Kə̀fwàʼ 10:15 - To kə Kəzə̀ kə̀ Fughu ko

¹⁵ Ghùw vʉ n dzɛ̀ kpèʼe wò â wən enyəa, “Fəgha kə̀là Zə̀ kə̀ sûw naŋā tsughu ghù kì yo aledzɛ̀ enyəa bughōo kə enaʼ kə kâ bǒo.”

Kə̀fwàʼ 10:15 Iomraidhean Croise

Matìo 15:11

à yò dzə̂ fəgha kəla kə nyəā nduw an dzughu e ghûw kə boōn ghùw, à lò fəgha kəla kə səā wo an dzughu e ghûw kə boōn wə̄n.”

Mâk 7:19

bòʼ kə nyəa tsughuu ndùw dzə̀ yò am fə̂ŋ, kə ndûuw an nʉ̀ghà, ù m bvʉ̀ màʼà è nduw a?” (Ù mǒ fi dzɛ mgbaaŋ wo enyəa fə̀ghàa n zə̌a mən n dzə̀m zɔ̀lɔ nù.)

Kə̀fwàʼ 10:16

Ghəa ghən n sə tənəghā tətəgha, ghe n daŋso nì nùghù kɔ̀ʼ ndùw fəgha kə te ko alo kəwālā.

Kə̀fwàʼ 10:28

Ù n dzɛ̀ â ghee enyəa, “Ghuē è ghùe zɛʼɛ̄ e mgbaŋ tɔ̀ʼ kwò sugho nû enyəa lâŋ kə̀ kâ bǒo dzə̀ enyəa ghùw Dzûu dòʼò dzəŋlo ŋkāa ù ndùw bwîin kôʼ Ètòʼò; Zə̀ kə̀ ŋ kòom dè tsùghù â mùghò enyəa e kwo Ǹ lô niī ghùw ù lì tǒ làŋà kə ghûw ŋkāa tò udzʉ bòʼ bughōo kə enaʼ kaŋā.

Kə̀fwàʼ 11:9

Dzə̀ è te n dzɛ̀ tsughu kpeʼe wò alo kəwālā enyəa, ‘E kwo ko ghù lo nî fəgha ko enyəa kə dzəa nù, mò Zə̀ kə̀ ŋ ghəŋlo enyəa kə e zɔlɔ.’

Kə̀fwàʼ 15:20

a laām tɔɔ̄ dzâa ndûw â ghee enyəa e kwo ko ghe lô zəā fəghàzəa ko mo ghe n sɛ̀ alo uzʉ̀kɔ̂ŋ, ghe ka e nuūŋ kaŋlo, ghe ka e pfʉa nyòm mo ghe bɔe wī nû, ghe ka mʉ sùghò kâŋ tò.

Kə̀fwàʼ 15:29

nyəa ghɛ̀ bughu naŋa alezə̄a fʉgha wəla ghe sâa ndûw alo uzʉ̀kɔ̂ŋ, kǎ nlò è mʉa kâŋ tò, kǎ nlò pfʉa nyòm zəla ghe wi mo ghe bɔe wī nû, ghɛ̀ zəghaa maʼa sugho ghəa à nu kaaŋ gho. Abugho ghɛ̀ zəghàa maʼà tsughu ghəa ghən, à lo lǒ dzɔ̀ â ghɛ̀. Dòʼo nlò kədzûŋ.”

Kə̀fwàʼ 15:9

Ù n sùw màʼà sùghò bòo tə ghee bòʼ ghe gaʼ tsughu fə̀ŋ aŋ Kə̀lestò. Ù bàa yò kpiī wo sɛ̀ à ghê Tòʼò zò.

Lumà 14:14

Ŋ̀ kwo nû aŋghəa Ǹ lô fəgha ko kə mɔ̀ʼ ghàʼ à Mughu ù te Yɛso enyəa fʉghazəa ù li yo dzə̂ u dzɔ̂ɔ yo â ghì ghò alezəa. Abugho ghùw ù li kuuwn moʼnlò enyəa fʉghazəa u te u dzɔ̂ɔ yo alezə, a fi lo enyəa e dzɔ̂ɔ yò â wə̄n alezəa fʉghazəa u te wo.

Lumà 14:20

E kwo ko fəgha kəla ghɛ̀ zəa kə lô so e boon màʼn fwàʼ kə Kəzə̀ kò. Ghɛ̀ lo nû alezə ufʉgha u dzə̀m, e kǔuwn boo ko alezə fəgha kəla kə lo aleghəŋlo enyəa ghùw u lì bvʉ̀ aleghəŋlo èbo.

1 Kòlentìan 10:25

E pfʉa nyòm zən e dzə̀m ghe fênlo an tia e nyôm mò ghù kà ghəa gho am fə̂ŋ zəghà bvʉ̀nlo, ghəa a te a lô fəmso fə̀ŋ zə̀ghà.

Taetùs 1:15

Ghî ghə̀là ghe ki fə̂ŋ tə̀ zɔlɔ to, ghəa ghə̀n à dzə̀m zɔ̀lɔ nù â ghee. Yia a bughò ghəla ghe fwəlà luʼū to, boom fughuu ndùw sùghò yò, aghəa a dzə̀m â ghee lo à dzəa gho; tɔŋlo enyəa moʼnlò e ghee e bûʼ fwə̀n lò sugho nû, àsùghò fə̀ŋ tə ghee to.

Edêe Fughu 14:20

Tsugho e te zə n dòʼò sə ndùw â ŋgwəlā gho, ghe n dzughòon mbùŋlo n te mò, à n ŋ kuŋu səa wò tə̀kǎŋ fughu alo etsūgho mò tə məən nyəa tsughu ndùw tò tətàm tə bə̀ghà, zə̀ ŋ kùŋ mîasò ndùw tò alendùw kɔʼɔ tɛ̂ kam e tətàm mbɔm n təgha.