Kə̀fwàʼ 10:4 - To kə Kəzə̀ kə̀ Fughu ko

⁴ Ù n lɛɛn ko tsə̀ndə̄ghā zə alo etsə̄ŋ alo etsə̄ŋ, nùghù bvʉ tsughu enyəa “À lǒ kwò à Mughùbè?” Tsə̀ndə̄ghā zə m bɛ̀lɛ̀ tsùghù enyəa, “Zə̀ kə̀ tsoʼn nù am fwàʼ kə̀a kə̀ dzûŋ kə̀là ghù fwàʼa, chia kə zuw sughò gɔ̂ɔŋ zə̀ghà zò.

Kə̀fwàʼ 10:4 Iomraidhean Croise

Matìo 26:13

M̀ fɛ kùu dzàa wò nù â ghɛ̀, abugho ghe naʼn ko làbəlà è dzùŋ zən am bà kə mbī kə̀ ghɛ ko, ghe m bùghò mɔ̀m ghəa ghə̀là ù ghəə̄ŋ tsughu fɛ, alezə̀əŋ tsughu zən e wə̄n.”

Lûk 1:29

Shwaʼ wən wə ŋge fəmso Mèle, kwə̀ən kə̀ ŋ kɔʼ wə̄n enyəa, zən sə̀ yia lo ŋgòʼ è etɔŋlo è ghɛ zo enyə à.

Lûk 24:5

Ghəa ghe ti fuʼū kum naŋā tsughu tuw wo a ghueetsə̄ am fə̀ŋ tə̀ tsəəŋ to, ghî yî m bvʉ â ghee enyəa, “À lǒ kwò ghɛ̀ sô dzə̂ən wô ghì a sə̀ à tughu gho am bvʉ e ghî a kpuuwn gho a?”

Kə̀fwàʼ 10:31

Ghùw vʉ mo enyəa, ‘Kɔ̀nelìus! Zə̀ kə̀ ŋ gɔ̀ɔŋ zə̀ghà è zuw, chia kə kòʼ sugho fughu kə̂a kò.

Kə̀fwàʼ 14:9

Ù n zə̂ən kô shwaʼ u Pôl, Pôl n tɔʼɔ̀ fwèe sùghò wə̄n, ghəa ù kòʼ tsughu enyəa ù m fə̀ŋ gaʼ aŋ Kə̀lestò vʉ̀ ù kpe to a e baŋlo wə̄n.

Kə̀fwàʼ 22:10

Mùghò n daŋso nùghù bvʉ tsughu enyəa, ‘Ŋ̀ ghəə̄ŋ ndûw êndughō a Mughùbè?’ Mughu ù te n dzɛ̀ â mùghò enyəa, ‘Nùghu kɔʼɔ̀ ghù nyə nduw an Dàmaskùs, ghe sô dzàa wò nù ghəa zəla Zə̀ kə̀ dzɛ̂ naŋā enyəa ghù ghəŋlo.’

Kə̀fwàʼ 3:4

Ghêe Pità n tɔ̀ʼ fwè wə̄n enyə, dzɛ̀ â wən enyəa, “Lɛɛn wò ghaʼ enyə.”

Fèlepìan 4:18

Mugho n namso kaŋa kə kele kpenlo, bùʼ tsə̀ghà èsə. Mùghò n zə kuw ko, am fʉgha wəla ghɛ mò tum wo â Èpàfə̀loditùs enyəa ù bùgho fughu à mùghò, ufʉgha mo ù lə̂əm dzɔ̀ɔ nù, mò Zə̀ kə̀ boom nù, ghue u wə̄n vʉa u ghɛ̂ɛn sugho alekòʼ.

Fèlepìan 4:6

Kà è ŋgee sə̂a â sə gho alo ufʉgha, e kuuwn bvʉa nduw ko fəgha kə̀là ghù ləghaa an ghua Zə̀kò alo egɔ̀ŋlò fughuu ndùw sùghò kəzɔ̀ŋlò.

Hibùlù 13:16

E kwo ghɛ̀ ke bughuu doʼò kôʼ aleghəəŋ dzɔ̂ zò àsùghò aleteen dzəəŋ fʉgha wo, tɔŋlo enyəa fə̀ŋ è Kə̀zə̀ zɔ̀lɔ nù aŋ ŋgòʼ è ufughu vʉ̀.

Hibùlù 6:10

Zə̀ kə̀ lo tsəghatsəgha, kə yo dzə̂ alenìizə̂ fwàʼ kə̀la ghɛ̀ mò fwaʼ ŋkāa ləgha zəla ghɛ̀ mò de tsughu â wə̄n tɔɔŋ Kəzə̀ an yoso zəla ghɛ̀ mò fughu â ghì a Kəzə̀ à li gho, ghɛ̀ yia naam fughuu ko êzəŋ.

Edêe Fughu 8:4

Gɔ̂ŋlò e ghì à Kəzə̀ àsùghò nyoʼ kə enyěe kəla kə mò səā kɔʼɔ̄ aŋ ghu kə tsə̀ndə̄ghā zə̀ e mò ti a vʉ̀a tsaʼ ke etsɛ̀ ko n dzeŋe kɔʼɔ ndùw â Zə̀ kò.