Kə̀fwàʼ 1:8 - To kə Kəzə̀ kə̀ Fughu ko

⁸ Ghɛ̀ lo kuuwn kele tsughuu ùdwaʼa abugho Zùʼ è Zɔ̀lɔ lo bughò tsɛ̀ʼɛ̀ ghɛ; ghɛ̀ lo daŋso doʼō tsughu ghɛ̀ è mʉā fughuu gùw zaŋa an Yɛ̀lusalɛ̀m, an Dzùdîa e dzə̀m à Sàmalìa e dzəm, àsùghò alendùw tâa ndûw aŋ kàlà tə mbī ten tə̀ dzə̀m.”

Kə̀fwàʼ 1:8 Iomraidhean Croise

Matìo 24:14

Ghe lo naʼà tsughu làbəlà è dzùŋ zə̀n â nàʼà mə̀n n dzə̀m n dzə̀m, to ghî ghən à dzə̀m zuūw, sěe mbī lo daŋso bughò mîanlo.”

Matìo 28:19

Ndǔuw ko nlò êzə̄ŋ, ghɛ̀ è ghəəŋ nduw enyəa ghî ghə̀ è doʼn wo tsə̀təndə̄ghā taŋa to an nàʼà tə̀n tə̀ dzə̀m. Abugho ghe boō fughu tsughu, ghɛ̀ è fughuu nduw ghee â mùghù ŋ Kə̀zə̀ mò an zən e Tsele ù te, àsùghò an zən e Wɛ̀ ù te, àsùghò an zən Zuʼ tə̀ Zɔlɔ to.

Mâk 16:15

Ù n daŋso dzɛ̀ tsùghù â ghee enyəa, “Nyə ndǔw nlò am mbī e dzə̀m, ghɛ̀ naʼa nduw tùm è dzûŋ zən â ghì ghò a dzə̀m.

Lûk 1:35

Tum zə n dzɛ̀ â wə̄n enyəa, “Zuʼ tə̀ Zɔlɔ tə lo nyəən tsughuu a zəŋò ghù, ghù lo e mughu an daʼa kə Kəzə̀, Tsə̂ntə̀mbî. Zən lò e ghee ghe lo tɔɔ̄ŋ tsəgha wɛ wəla ghù lo dzəā wô enyəa, à lǒ Wɛ ù ŋgòʼ; tɔɔŋ Wɛ ù Kə̀zə̀.

Lûk 10:19

Kòʼô, mùghò ŋ ghɛ̀ â dwaʼa u fughu aledàŋlò alo təzughu, dàaŋ sùghò alo tənàŋ, àsùghò enyəa ghɛ̀ è ghaʼa wo ghî ghəla ghe lô ghî a kətuw ghɛʼɛ̄ gho; fəgha kə lô ghùw wɛʼɛ kɛ̂ yò.

Lûk 24:29

Ghe n tɔ̀ʼ bùʼ kəghu â wə̄n enyəa, “Bwii dòʼò fɛ sɛ̀, nu zuw e sô sàaŋ ndùw nù; nəgha zə n ndùw.” Ù m bə̀ŋ ndùw sùghò alenyəa gaʼā bwiī tsughu ghèe ghee.

Dzɔ̌n 15:27

Ghue e ughùe zɛʼɛ̄ e lo e teso dzaā sugho fəgha kəla Ǹ lo ghè kò, bòʼ enyəa sɛ̌ fə̀ ghəa a te gho dzeŋe ziī tsughu a dzə̀m.”

Kə̀fwàʼ 1:22

alenìi nughù wô an tì kə̀là Dzɔ̌n mò fughuu Mùghù ŋ Kə̀zə̀ mò â ghì ghò, bùghò tɛ̀ wò an tsuʼ fəla ghe mò nî nughù kɔʼ wən a te aŋ ghùu sɛ̀, nùghù kɔ̀ʼ ndùw â wə̄n. Ghùw ù ghee u mɔ̀ʼ kì aledòʼò wô sɛ̀ à ghee tǒ ghùw wəla ù mʉā fughuu sugho gùw è Yɛso aŋ ghəa a wə̄n à zoōm wo gho alo evʉ̄.”

Kə̀fwàʼ 1:5

Dzɔ̌n fə̀ ghî ghò â mùghù ŋ Kə̀zə̀ m fughuu alo mmùghu, gha kə kôom sə̌a yo aŋghəa ghe lo kuūwn fughuu ghɛ â mùghù ŋ Kə̀zə̀ mò alo təzùʼ.”

Kə̀fwàʼ 13:31

ù n ndùw dè sə̀ ughue an ndə̀mà tə n tsuʼu â ghì ghəla ghe mò bwîi wo dzì ghèe ghee alenùghù tsughu aŋ Galèlîi bùghò tɛ̀ an Yɛ̀lusalɛ̀m. Ghe êzəŋ fɛ lò ghî ghəla ghe teso dzâa ghəa a wə̄n gho â ghì ghə Ezə̀lɛ̂ ghò.

Kə̀fwàʼ 2:32

Zə̀ kə̀ maā Yɛso wən zôm nì nùghù kɔ̀ʼ, ghàʼ ghən à dzə̀m fɛ ti ko aŋ ghəa e te zo.

Kə̀fwàʼ 22:15

tɔŋlo enyəa ghù lo dòʼn ghùw wəla ghù teso dzâa ghəa a wə̄n gho â ghì ghə̀n à dzə̀m aŋ ghəa ghəla ghù kòʼ tsughu, zùw tsùghù è sugho.

Kə̀fwàʼ 3:15

Ghɛ̀ mo enyəa ghe fwəlà ndûw wiī maʼà ndûw Ghùw wəla ù fughuu mughùu zo, Zə̀ kə̀ ŋ kuuwn nì nùghù sə̀ kɔ̀ʼ wò ko wə̄n alo evʉ̄; ghue e ughùe zaʼā e maā ghəa a te gho a dzə̀m a kôʼ yia a dzâa wo êzə̄ŋ.

Kə̀fwàʼ 4:33

Ghəa tum tə te tə kele tsughu daʼa kən, ghe n tɔʼɔ̀ kə̀aa nyə̌a tsughûu ghəa a Mughubè Yɛso à zoōm gho alo evʉ à sə̀ŋ zò a te, Zə̀ kə̀ m bughuso ghee a dzə̀m.

Kə̀fwàʼ 5:32

Ghàʼ fɛ ti aleteso dzaā wo ghəa ghən, ghàʼ à ghê Zuʼ tə Kəzə̀ tə̀là ù fughuu â ghì ghəla ghe boō tsughu â wə̄n.”

Kə̀fwàʼ 6:8

Sìtofɛ̀ mò lo ghùw mò ù kì bughuso e Kəzə̀ a zəŋò wə̄n ndə̀m, ki kədaʼa kə ŋ ghəŋlo è tsughu ù n dè sə̀so tsughu nsəghàa ènyə â ghì yì.

Kə̀fwàʼ 8:1

Aŋghəa ghe dəmā ghèe ghê Sìtofɛ̀ êzə̀, Sôol m boo fùghù ndùw enyəa ghe nyɔ̂ʼ fwàʼ nù alewī Sìtofɛ̀. Ghe n nùghù kɔ̀ʼ an tsuʼ u te wo, ndzaŋso səso tsughu dzeŋe kə ghì a Kəzə̀ an Yɛ̀lusalɛ̀m ènyə, ghî ghə̀n à dzə̀m n nùghù sɛ̀ɛ tìnlo è tsughu, ndza tsughu mbùʼ è Dzùdîa edzə̀m, à Sàmalìa, à n dòʼòdòʼò tsughu kô tum.

Lumà 10:18

Ǹ sô fɛ kuuwn bvʉā wô enyəa, à lò enyəa ghe ka mo tùm è dzùŋ zən zuw ŋkāa? Ŋ̀ kwo enyəa ghe mafə zuw, nu Shwaʼ u Kəzə̀ u dzɛ̂ enyəa, “Ghe n zùghòo ŋgəa tsughu shwaʼ u te wo am mbī e dzə̀m. Bâ kə mbī kə̀ li ko yo mo ghe kaām shwaʼ u te wo a fughu zuw.”

Lumà 15:19

Ù fə̀ ghəa ghən ghəəŋ tsughu aŋ daʼa kə kɔ tə tətsə̌a təla mùghò fə̀ dê tsughu àsùghò sə̀ghàa mò, àsùghò an daʼa kə Zuʼ tə Kəzə̀. Zə ŋ ghəəŋ tsughu mùghò n naʼn wò Làbəlà è dzùŋ è Kə̀lestò zən an lùʼu tən tə̀ dzə̀m aŋghəa mùgho mò nughù wo an Yɛ̀lusalɛ̀m lɔʼso ŋgə̀a ndùw alendùw an naʼ zə Èlilekùm.

Kòloshìan 1:23

 ghɛ̀ alelo enyə, ghɛ̀ ki aleboō fughu tsughu an səŋò zən, ghɛ̀ tee tən tsughu ko a te, e kwo ko ghɛ̀ lô bomlo enyəa fəgha kə sêe nughù ghɛ am fəgha kəla ghɛ̀ mò zuw ghè kò an làbəlà è dzùŋ zən. Zən lǒ làbəlà è dzùŋ zəla ghɛ̌ fə̀ zuw, zəla ghe fə̀ naʼà nduw â ghì gho a dzə̀m a tsəla kəwālā, tɔɔŋ làbəlà zəla ghuūghùe waŋā Pôl, u tsoō zughò sugho.