Kə̀fwàʼ 10:1 - To kə Kəzə̀ kə̀ Fughu ko

¹ Ghùw ù lì n lo aŋ Kàesalìa ghe mò tɔŋlo enyəa à lǒ Kɔ̀nelìus, mò ù lǒ ghùwnē an saʼ kə təsùghugòʼ kəla kə mò sə wo an Etalì.

Kə̀fwàʼ 10:1 Iomraidhean Croise

Matìo 27:27

Sùghugòʼ tə̀ n daŋso nì nyə̀ ndùw Yɛso am mbɛ̀ è gɔvə̀nò. Nɔ̂e kə təsùghugòʼ chì kə̀ dzə̌m fughu n dzə̀əŋ ŋgəa kɔʼ wə̄n.

Matìo 27:54

A m bùghò kɔmdzūghū ù təsùghugòʼ ù te ghèe ghê gbè təla tə mò chîin Yɛso kòʼ tsughu ghəa ghueekətsə̄ kə gbəla kɛʼn wo, à ghəa à li yìa a mò nîi bala ko, fə̂ŋ tə̌n sə tsughu ghee enyə, ghe mo enyəa, “Ghùw wən mò kuūm lo Wɛ ù Kə̀zə̀.”

Mâk 15:16

Sùghugòʼ tə̀ n nì nùghù nyə̀ ndùw wə̄n am bē kə mbɛ̀ kò a lô Paelɛ̀t, nyə tɔŋɔ zùuŋ tsùghù ghue e ghee,

Lûk 7:2

Komndzūghū ù tə̀sùghugòʼ ù lì n lo a fughu, ki kɔ̂ɔ fə wə̄n ù ŋge gaʼ fə̀ŋ a te. Kɔ̂ɔ fə te fə n dzaŋà, kuu kòʼò ndùw.

Dzɔ̌n 18:12

Komndzūghū ù tə̀ sùghùgòʼ à sùghùgòʼ tə wə̄n to ghèe ghê gbè tə Tə̀dzûu ti tə n daŋso kwù kɔ̀n tsùghù Yɛso.

Dzɔ̌n 18:3

Dzudàs n ndùw bùghò fughu an sum u te wo à saʼ kə təsùghugòʼ kò ghèe ghê gbè tə̀ tə Ndùghù è Kə̀zə̀ è ne an Yɛ̀lusalɛ̀m tə̀ li to, mò a tùm wò tuw u təfɔ̀e ghèe ghê ghì a Falàsîi ghò, ghe ŋ ki fʉgha wə ntɔ̄, à kɛ̀ʼɛ̀ wò.

Kə̀fwàʼ 10:24

Ghe n nyəaa ndùw aŋ Kàesalìa an tsūʼ ù li vʉ̄a u dzûum wo. Ghəa Kɔ̀nelìus mò kwo enyəa ghe bughòo nù, ù n nàʼà tsùghù tom a wə̄n, àsùghò fə̀n a wən à tughu gho.

Kə̀fwàʼ 21:31

Ghəa ghe dəmà kaŋlō alewī wə̄n, kɔmdzūghū wəla ù mò lô tuw ko an saʼ kə təsùghugòʼ n zuw làbəlà è te enyəa Yɛ̀lusalɛ̀m e dzə̀m tì alo efwēe.

Kə̀fwàʼ 21:8

33 Tsuʼ ù li vʉ̀, ghàʼ ghəla a mò bwîi dzəə̄ŋ wo ghàʼ à ghê Pôl n zə̀ghàa è tsughu, bùghò aŋ Kàesalìa, bùghò nyə̀ ndùw an ndughu alô Felêp wəla ù fə̀ lo èfɔ̀ɔŋgèle, ghùw aŋ ghì ghən sə̀ghàmbəgha ghe mò tsɔʼ kɔʼ an Yɛ̀lusalɛ̀m aleyosō wo, ghàʼ ndùw dòʼò ndùw ghàʼ à ghee.

Kə̀fwàʼ 22:25

A m bùghò ghe kwu kɔ̂n tsughu wə̄n am bwāʼ, Pôl n nùghù bvʉ kɔʼ â kɔmdzūghū vʉ̀ ù mò ti fughu enyəa, “Lâŋ kə̀ boo nù enyəa ghɛ̀ bu ghùw ù Lumà mò ghɛ̀ kâ wən bûʼ sàʼ dzə̌ aŋ ghə̀a è li zo ù kpaʼ bonlō a?”

Kə̀fwàʼ 23:23

Pfʉtəŋgə̄m vʉ n daŋso tɔŋɔ tsughu ghê komndzūghū a bə̀ghà, dzɛ̀ â ghee enyəa, “Ghəəŋ naŋa tsughu nlǒ bɔ̀m n tə̀sùghugòʼ mò m bə̀ghà, àsùghò ghə̀m sùghugòʼ mǒ səghāmbəgha ghe nyəŋo kʉ̀anyòm wo, àsùghò mbɔ̀m n tə̀sùghugòʼ mò m bə̀ghà ghe shʉ̂aan ghɔŋ gho, ghe ki alendùw aŋ Kàesalìa nɛ â tsuʼwo an tàm tə ezuuw tɛ̀ndzūghū â tsuʼ wo.

Kə̀fwàʼ 23:33

A m bùghò ghî a ukʉ̀anyòm ghən bugho tɛ̂ tsughu aŋ Kàesalìa ghèe ghê Pôl, ghe m fùghù ndùw mwàʼsò chì â gɔvə̀nò, ghe fùghù tsəghà ndùw sùghò Pôl â wə̄n.

Kə̀fwàʼ 25:1

A m bùghò Fɛstùs kɔʼ kɔʼ ndàŋ aŋ Kàesalìa, tsuʼu mə̀ n tsə̀ghà tsùghù n təgha, ù ŋ zə̀ghàa è tsùghù nùghù kɔ̀ʼ ndùw an Yɛ̀lusalɛ̀m.

Kə̀fwàʼ 25:13

A m bugho tsuʼu n lǐ n tsəghà tsughu, Mbɛ̀ɛ Agelepà m bùghò aŋ Kàesalìa ghèe Bɛ̀nîs alebùghò tɔɔ̄ŋ zuw Fɛstùs.

Kə̀fwàʼ 27:1

A m bùghò ghe tsughu boō tsughu enyəa ghàʼ ndûw an Etalì, ghe n nì kɔ̀ʼ Pôl ghèe ghê ghǐindùghùtsaʼ à li gho, fughu tsughu â Dzulìus, komndzūghū ù tə̀sùghugòʼ ù lì an naʼ e Lumà. Bəghà wən mò lo ghùw an saʼ kə sùghugòʼ təla ghe tɔŋlo enyəa à lǒ sùghugòʼ tə Də̀ŋ kə̀ ne kò.

Kə̀fwàʼ 27:31

Pôl n dzɛ̀ â komndzūghū vʉ̀ ghèe ghê sùghugòʼ ti enyəa, “À gɔ̀ʼɔ̀ mo ghî ghən doʼòdòʼò tsùghù alo kəkwə̀n, ghɛ̀ yo alezə̄ kə̄tūw.”

Kə̀fwàʼ 27:43

Komndzūghū vʉ ŋ kuuwn ləghaa alebàʼ mbàŋ an tuw kə Pôl, ù ŋ ghəəŋ tsughu sùghugòʼ to enyəa ghe ka fwâʼ fəgha kela ghe mô moʼō ghè kò. Ù n dzɛ̀ tsùghù enyəa ghî ghəla ghe lô aletəgha ghe tɛ̂ɛn nughù səā ndûw alo kəkwə̀n esə̄, ghe nughù ndûw alendùw səā kɔʼ,

Kə̀fwàʼ 8:40

Felêp n tɛ̀tsə̀n ko mò ù sò lò an Azotùws mò ù sò nàʼn ndùw Làbəlà è dzùŋ zən naʼà tə̀nàʼà, tsə̀ghàa dàŋso ndùw, nàʼà ndùw tɛ̀ ndùw aŋ Kàesalìa.