Kə̀fwàʼ 10:40 - To kə Kəzə̀ kə̀ Fughu ko

⁴⁰ Zə̀ kə̀ ŋ kòom nì nùghù kɔ̌ʼ wə̄n an tsuʼ u kə̀təgha wo, zə̀ghàa tsùghù enyəa ù dèe wô ùghue.

Kə̀fwàʼ 10:40 Iomraidhean Croise

Dzɔ̌n 14:22

Dzudà (wəla à kuūwn yô dzə Eskalìot) m bvʉ â Yɛso enyəa, “Mughùbè, à kǔuwn lǒ bòʼ kwò ghù lo kaā dêe ko ghue wʉ̀a wò â ghàʼ tsə̀təndə̄ghā təgha a, mo mbī kuuwn yò a te?”

Kə̀fwàʼ 17:31

Ù fə̀ lâŋ kən fughu tsughu bòʼ Ù n naŋa tsuʼ fo ù kè saʼā mbī e dzə̀m a te mò à sàʼa ghùw wəla ù tsɔʼ kɔʼ enyəa ù bùghò saʼ mbī an sàʼ è zɔ̀lɔ. Ù ŋ ghəa e te e dê fùghù â ghì ghə̀n à dzə̀m, ghəa ù nì nughù kɔʼ wən alo evʉ̄!”

Kə̀fwàʼ 2:24

Zə̀ kə̀ ŋ kwuun zè zə̀ghàa tsùghu wə̄n am fàŋà kə evʉ̄, nì nùghù kɔ̌ʼ wə̄n alo evʉ̄, tɔŋlo enyəa vʉ e kaā kɔʼ kpè dzə̀ alenì wə̄n.

Kə̀fwàʼ 2:32

Zə̀ kə̀ maā Yɛso wən zôm nì nùghù kɔ̀ʼ, ghàʼ ghən à dzə̀m fɛ ti ko aŋ ghəa e te zo.

Lumà 1:4

Zə m bùghò dè tsughu enyəa ù lo Wɛ ù Kə̀zə̀ aŋghəa Zə̀ kə fə̀ zôm nughù kɔʼ wə̄n alo evʉ̄ an daʼa kə Zuʼ tə̀ Zɔlɔ to.

Lumà 14:9

Kə̀lestò fə̀ fɛ kpuw zoō kɔʼ bòʼ ghəa ghə̀ è yi enyəa, ù è lo Mughu ù te â ghì à kpuwn gho àsùghò ghəla ghe lô â tuw ko.

Lumà 8:11

Abugho e kuuwn lô enyəa Zuʼ tə Zə̀ kəla kə fə̀ zôm nughu kɔʼ Yɛso alo evʉ lo nû a zəŋo ghɛ̀, e fi lo enyəa wə̄n wəla u mò zôm nughù wo Kə̀lestò Yɛso alo evʉ lo ghəəŋ nù ghue zɛʼɛ zəla e kpuūw lo kôm kele èmùghù, bòʼ Zuʼ tə Kə̀zə̀ təla tə lo a zəŋò ghɛ̀.

2 Kòlentìan 4:14

Ghàʼ kwo enyəa Zə̀ kəla kə fə̀ nî nughù kɔʼ Mughùbè Yɛso alo evʉ̄ lo nìi nùghùun dzə̌əŋ kɔʼɔ ghàʼ à ghee, ù nìi wô sɛ̀ a dzə̀m an sə kə wə̄n.

Hibùlù 13:20

Ŋ̀ gɔ̂ŋlò êzəŋ enyəa to Zə̀ kə ebughuun kəla kə mò kôom nî nughù wò Mughùbè Yɛso alo evʉ̄, wəla ù lǒ bàʼàtə̀ndzì ù ghàʼa — aŋghəa kə fə̀ nî kɔʼ kàŋ tə wə̄n to zə kɔʼ kàa məla n dòʼo tən a te,

1 Pità 1:21

À lò am bàm e Kə̀lestò e ghəŋlo enyəa ghɛ̀ gaʼ fə̀ŋ a zəŋò Zə̀ kò; tɔ̂ɔŋ Zə̀ kəla kə fə̀ zôom nughu wo wə̄n alo evʉ, naŋa kɔʼ wə̄n alo nsəghanyəgha enyəa to boo zɛʼɛ àsùghò moʼn zɛʼɛ zə e lo a zəŋò Zə̀ kò.