Kə̀fwàʼ 10:22 - To kə Kəzə̀ kə̀ Fughu ko

²² Ghe m bɛ̀lɛ̀ tsùghù enyəa, “Komndzughu ù tə̀ sùghugòʼ Kɔ̀nelìus tùw wò ghàʼ, u lǒ ghùw ù dzùŋ, vʉ̀a ù boō fughu sugho â Zə̀ kò, Dzûu tia tə fughuu sugho wə̄n â kɔʼso mò. Tsə̀ndə̄ghā è Kə̀zə̀ mò teso tsughu â wən enyəa ù tuū tɔŋɔ wô ghù enyəa ghù bugho alô wə̄n, e zuw ghəa ghə̀là ghù ki alekə̀a.”

Kə̀fwàʼ 10:22 Iomraidhean Croise

Matìo 1:19

Ghəa nùm ù wə̄n, Dzùghùsî, màʼa fə̀ lo mò ù kì tsəgha mwām ù dzûŋ wò, ù n ləghaa sùghò yò aleniī fə̂m Mèle; ù ŋ ki am fə̂ŋ enyəa e nyɛʼɛ̄ zəghàa wə̄n ləmkə̀ləm.

Matìo 2:12

Ghe mo e nughùnlò èbàm, ghe n sə wā tsughu dzì è nùghù, Zə̀ kə màʼa fə̀ kʉ̂ɛɛn tsughu ghee an dzǒo enyəa, e kwo ghe lô dɔ̂m luʼū alekòom ndûw èbàm alô Hɛlɔ̀d.

Mâk 6:20

Hɛlɔ̀d màʼa fə̀ tsəŋō tsəgha Dzɔ̌n, ù sò kwo enyəa à lǒ ghûw ù tsəghatsəgha, zɔlɔ sùghò. Ù m baʼà mbàŋ an tuw kə wə̄n. Hɛlɔ̀d mò zuūw tsughuu shwaʼ u Dzɔ̌n wo, ghue wə m kpuw tsughu wə̄n enyə; ù n naam ləghaa ko alezə̂ən shwaʼ u wə̄n u te wo.

Mâk 8:38

Ghî ghəla ghe də̂nsò tuw ko aŋ ghəa zaŋa àsùghò aŋ tsʉ̀ zaŋā am mwěe e nɛ zəla e tsəŋo yò Zə̀ kò, ghəəŋ tsughuu sùghò ghəa à biigh gho enyə, Wɛ̀ ù Ghùw kè bɔ̌ɔm də̀nsò sùghò kə̀tuw êzə̀ a zəŋò ghee abugho ù kè bugho ebàm am Nsəghanyəgha n Tsele ghèe ghê tum tə Kə̀zə̀ tə̀ zɔlɔ to.”

Lûk 2:25

Êzə̄ŋ, noo kə ghûw kə li kə n lo tsəgha an Yɛ̀lusalɛ̀m, ghe fə̀ tɔɔ̄ŋ wə̄n enyəa à lò Simìon. Ghùw wən n lo ghûw ù tsəghatsəgha, boo fùghù sùghò â Zə̀ kò. Ù n ləəm tsə̀ghà tsuʼ fəla Zə̀ kə̀ bəghaasəa Ezə̀lɛ̂ a te. Zuʼ tə̀ Zɔlɔ tə n lo tsəgha ghèe wə̄n.

Lûk 23:50

Ghùw kaŋsì ù lì n lo sugho fughu ghe fə̀ tɔŋlo enyəa à lǒ Dzùghùsî, mò ù sə̀ wò an Àlìmatìa an naʼ e Tə̀dzûu. À fə̀ lo ghûw ù dzùŋ, lò sugho tsəghatsəgha.

Lûk 9:26

Ghùw wəla ù də̀nsò tuw ko aŋ ghəa zaŋā, àsùghò an shwaʼ waŋā, Wɛ ù Ghùw kè də̀nsò sùghò kə̀tuw a zəŋò wə̄n, abugho kè bugho am fɔ̀e u wə̄n, àsùghò am fɔ̀e u Tsele, àsùghò u tsə̀təndə̄ghā tə Kəzə̀ tə̀ zɔlɔ to.

Dzɔ̌n 13:20

M̀ fɛ kùum dzàa wò nù â ghɛ̀, Ghùw wəla ù nì naŋā ghùw wəla Ǹ tum wo fi nî nàŋa sùghò mùghò; àsùghò enyəa ghùw wəla ù nì naŋā mugho fi nî nàŋa sùghò wə̄n wəla ù tum wô mugho.”

Dzɔ̌n 17:20

Ŋ̀ kaa gɔ̀ɔŋ ko yo an tuw u aghì ghən gho, Ŋ̀ gɔ̂ɔŋ sùghò an tuw ù ghì ghəla ghe lo zuūw nîi shwaʼ waŋa wəla tsə̀təndə̄ghā taŋā tə dzâa nduw â ghee, ghe boō fughu wô â mùghò.

Dzɔ̌n 17:8

Tɔŋlo enyəa M̀ maā naʼà tum zəghà zəla ghù mò tum enyəa Ǹ naʼà â ghee, ghe mô è zuw, boo è fughu. Ghe yia kele tsughu sugho səŋò zò enyəa Ŋ̀ kûm nùghù wò a vʉ̀a ghù, àsùghò enyəa à lò ghû, ghù kùm tum wô mugho.

Dzɔ̌n 5:24

Kùmkùm, aŋghəa Ǹ dzâa wô fɛ â ghɛ̀, ghùw wəla ù zuw shwaʼ waŋa wo, boo fùghù ndùw â wə̄n wəla ù mò tum wô mugho lo kele nù mughù è doʼn təla zo, ghe kê dzùuw màʼn yǒ wə̄n; tɔŋlo enyəa ù n nùghù sə̀ wò alo evʉ̄, dòʼò wò â tuw ko.

Dzɔ̌n 6:63

À lò Zuʼ tə Kəzə̀ tə fughuu ghùw â mùghù zò, gwən e ughùe ki yo ghəa è li zo aleghəŋlo. Shwaʼ wəla Ǹ tsɔ̂ɔn tsughu fɛ â ghɛ̀ lò Zuʼ tə Kəzə̀ təla tə fughuu ghɛ â mùghù zò.

Dzɔ̌n 6:68

Sàemòn, tɔɔŋ Pità m bɛ̀lɛ̀ tsùghu wə̄n enyəa, “Mughubè, ghàʼ lo alekòom ndûw a vʉ̀a ndùghò à? Shwaʼ wʉ̀a ù ki mughù zəla e doʼò tən.

Kə̀fwàʼ 10:2

À mò lo ghùw ù gaʼ fə̀ŋ aŋ ghəa e Kə̀zə̀, ghèe ghê kèndughu kə wə̄n ko kə dzə̀m m fughuu ŋkɔʼso â Zə̀ kò; ù m mwaʼà, fughuu àghì â yòsò zò, gɔ̀ɔŋ zěe sùghò â Zə̀ kò.

Kə̀fwàʼ 10:21

Pità fi sə tsùghù kòʼ ndùw nù ghî yì gho, dzɛ̀ â ghee enyəa, “Ǹ lo ghùw wəla ghɛ̀ kəŋo ma; à ghɛ̀ fɛ nì wò kwò à?”

Kə̀fwàʼ 10:30

Kɔ̀nelìus m fùghù ndùw fə̀n kə edzughu â wən enyəa, “A fə̌əgh ù lǐ ù vʉ̂, an nə̀gha zən sùghò ènyə, mùghò ŋ gɔ̂ŋlò an nə̀ghà tə ezūuw tə təgha â tsə̀ alô mùghò an ndughu, mùghò me kôʼ ghùw sə̀ tì an sə kaŋā an ndzʉ̄ tə̀ nyəghaan to.

Kə̀fwàʼ 10:33

Mùghò n daŋso tum tsughu ghùw enyəa ghe mbaā bughò tɔŋɔ̄ fughu ghû, ghù vʉ̀a ù tso ŋge dzɔ̂ sugho, è bugho. Ghàʼ fɛ êzəŋ lo nû, an sə kə Zə̀, alezəə̄n mɛʼɛ̀ ghəa ghə̀n à dzə̀m Mughubè ù te dzɛ̂ enyəa ghù kəaa wo.”

Kə̀fwàʼ 10:6

Ù mò nduw nyə alô Sǎemòn, ghùw ù lì ù fwàʼà aŋ gùw tə nyòm, ndùghù è wən ti a ŋgùŋ è dzùghùntsòʼ.”

Kə̀fwàʼ 11:14

ù bùghò kə̂aa wô ghù â shwaʼ ù li wo, ghù kè zəa tuw ko a te ghɛ̀ à ghê ghì ghə̀a ghò a dzə̀m an ndughu.’

Kə̀fwàʼ 22:12

Ghùw ù lì n lo a fughu alo enaʼ ghe mò tɔŋlo enyəa à lǒ Ànànîas, ghùw ù Kəzə̀ ù lì ù bɔɔ̄m bwîi tsəghà ko alo kəlàŋ, mo Dzûu təla tə mughu fughu ŋgee tsə̄ŋō sùghò wə̄n.

Kə̀fwàʼ 24:15

chìi ndùw ko tùʼ alo Kəzə̀ to ghue e ughùe e ghee e chîi sugho, enyəa ghî a tsəghatsəgha ghèe ghê bəən tə aghì tə̀ lo kɔʼɔsə̄a nù alo evʉ ghee a dzə̀m.

Kə̀fwàʼ 6:3

Waazə̂ ghaŋa gho, ghɛ̀ tsɔʼ sə wò nlò ghî ghǒ sə̀ghàmbəgha am bvʉa zɛʼɛ, ghî ghəla ghɛ̀ kwo enyəa ghe tɔ̂ʼ tì nû, tɔ̀ʼɔ̀ tɔ̌ɔ sùghò, ki sugho Zuʼ tə Kəzə̀, a lô alenaŋā tsughu ghee am fwàʼ kən,

Lumà 1:17

Làbəlà è dzùŋ zən dêe fughuu wò dzì zəla Zə̀ kə̀ ghəŋlo a te enyəa ghùw è lo tsəghatsəgha a vʉ̀a wə̄n; mò a lò ko â ghì ghəla ghe tɔ̂ʼ boo fughu â wə̄n alendùw tâa ndûw. E fɛ nyoʼn lò aŋghəa ghe tɔm naŋā am mwàʼsò kə Kəzə̀ enyəa, “À lô tuw kə zəa ghùw wəla Zə̀ kə̀ ghəə̄ŋ tsughu enyəa ù è lo tsəghatsəgha a vʉ̀a wə̄n bòʼ fə̀ŋ zəla ghùw ù te gaʼ tsughu a zəŋo Zə̀ kò.”

2 Kòlentìan 5:18

Ghəa ghə̀n à dzə̀m à ghə̌əŋ Kə̀zə̀, Zə̀ kəla ù mò biān tsughu sɛ̀ à ghee am bàm e Kə̀lestò, fùghù tsùghù sùghò sɛ̀ â fwàʼ kò enyəa sɛ̀ è biaan ghî ghò ghèe ghê Zə̀ kò.

1 Timotì 3:7

Fwaʼ kə wə̄n kə ki alezɔlɔ an sə kə ghî a beē gho aŋ ghəa ù buw alebvʉ̀ an tə̀mà fə̀ Satàn, ù kelê tuw kə̀ dəla ko.

Hibùlù 10:38

Ghùw wəlà ù lò tsəghatsəgha lo mughùun nù aŋghəa ù gaʼ tsughu fə̀ŋ e wə̄n a zəŋò Zə kò, abugho ù kuuwn kôom ghɔ̂ɔn tsughu ebàm, fə̀ŋ zaŋa ŋ kôom dzɔ̀ɔ yò a zəŋò wən.”

Hibùlù 11:2

À fə̀ lo bòʼ ghî à wii a fə̀ boo fughu tsughu â Zə̀ kò e fə̀ ghəŋlo enyəa Zə̀ kə̀ dêe ndûw â ghe enyəa e duʼn nǔ ghèe ghee.

Hibùlù 12:23

Ghɛ̌ yia bugho an dzeŋe kə ghì ghəla ghe lo tò wɛ a Kəzə̀ a sʉ̀esʉ gho, ghî ghəla ghe lo alo eduʼnlo, ghəla ghe tɔm naŋa zən a ghee go alo kəwalā. Ghɛ̀ yia bùghò a vʉ̀a Zə̀ kəla kə saʼā ghî ghò a dzə̀m. Ghɛ̌ yia bugho a vʉ̀a ghì ghəla Zə̀ kə̀ ghəŋlo enyəa ghe kpeē tsughu ghî ghəla kə ləghaa enyəa ghe e lo ghè ghò.

2 Pità 3:2

Ǹ ləghaa enyəa ghɛ̀ e moʼn tsughuu shwaʼ wəla ghiīshʉ̀ghà à zɔlɔ a fə̀ dzɛ̂ naŋā â wìiwì, àsùghò alezə̀əŋ wô ghɛ̀ an lwàŋ u Mughu ù te, tɔɔŋ Bəghambī, wəla tum tə̀ zɔlɔ tə fə̀ dzɛ̂ naŋā zîi wo â ghɛ̀.

3 Dzɔ̌n 1:12

Aghî a dzə̀m kɛ̌ɛ Dɛ̀mitiùs, səŋò e sô tsoō dêe sugho ghue wo a zəŋò wə̄n, ghəa a te yia a dêe enyəa ù lo ghùw ù dzùŋ. Ghuūghùe zaʼa zəa e dzâa wô sugho enyəa ù lo ghùw ù dzùŋ. Ghù vʉ̀a ghù ndòʼ kwo sugho enyəa abugho ghàʼ dzɛ̂ wô ghəa zo, e fi lo êsəŋò.

Edêe Fughu 14:10

ù lo muʼu mʉa sùghò nù nʉ̀ghà u Kəzə̀ ù pfʉa wo, mo ghe tsom dzə̀n tsughu aŋ wùa è Kə̀zə̀ è nʉ̀ghà ù pfʉa wo mo ghe kâ nyɔ̀mlò, ghe fɔeso tsughu wə̄n am fɛ̀ɛn kə uwə̀n mo zuʼ kə̀ biigh kə̀ li səa wò fùghù èzə̀ an chia tə ŋwə̀n təla ghe tɔŋlo enyəa à lò sulfò, an sə kə tsə̀təndə̄ghā tə̀ zɔlɔ tì àsùghò an sə kə Tsʉ u Ndzì u te wo.