi kɔʼ bala e ghee am bvʉa e ghì ghə̀là Zə̀ kə̀ shîaa kɔʼ.’ ”

Faic an caibideil

Kə̀fwàʼ 26:22

Alebùghò sə nɛ, M̀ mughu mò à mùghò yosò Kə̀zə̀, zən lò e ghee Ǹ ti fɛ, tesô dzàa wò ghəa ghən â ghì ghə̀n à dzə̀m, ghî a ulwə̄n àsùghò ghì à səŋò ghò. Ŋ̀ kə̂aa dzə̀ yò ghəa è fughu è li zo, M̀ bɔɔm kə̀aa kô fəgha kəla ghiīshʉ̀ghà a Kəzə̀ a fə̀ dzɛ̂ naŋā ghèe ghê Musî enyəa kə kê bùghò sə̌aa nù.

Faic an caibideil

Kə̀fwàʼ 3:16

Ghùw wəla ghɛ̀ koʼò wô fɛ, wəla ghɛ̀ mgbaŋ kwo sugho, à fɛ ghəəŋ tsughu boo zəla ù ki an Yɛso vʉ̀a ù tughu dòʼò wo. À lo zən e Yɛso zən, à boo zəla e lo aŋ wə̄n e ghəŋlo vʉ̀a ù tughuu dzɔɔ̄ aŋghəa ghɛ̀ koʼò wô fɛ.

Faic an caibideil

Kə̀fwàʼ 3:18

À lò enyəa fəgha kela ghiīshʉ̀ghà a fə̀ naʼnlo enyəa à fə̀ naʼa naŋa Kəzə̀, enyəa Wɛ̀ ù wən ù tsùʼu kê fǎan nù, ù maā lâŋ kə te ko êzəŋ lueso.

Faic an caibideil

Lumà 10:11

Mwàʼsò kə Kəzə̀ kə̀ dzɛ̂ enyəa, “Ghùw wəla ù boō fughu â Zə̀ kò, fəgha kə̀ li kə kê ghə̂əŋ kòʼ yò enyəa ù kelê tuw kə̀ dəla ko.”

Faic an caibideil

Lumà 3:21

Ezə̄ŋ, Zə̀ kə̀ n dzì è wən zəla ù naāŋ ghî gho a te tsəghatsəgha a vʉa wə̄n dê fughu wò, mò à yò dzə aŋghəa lâŋ kə̀ deē, aŋghəa e bûʼ lo ko enyəa lâŋ kə Musî àsùghò ghiīshʉ̀ghà a Kəzə̀ à teso dzâa ghəa a te gho.

Faic an caibideil

Lumà 5:1

Ghəa e lo êzə̀, Zə̀ kə̀ n nì sɛ̀ aŋ ghì a tsəghatsəgha gho bòʼ enyəa sɛ̀ gaʼ fə̀ŋ a zəŋò wə̄n, sɛ̀ à ghê Zə̀ chia kə lò sugho alo ebughunlo am bàm e Mughùbè ù sɛ̀ Yɛso Kə̀lestò.

Faic an caibideil

Lumà 6:23

Ghɛ̀ kele tsughu enyəa, namso kəla ghùw kele am bo zəla ù ghəə̄ŋ tsughu lò evʉ, Zə̀ chia kə kuuwn tsôo ndzə̂əm fughuu ko mughù è doʼn təla zo am bàm e Kə̀lestò Yɛso, Mughùbè ù sɛ̀.

Faic an caibideil

Lumà 8:1

Tò aŋghəa e lô êzəŋ, ghùw ù lì kôom bùʼ yò alebɛ mbɛ an tuw kə ghì ghən a dzə̀m ghe lô fəgha ko kə mɔ̀ʼ ghèe ghê Kə̀lestò Yɛso.

Faic an caibideil

Lumà 8:34

À lò ndugho ù lò aledzɛ̀ enyəa a m bvʉ̌ saʼ a? À lǒ mò à lǒ Kə̀lestò Yɛso wəlà ù mò kpuw dzə a, ŋkāa à lǒ wən wəla ghe mò zôm nughù kɔʼ alo evʉ a, vʉa u doʼ ezəŋ an kwe u Kəzə̀ u təma wo, dìi fughû dì e sɛ̀ à?

Faic an caibideil

Gàlashìan 3:22

Mwàʼsò kə Kəzə̀ kə̀ fwə̂n dzɛ̀ tsùghù enyəa aghî à dzə̀m am mbī lo ukɔ̀ â bo zo. E dêe enyəa, Zə̀ kə̀ lo fughuu kô namso kə̀là kə to naŋā â ghì ghəla ghe boō fughu â Yɛso Kə̀lestò.

Faic an caibideil

Efɛsùs 1:7

Tɔŋlo enyəa à fə̀ lo aŋ kàŋ tə Yɛso təla tə fə̀ tsughu tsughu alo kədàŋlo Zə̀ kə fə̀ zue sə wo sɛ̀ a te; mo e fi lo enyəa Zə̀ kə̀ mafə bôo tə sɛ̀ tə ghuuw màʼà bòʼ dzɔ̀ e wə̄n e ne zən,

Faic an caibideil

Kòloshìan 1:14

Wɛ ù wə̄n wəla ù ghuūw màʼà bôo tə sɛ̀ tò, zè zə̀ghàa sùghò sɛ̀ enyəa sɛ̀ e ndzəə̄m mughu.

Faic an caibideil

Hibùlù 13:20

Ŋ̀ gɔ̂ŋlò êzəŋ enyəa to Zə̀ kə ebughuun kəla kə mò kôom nî nughù wò Mughùbè Yɛso alo evʉ̄, wəla ù lǒ bàʼàtə̀ndzì ù ghàʼa — aŋghəa kə fə̀ nî kɔʼ kàŋ tə wə̄n to zə kɔʼ kàa məla n dòʼo tən a te,

Faic an caibideil

1 Pità 1:11

Ghe n də̀m tsughu alemòʼn kele səā kɔʼ nəgha e te zo àsùghò dzì zəla ghəa a te a lo səā a te. Zən fə̀ lo nəgha zəla Zuʼ tə Kə̀lestò təla tə lo a zəŋò ghee fə̀ dêe naāŋ nduw ghee â ghəa ghəla Kə̀lestò lo ki alefala a te àsùghò səghanyəgha məka ù kè lo a te.

Faic an caibideil

Edêe Fughu 19:10

Mùghò n daŋso tə̀m ndùw tə̀ŋguʼ a tsəlà wə̄n enyəa M̀ fughuu ndûw wən à kɔʼso mò, zə̀ m fwə̀n dzɛ̀ wò â mùghò enyəa, “Ghù kì dzə yo aleghəəŋ ghəa ghən gho! Ghàʼ à ghù dzeŋe lò ŋkɔ̂ɔ àsùghò waazə̂ ghəla boō fughu aŋghəa è səŋò zəla Yɛso mò dê tsughu. E kɔʼso nduw Zə̀ kò!” À lò səŋò zəla Yɛso mò dê tsughu e ghəŋlo enyəa ghiīshʉ̀ghà ghə̀ e dzâ ghəa gho.

Faic an caibideil

Lean sinn:

Ceanglaichean taic

Sanasan

Sanasan