Kə̀fwàʼ 10:34 - To kə Kəzə̀ kə̀ Fughu ko

³⁴ Pità fi kaʼ tsughu nû ghəa à kəaa gho. Ù n nì tsùghù enyəa, “Kùmkùm mùghò ŋ kòʼ enyəa Zə̀ kə̀ bâa yò kpiī wo,

Kə̀fwàʼ 10:34 Iomraidhean Croise

Matìo 22:16

Ghe n tùm ndùw tsə̀təndə̄ghā tə ghee ghèe ghê ghì a Hɛlɔ̀d à li gho a vʉ̀a Yɛso; ghî a tum yi ghə n ndùw dzɛ̀ â wə̄n enyəa, “Wàdè, ghàʼ kûm kwò nû enyəa, ghù lǒ ghùw wə̀ èsəŋò, ghù vʉ̀a ghù kùu zoʼn sugho ghî ghò â səŋò zò aŋ ghəa a Kəzə̀. Ghù bùʼù nǎaŋ yo tuūŋ ko aŋ ghəa ghəla ghî à moʼò an tsʉ̀ zəla ghùw fughuu â ghì ghò, ghù vʉ̀a ghù naāŋ sughò yô sə zo am fəgha kəla ghùw lǒ ghè kò.

Matìo 5:2

Ù ŋ kàʼ ndùw ghee alezoʼnlo enyəa,

Lûk 20:21

Ghe m bvʉ̄ fì â wə̄n enyəa, “Wàdè, ghàʼ ŋ kùum kòʼ enyəa ghù kə̀aa èsəŋò, ghù vʉ̀a ghù tsʉ̀a dzɔ̂ɔ sughò ghî ghò, bàa yò kpiī wo, ghù lǎam bɔɔm zoʼnlo àghì an dzə̂ è Kə̀zə̀.

Kə̀fwàʼ 10:33

Mùghò n daŋso tum tsughu ghùw enyəa ghe mbaā bughò tɔŋɔ̄ fughu ghû, ghù vʉ̀a ù tso ŋge dzɔ̂ sugho, è bugho. Ghàʼ fɛ êzəŋ lo nû, an sə kə Zə̀, alezəə̄n mɛʼɛ̀ ghəa ghə̀n à dzə̀m Mughubè ù te dzɛ̂ enyəa ghù kəaa wo.”

Kə̀fwàʼ 15:9

Ù n sùw màʼà sùghò bòo tə ghee bòʼ ghe gaʼ tsughu fə̀ŋ aŋ Kə̀lestò. Ù bàa yò kpiī wo sɛ̀ à ghê Tòʼò zò.

Kə̀fwàʼ 8:35

Felêp fi kaʼ tsughu nû ghəa à kəaa gho; nì nùghù tsùghù an də̀ŋò kə̀là ghùw vʉ mò tɔŋlo, dzɛ̀ kɔ̀ʼ ndùw tùm è Yɛso è dzùŋ zə̀.

Lumà 2:11

Nu Zə̀ kə̀ bâa yo kpii wo.

Lumà 3:29

Alenìi tsughu, à lo mò Zə̀ kə̂ ka lò ko kə Tə̀dzûu kò, chia kə kuūwn buw kə Ghì ghəla ghe yô Dzûu tò à? Ɛ̂ŋgaŋ dzə̂, kə ka yò ko kə Tə̀dzûu tò, kə lo sugho Zə̀ kə ghì ghəla ghe yò Dzûu tò.

Gàlashìan 2:6

Ghî ghəla ghe fə̀ dzɛ enyəa ghe lo tətsoʼ a fughu an dzeŋe ke te ko — kaa ghe fə̀ lo kwò kə ghee ko, e mò moʼo yo ghə̂a è li zo â mùghò; tɔŋlo enyəa Zə̀ kə̌ ghùw lɛ̌ɛn dzə̀ yò aŋ kòʼ e wə̄n. Ghî ghən fə̀ ki dzə yo ghəa è li zo tò kəsànlo ghe lo alefughuu wô â mùghò.

Efɛsùs 6:9

 ghɛ̀ a ghê mughu a ukɔ̀ wò, e ghəəŋ nduw sugho nlò ghəa è mɔʼɔ zo a zəŋò kɔ̀ wɛʼɛ wo, ka nlǒ ghee e tsəŋso sugho, ghɛ̀ è kwo sugho enyəa ghɛ̀ à ghê kɔ̀ wɛʼɛ u dzeŋe ki ko Mughùbè u mɔ̀ʼ alo kə̀walā, mò ù bàa yò kpìī wo.

Kòloshìan 3:11

Am mùghù è fughu zən, nəŋōnəŋ è lì kôom yò a zəŋò Toʼò zò ghèe ghê Dzûu tò, ŋkāa ghî ghəla ghe sugho twigh u ghee wo ŋkāa ghe tâʼkè sugho, ŋkāa ghî ghəla ghe lô nyôm tò ŋkàʼ tò, ukɔ̂ ŋkāa ghî ghəla ghe ndzə̂m mughu. Ghəa è səŋò zò aŋ ghəa ghən kuuwn lò ko enyəa, à mìaa ko Kə̀lestò alo aghəa a dzə̀m, Kə̀lestò wəla ù lò a zəŋò ghì ghò a dzə̀m.

Kòloshìan 3:25

Abugho ghùw wɛʼɛ ghəə̄ŋ dzə̂ bo zo, Zə̀ kə̀ lo fɔeso nǔ wə̄n, tɔŋlo enyəa Zə̀ kə̀ kuuwn bàa yò kpiī wo an sàʼ e wə̄n.

Dzɛ̂ms 2:1

Waazə̂ ghaŋa gho, kà nlò kpiī wo e baā aŋghəa ghɛ̀ lo mò ghɛ̀ m boo fughu â Yɛso Kə̀lestò, Mughu ù te wəla ù ki səghanyəgha mò.

Dzɛ̂ms 2:4

Ghɛ̀ fi mgbaŋa bàa ù kpiī aŋ ghəa yì êzə̀ aŋ ghùe zɛʼɛ̄ à, ghɛ̀ yia a lô sughò ghî ghəla ghe saʼā sàʼ to mo ghe ki mòʼnlò è biigh zo.

Dzɛ̂ms 2:9

Abugho ghɛ̀ kuūwn dêe alo kəsì, ghɛ̌ fi ghəŋlo èbo nù, ghe ŋ ghɛ̀ taŋ enyəa ghɛ̀ n làŋ kə̀ zaʼ;

1 Pità 1:17

Ghɛ̀ tɔɔŋ tsughu wə̄n enyəa, “Tsele waʼa,” abugho ghɛ̀ gɔ̂ŋlo â Zə̀ kəla kə saʼa ghî ghò mo kə bɔɔ yo sʉ wo am fəgha kəla chìa lo mò ù ŋ ghəŋlo, e fi lo enyəa ghɛ̀ ki aleki tsəŋ e Kəzè zò aŋ nə̀gha zəla ghɛ̀ naām ki fɛ am mbī.