Kə̀fwàʼ 10:2 - To kə Kəzə̀ kə̀ Fughu ko

² À mò lo ghùw ù gaʼ fə̀ŋ aŋ ghəa e Kə̀zə̀, ghèe ghê kèndughu kə wə̄n ko kə dzə̀m m fughuu ŋkɔʼso â Zə̀ kò; ù m mwaʼà, fughuu àghì â yòsò zò, gɔ̀ɔŋ zěe sùghò â Zə̀ kò.

Kə̀fwàʼ 10:2 Iomraidhean Croise

Matìo 25:17

Wəlà ù fə̀ ni mbə̀ghà m bə̀ghà m bɔɔm fwàʼ sùghò ghəa è mɔ̀ʼɔ̄ zo, kele kpeʼe kɔ̀ʼ sùghò m bə̀ghà.

Lûk 18:1

Yɛso n daŋso kwə̀ən kə̀a tsughu aghəa â tsə̀təndə̄ghā tə wə̄n to enyəa ghe lô bughū kômlo alegɔɔ̄ŋ tsəgha.

Lûk 2:25

Êzə̄ŋ, noo kə ghûw kə li kə n lo tsəgha an Yɛ̀lusalɛ̀m, ghe fə̀ tɔɔ̄ŋ wə̄n enyəa à lò Simìon. Ghùw wən n lo ghûw ù tsəghatsəgha, boo fùghù sùghò â Zə̀ kò. Ù n ləəm tsə̀ghà tsuʼ fəla Zə̀ kə̀ bəghaasəa Ezə̀lɛ̂ a te. Zuʼ tə̀ Zɔlɔ tə n lo tsəgha ghèe wə̄n.

Kə̀fwàʼ 10:22

Ghe m bɛ̀lɛ̀ tsùghù enyəa, “Komndzughu ù tə̀ sùghugòʼ Kɔ̀nelìus tùw wò ghàʼ, u lǒ ghùw ù dzùŋ, vʉ̀a ù boō fughu sugho â Zə̀ kò, Dzûu tia tə fughuu sugho wə̄n â kɔʼso mò. Tsə̀ndə̄ghā è Kə̀zə̀ mò teso tsughu â wən enyəa ù tuū tɔŋɔ wô ghù enyəa ghù bugho alô wə̄n, e zuw ghəa ghə̀là ghù ki alekə̀a.”

Kə̀fwàʼ 10:31

Ghùw vʉ mo enyəa, ‘Kɔ̀nelìus! Zə̀ kə̀ ŋ gɔ̀ɔŋ zə̀ghà è zuw, chia kə kòʼ sugho fughu kə̂a kò.

Kə̀fwàʼ 10:35

abugho à tso lô ko ndugho, an nàʼà mə̀n ndzə̀mdzə̀m, ù tsəŋ tsughu wə̄n, ghəəŋ ndùw ghəa ghəla a lô tsəghatsəgha, ù n nì nàŋa wə̄n.

Kə̀fwàʼ 10:4

Ù n lɛɛn ko tsə̀ndə̄ghā zə alo etsə̄ŋ alo etsə̄ŋ, nùghù bvʉ tsughu enyəa “À lǒ kwò à Mughùbè?” Tsə̀ndə̄ghā zə m bɛ̀lɛ̀ tsùghù enyəa, “Zə̀ kə̀ tsoʼn nù am fwàʼ kə̀a kə̀ dzûŋ kə̀là ghù fwàʼa, chia kə zuw sughò gɔ̂ɔŋ zə̀ghà zò.

Kə̀fwàʼ 10:7

A m bùghò tsə̀ndə̄ghā zə̀ è mò kə̂aa ghəa gho â wə̄n nughù tsughu, ù n tɔŋɔ sə̀ wò kɔ̀ ŋ wə̄n m bə̀ghà àsùghò sùghugòʼ è wə̄n e mɔ̀ʼ mò ù bǒo fùghù sùghò aŋ ghəa a Kəzə̀, mò ù fə̀ lo ghùw u mɔ̀ʼ an sùghugòʼ təla tə fwaʼa â wə̄n,

Kə̀fwàʼ 11:14

ù bùghò kə̂aa wô ghù â shwaʼ ù li wo, ghù kè zəa tuw ko a te ghɛ̀ à ghê ghì ghə̀a ghò a dzə̀m an ndughu.’

Kə̀fwàʼ 13:16

Pôl fi nughù těe kɔʼ nû, fòʼn ndùw aŋ ghu enyəa ghe doʼò tsughu mɔŋ, kàʼ ndùw ghəa à kəaa gho, “Wo ghî ghə Ezə̀lɛ̂ ghò, àsùghò ghɛ̀ à li ghə̀là ghɛ̀ tsəŋō Zə̀ kò, zuw nlo ghɛ a.

Kə̀fwàʼ 13:26

Ù n nì tsùghù enyəa, “Ghî ghə Ezə̀lɛ̂ ghaŋa gho, wɛ ghə Abə̀làhâm ghò, à Tòʼò zən è dzə̀m ghe kɔʼso Zə̀ kò fɛ, à lò â sɛ̀ ghe tum wô tum zən enyəa sɛ̀ lo zəa nù tuw ko.

Kə̀fwàʼ 13:50

Ghî à ne a Tə̀dzûu ghə̀ ŋ kuuwn tsuʼn kaaŋ kô ghì à tughu gho alo enaʼ àsùghò ghìzən à ne ghəla ghe mò lo mo ghe m boo aŋ Kə̀lestò, ghe n nùghù kàʼ ndùw Pôl ghèe Bànabàs alebɛ̀, dzùm sə kɔʼ ghee am mbùʼ è ghee.

Kə̀fwàʼ 18:8

Kə̀lispùs, ghùw wəla ù mò lô tuw ko an Ndùghène è Tə̀dzûu è te, ghèe ghê ghì â wə̄n gho an ndughu m boo fughu ndùw am Mughu ù te; ndə̀mà tə ghì a Kɔlèent ghəla ghe mò zuw shwaʼ u Pôl wò, ghe mo è boo, nì kɔ̌ʼ mùghù ŋ Kə̀zə̀.

Kə̀fwàʼ 2:5

À fə̀ an nə̀gha zən lǒ mò Tə̀dzûu, ghî ghəla ghe gaʼ tsughu fə̀ŋ aŋ ghəa e Kəzə, mughu an Yɛ̀lusalɛ̀m, ghe sə kaaŋ wo an nàʼà mə̀n n dzə̀m fɛ am mbī.

Kə̀fwàʼ 22:12

Ghùw ù lì n lo a fughu alo enaʼ ghe mò tɔŋlo enyəa à lǒ Ànànîas, ghùw ù Kəzə̀ ù lì ù bɔɔ̄m bwîi tsəghà ko alo kəlàŋ, mo Dzûu təla tə mughu fughu ŋgee tsə̄ŋō sùghò wə̄n.

Kə̀fwàʼ 8:2

Ghî ghəla ghe fə̀ lo mo ghe n zə zo aŋ ghəa e Kəzə̀ m bòʼò tsə̀la tsughu Sìtofɛ̀, dì tsɔ̌ʼn tsughu enyə.

Kə̀fwàʼ 9:11

Mughu ù te n daŋso dzɛ̀ â wən enyəa, “Nùghu tsughùu ghù nduw an dziī e zəā ghe tɔŋlo enyəa à lǒ Dzì è Tsəghatsəgha, ghù nduw an ndughu alô Dzudàs, ghù bvʉ tsughu ghùw ù Talsùs wəla ghe tɔŋlo enyə à lò Sôol. Ù gɔ̀ɔŋ nù,

Kə̀fwàʼ 9:31

Ghî ghəla ghe mò boō fughu an Dzùdîa, aŋ Galèlîi àsùghò an Sàmalìa ŋ kòom tsə̀ŋo yo, bəgha tiso kɔʼ ughue. Ghəa ghe sô mughu, tsəŋo ndùw ko Mughubè ù te, mo Zuʼ tə̀ Zɔlɔ tə ki sugho ghee aŋ ghù kə̀ dzûŋ kò, kɔ̂n kə ghee kə n nomlo.

Kə̀fwàʼ 9:36

Tsə̀ndə̄ghā è lǐ n lo an Dzopà ghe mò tɔŋlo enyəa à lǒ Tàbità, mo e moʼò an shwaʼ u Gə̀lês enyəa Dolkàs (tsəfəŋgwū). Nughò vʉ n lo mò ù ŋge gaʼ fə̀ŋ aleghəəŋ ko ghəa à dzûŋ ghò, ù ŋ ki sugho ù m bughuu sùghò â ghu ko.

Kòloshìan 4:2

E kwo ko ghɛ̀ lô so e bughuu dòʼnlò alegɔɔ̄ŋ zee. Ghɛ̀ è tɔʼɔ̄ tiso kɔʼɔ tuw wɛʼɛ wo abugho ghɛ̀ gɔ̂ŋlo, fughuu ndùw sùghò kə̀zɔ̀ŋlò â Zə̀ kò.

1 Tɛ̀sàlonìan 5:17

E gɔ̄ŋlō nlò nə̀ghā tən tə̀ dzə̀m.

Dzɛ̂ms 1:5

Abugho ghùw wɛʼɛ ləghaa alekele ùtɔ [am fəgha kəla Zə̀ kə̀ ləghaa], ù m bvʉ̀ ndùw â Zə̀ kò, Zə̀ kə̀ sô fùghuu nù, tɔŋlo enyəa, Kə bughuu â ghu ko, fughuu ghì ghə̀n à dzə̀m â fʉgha wo mò Kə sə̂əm yò.

Edêe Fughu 15:4

À lò ndūghō ù yò alestə̄ŋ ghu a Tsə̂ntə̀mbî, ù tàʼkè fughuu wô ghù â kɔʼso an zən zəghà mò a? Nu à bɔ̌ɔm zɔlɔ ko ghù â nəŋ ko. Aghî a dzə̀m an nàʼà mə̀n n dzə̀m kè bùghò tə̀ma tə̀ŋguʼ a tsəlà ghù, tɔŋlo aghî a dzə̀m ŋ ko enyəa ghəa ghəla ghù ghəŋlo a lo tsəghatsəgha.”