Kə̀fwàʼ 10:11 - To kə Kəzə̀ kə̀ Fughu ko

¹¹ Ù ŋ kòʼ ndùw wala kə nughù tsʉ tsughu, fəgha kə̀ li ko tǒ mgbàʼà kə mbà kə kəfəgha kə̀ li ko, kə n səa tsughuu wò mò à sèe tsùghuu wò buw ghə a dzūghū a te gho a chìakò.

Kə̀fwàʼ 10:11 Iomraidhean Croise

Matìo 8:11

M̀ fɛ dzàa wò nù â ghɛ̀ enyəa, ndə̀mà tə aghì tə̀ kè nùghùun wò am bàa tə mbī tən tə̀ dzə̀m, ghe e ke zəa dzəəŋ ghèe ghê Abə̀làhâm, Aezìk àsùghò ghê Yàkɔ̂b an naʼ e kəwālā.

Lûk 3:21

A m bùghò Dzɔ̌n fughu mɛʼɛ̀ tsughu ghî ghò â mùghù ŋ Kə̀zə̀ mo, ù n daŋso fùghù tsùghù sùghò Yɛso â mùghù ŋ Kə̀zə̀ mò. Aŋghəa Yɛsò so gɔ̂ŋlo, wala kə n tsʉ̀ è tsughu.

Dzɔ̌n 1:51

Yɛso ŋ kòom dzɛ̀ ndùw â wə̄n enyəa, “Kùmkùm, Ǹ dzâa wô â ghɛ̀ enyəa, ghɛ̀ lo kòʼò kəwālā kə tsʉ dòʼo, àsùghò tsə̀təndə̄ghā tə Kəzə̀ tò tə tsughuu kɔʼɔ̄ an làŋ kə Wɛ ù Ghùw.”

Dzɔ̌n 11:52

Ù kǎa kpuuw ko yo an tuw u tə̀ Dzuū; vʉ e wə̄n e ki sugho alenìi zûuŋ wô wɛ a Kəzə̀ ghəla ghe sɔʼn doʼò kaŋlo aŋ kàlà tə mbī e dzə̀m alo kəbəla kə mɔ̀ʼs.

Dzɔ̌n 12:32

Abugho ghe lo tɔ̂ʼ kɔʼso kɔʼ mugho edzuŋ, aghî a dzə̀m lo daŋso boō fughuu wô â mùghò.”

Kə̀fwàʼ 10:12

Nyôm tə̀n tə̀ dzə̀m tə bwiī, təla tə ghâaŋlo, àsùghò nwə̀n mò, ghe n lo am fəgha kə te ko.

Kə̀fwàʼ 11:5

“Mùgho mò lo an naʼ e Dzopà, mùghǒ ŋ gɔ̂ŋlò, ghəa à li ghə n ndùw ghə̌əŋ wò mùghò ènyə tò udzoō, mùghò ŋ kòʼ fəgha kə̀ li ko tǒ mgbàʼà kə mbà kə kəfəgha kə səā tsughuu wô alo kəwālā, mo ghe yia fughuu səa tsughuu wô am buw a fəgha kə te ko a chìakò; kə n sə̀ tsùghù bùghò tɛ̀ tsùghù a vʉ̀a mùghò.

Kə̀fwàʼ 7:56

Ù n dzɛ̀ tsùghù enyəa, “Koʼô, Ŋ̀ koʼò ndùw kəwālā kə tsʉ doʼō, Wɛ u Ghùw vʉ̀a ù ti aŋ kwe u Kəzə̀ ù təma wo!”

Lumà 1:16

Ǹ də̂nsò yò tuw ko alezughò Làbəlà è dzùŋ zən kùu ndùw Kə̀lestò, tɔŋlo enyəa à lǒ dzì zəla daʼa kə Kə̀zə̀ kə̀ bəghaasəa ghî ghən a dzə̀m ghe lo mo ghe m boo fughu â wə̄n, mò kə nî nùghù tsùghù a zəŋò Dzûu tò bughò tɛ̀ wò a zəŋò Tòʼò zò.

Lumà 9:4

Ghe lo ghî ghə Ezə̀lɛ̂, ghî ghəlà Zə̀ kə̌ fə nî enyəa ghe e lo wɛ a wə̄n gho. Kə n dè tsughu sùghò səghanyəgha ŋ wə̄n â ghee. Kə n zə kɔʼ ŋkâa ghèe ghee, fùghù ndùw ghee â làŋ kə ŋkāa kə te ko. Ghe yia kwo alefughu ŋkɔʼso â Zə̀ kò, kwo sugho to kəla Zə̀ kə fə̀ to naŋā.

Gàlashìan 2:15

Ghuūghùe zaʼā, à ghàʼ dzə Tə̀dzûu, mo à yò dzə̂ “Toʼò zəla e mughu alo ebo” aŋ ghə ghe tɔɔ̄ŋ ghee a te,

Gàlashìan 3:28

Ghɛ̀ a dzə̀m èzəŋ e lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso: nəŋò nəŋ è lì kôom yò dzə̂ a zəŋò ghùw ù Dzûu ghèe Tòʼò zò, ŋkāa, kəkɔ̂ ghèe ghùw wəla ù ndzə̀m mughu, ŋkāa a zəŋò wìnû ghèe wìzən.

Efɛsùs 1:10

Ghəa ghən a dzə̀m kè səa an nə̀ghà zəla Zə̀ kə̀ fə̀ môʼ naŋā, alenìi təmadzə̄əŋ wô ufʉgha u dzə̀m alo kəfəgha kə mɔ̀ʼ, alo kəwālā àsùghò aŋ ghueetsə̄, mò Kə̀lestò lo kətuw aŋ ghəa a te gho a dzə̀m.

Efɛsùs 3:6

Nàn kə eghəa e Kəzə̀ zən lo enyəa, Toʼò zə̀ m bughò kele sughô daʼa kə te ko aletəmadzəə̄ŋ ndûw Tə̀dzûu alezə̄ fʉgha u Kəzə̀, ghe lo tò wɛ a ghûw u mɔ̀ʼ, ghe yia ki sugho ghu ko am fəgha kəla Zə̀ kə fə̀ to naŋā â ghì ghəla ghe boo fughu â Kə̀lestò Yɛso. Ghəa à dzûŋ ghən enyə bùghò sə bòʼ làbəlà è dzùŋ zəla ghe fə̀ zuw, è boo.

Kòloshìan 3:11

Am mùghù è fughu zən, nəŋōnəŋ è lì kôom yò a zəŋò Toʼò zò ghèe ghê Dzûu tò, ŋkāa ghî ghəla ghe sugho twigh u ghee wo ŋkāa ghe tâʼkè sugho, ŋkāa ghî ghəla ghe lô nyôm tò ŋkàʼ tò, ukɔ̂ ŋkāa ghî ghəla ghe ndzə̂m mughu. Ghəa è səŋò zò aŋ ghəa ghən kuuwn lò ko enyəa, à mìaa ko Kə̀lestò alo aghəa a dzə̀m, Kə̀lestò wəla ù lò a zəŋò ghì ghò a dzə̀m.

Edêe Fughu 11:19

Ndughu e Kəzə̀ è ne alo kəwālā n daŋso nùghù tsʉ̀ è tsughu, a ŋ koʼō nyə̌a ndùw tɛtɛ kə ŋkāa kə wə̄n a fughu. Ghuuw zə n nùghù mwɛ̀ɛn kǎaŋ wò ènyə, a n zuuw mbɔ̂ŋ àsùghò dəm kə eghūuw, ghueekətsə̄ kə n noʼò, tiatia mə̀ ŋ ŋgee tâa.

Edêe Fughu 19:11

Mùghò mo e kôʼ wala kə n nùghù tsʉ̀ è tsughu, mughò ŋ kòʼ kɔ̀ʼ ndùw kə̀anyòm kə fəma ko. Ghùw wəla ù mò nyaʼ a te ghe tɔŋlo enyəa à lò Ghùw wəla ù naāŋ dzughu e wə̄n zo, lò sugho êsəŋò, ù saʼā saʼ tsəghatsəgha, təma sùghò tsàm tsəghatsəgha.

Edêe Fughu 4:1

A m bùgho kôʼ M̀ mɛʼɛ̀ tsughu ghəa ghən gho, mùghò n lɛɛn kɔ̀ʼ è nduw, kòʼ kpèʼe ndùw ghəa à li gho tò Ŋ̀ koʼò an udzǒo, mughò ŋ kòʼ ndùw fuū u ndughu alo kəwālā mo wə n tsʉ̀ dòʼò! Dzə̀ zəla M̀ mô bûʼ zuw è kə̀aa wô mugho â ghəa gho to mbuwlì lò kuū, n dzɛ̀ â mùghò enyəa, “Sə kɔ̀ʼ wò fɛ, tò Ǹ dêe wô fəgha kəla kə ki alenì kə̀bala abugho ghəa ghən tsəghà tsughu.”