Kə̀fwàʼ 10:23 - To kə Kəzə̀ kə̀ Fughu ko

²³ Pità fi tɔŋɔ nyə wò nǔ ghee, dè ndùw ghee â luʼū kə̀ bwii ko. Tsuʼ ù li vʉ̀ ù n nùghù nùghù ndùw ghèe ghee, waazə̂ à li ghəla ghe boō fughu sugho â Kə̀lestò an naʼ e Dzopà n nùghù ndùw ghèe ghee.

Kə̀fwàʼ 10:23 Iomraidhean Croise

Kə̀fwàʼ 1:15

An tsùʼu n te mò ko, ghəa ghe zûuŋ wô tsuʼ ù li wo (ghe fə̀ dzeŋe lo bɔm fə aghì à ghì ghò ghuūghûw), Pità n nùghù těe è kɔʼ, dzɛ̀ tsùghù enyəa,

Kə̀fwàʼ 10:29

Zən lò e ghee aŋ ghəa ghe mò tum tɔŋɔ̄ wô mugho, mùghò n daŋso sə̀ tɛ̀ wò ko nù, kè sə̂mlò. Êzə̄ŋ, Ǹ lo nû alekpaʼā bvʉā tsughu ghəa zəla ghɛ̀ tɔŋɔ̄ mugho fɛ à tè à?”

Kə̀fwàʼ 10:33

Mùghò n daŋso tum tsughu ghùw enyəa ghe mbaā bughò tɔŋɔ̄ fughu ghû, ghù vʉ̀a ù tso ŋge dzɔ̂ sugho, è bugho. Ghàʼ fɛ êzəŋ lo nû, an sə kə Zə̀, alezəə̄n mɛʼɛ̀ ghəa ghə̀n à dzə̀m Mughubè ù te dzɛ̂ enyəa ghù kəaa wo.”

Kə̀fwàʼ 10:45

Dzûu təla ghe mò boō fughu tsughu, nùghù wò a bǎà ghê Pità, dzughu zə n zuu ghee, bòʼ ghe mò kwən fughu dāŋso sugho Etoʼò â namso kə Zuʼ tə̀ Zɔlɔ to;

Kə̀fwàʼ 11:12

Zuʼ tə̀ Zɔlɔ tə n dzɛ̀ â mùghò enyəa Ǹ nughù ndûw ghàʼ à ghee mò Ŋ̀ kâ sə̀mlò. Ghàʼ à ghê waazə̂ ghaŋa à nûu à li ghən tǔu ghe mò lo mo ghe m boo fughu, ghe nughùu wo an Dzopà, ghàʼ à ghee n təəm ndùw sùghò èghue à dzə̀m an Kàesalìa, a n ndùw nyə̀ ndùw an ndughu alô Kònelìus.

Kə̀fwàʼ 28:15

Waakəzə̀ yi fughu n zuw tsughu zwɔ̂ŋ waʼa, lɔʼso bùghò tɛ̀ mìa wò to am Bekewə̄n kə Apìus àsùghò luʼ kə bəŋo bwii ko ghe fə̀ tɔŋlo enyəa à lò Atsə à Təgha alebùghò kôʼ ghàʼ. A m bùghò Pôl kòʼ tsughu ghee, ù m fughu zɔ̀ɔŋ kə Kəzə̀, fə̀ŋ n daŋso nyə tsughu wə̄n.

Kə̀fwàʼ 9:36

Tsə̀ndə̄ghā è lǐ n lo an Dzopà ghe mò tɔŋlo enyəa à lǒ Tàbità, mo e moʼò an shwaʼ u Gə̀lês enyəa Dolkàs (tsəfəŋgwū). Nughò vʉ n lo mò ù ŋge gaʼ fə̀ŋ aleghəəŋ ko ghəa à dzûŋ ghò, ù ŋ ki sugho ù m bughuu sùghò â ghu ko.

Kə̀fwàʼ 9:38

Ghəa naʼ e Ledà e mò lo mo e kuʼù dòʼò tsughu ko enyə ghèe naʼ e Dzopà zò, tsə̀təndə̄ghā tə n dzə̀ kɔ̀ʼ aghî a bə̀ghà, tùm è tsughu, ghəa ghe zuw tsughu enyəa Pità lǒ fughu, buʼu ndùw kə̀ghu â wən enyəa, “Kee â ghù, mba bùghò, kà boo gha kə sə.”

Kə̀fwàʼ 9:42

Ghî ghə̀ enaʼ a Dzopà e dzə̀m n zuw tsughu ghəa yì kpe, ndə̀m è ghee m boo fughu tsughu â Mughu ù te;

2 Kòlentìan 8:21

nu ghàʼ kaa ləghaa ko yo aleghə̂əŋ ghəa ghəla a lô tsəghatsəgha an kə Mughu ù te, ghàʼ ləghaa sùghò nù aleghəəŋ ghəa a te gho an sə kə aghì.

Hibùlù 13:2

Waazə̂ ghò, e kpeeniī kɔʼɔ nlò ghî ghila ghe bwîin wo alo ghɛ̀, ghî à li mafə êzə ghəŋlo ndùw kpènì kɔ̌ʼ tsə̀təndə̄ghā tə Kəzə̀ mo ghe kwo yo.

1 Pità 4:9

Kà nlò e səmlo alenaŋâ ndughu tɛʼɛ̄ tughoo â ghì ghəla ghe bùghò a vʉ̀a ghɛ̀.