Kə̀fwàʼ 1:5 - To kə Kəzə̀ kə̀ Fughu ko

⁵ Dzɔ̌n fə̀ ghî ghò â mùghù ŋ Kə̀zə̀ m fughuu alo mmùghu, gha kə kôom sə̌a yo aŋghəa ghe lo kuūwn fughuu ghɛ â mùghù ŋ Kə̀zə̀ mò alo təzùʼ.”

Kə̀fwàʼ 1:5 Iomraidhean Croise

Matìo 3:11

Ŋ̀ ghɛ fɛ fughuu â mùghù ŋ Kə̀zə̀ mò aledèe tsughu enyəa ghɛ̀ n tì màʼà ghəa ghɛʼɛ à biigh gho. Ghùw wəla ù lo kuūwn bughōo a bàâ mùghò m mùghò tsəghà sə; Ŋ̀ kâ bùʼ kɔʼ kpè alebòʼò gùw tə wə̄n, ù lô ghɛ̀ à mùghù ŋ Kə̀zə̀ ŋ kuuwn fughuu an Zuʼ tə Kəzə̀ àsùghò wə̀n mò a te.

Matìo 3:6

Ghe m bughò zàa wò vùŋ u ghee enyəa ghe ŋ ghəəŋ bonlo, Dzɔ̌n m fughuu tsughu ghee â mùghù ŋ Kə̀zə̀ mo an dzughù è Dzodàn.

Mâk 1:8

Ŋ̀ ghɛ â mùghù ŋ Kə̀zə̀ m fughuu alo mmùghu; ù lô ghɛ̀ â mùghù ŋ Kə̀zə̀ ŋ kuuwn fughuu an Zùʼ tə̀ Zɔlɔ to.”

Lûk 3:16

Dzɔ̌n m bɛ̀lɛ̀ ndùw ghee a dzə̀m enyəa, “Ŋ̀ ghɛ fughuu â mùghù ŋ Kèzə̀ mò; ghùw wəla ù ghaʼ tsəghà mugho, ù bùghòo nù, Ŋ̀ kâ bùʼ tsò kɔ̀ʼ ŋgàlà alezè gbaʼ u təgùw u wə̄n; ù lô ghɛ̀ kuuwn sùuw tsùghu an Zuʼ tə̀ Zɔlɔ to à wə̀n mò a te.

Dzɔ̌n 1:26

Dzɔ̌n n bɛ̀lɛ̀ ndùw ghee enyəa, “Ŋ̀ ghî à fughu â mùghù ŋ Kə̀zə̀ mò, zə̀ e kuūwn lo enyəa ghùw lo fì an tsə̀tèʼè fɛʼɛ mò ghɛ̀ kwo yo wə̄n.

Dzɔ̌n 1:31

Ghuūghùe waŋā, mùgho mò kwo sugho yo Wə̄n. E lo enyəa Ŋ̀ ghî à fɛ fughuu â mùghù ŋ Kə̀zə̀ mò aletsʉā naŋā kɔʼ sə ghɛʼɛ̄, ghɛ̀ ghî ghə Ezə̀lɛ̂, enyəa ghɛ̀ e lo alekòʼòkɛlɛ̄ Wə̄n.”

Dzɔ̌n 1:33

Ghuūghùe waŋā, mùgho fə̀ kwo sugho yo wə̄n, à sô fɛ lo enyəa, ghùw wəla u tum wô mugho enyəa M̀ bughò, mùghò è fughuu ghî ghò â mùghù ŋ Kə̀zə̀ mò, fə dzɛ â mùghò enyəa, ‘Ghùw wəla ghù kè koʼo Zuʼ tə̀ Zɔlɔ tə sə tsughu wô alo kəwālā, bùghò tsùghù maa dòʼò tsùghù a zəŋò wə̄n, kele tsughu enyəa à fi lo wə̄n wəla ù lo fughuu ghɛ â Zuʼ tə̀ Zɔlɔ to aleghəŋlo enyəa ghɛ̀ doʼo ghî à fughu gho.’

Kə̀fwàʼ 10:45

Dzûu təla ghe mò boō fughu tsughu, nùghù wò a bǎà ghê Pità, dzughu zə n zuu ghee, bòʼ ghe mò kwən fughu dāŋso sugho Etoʼò â namso kə Zuʼ tə̀ Zɔlɔ to;

Kə̀fwàʼ 19:4

Pôl n dzɛ̀ â ghee enyəa, “Dzɔ̌n fə̀ fughuu mùghù ŋ Kə̀zə̀ â ghì ghəla ghe lo mo ghe ti kuwnlo fə̂ŋ tə ghee tə̀ biigh to, dzàa ndùw â ghî ghò enyəa ghe boō fughu tsughu â ghûw wəla ù mò ki alebùghò a bǎa wə̄n, tɔɔŋ Yɛso.”

1 Kòlentìan 12:13

À fə̀ lo sugho Zuʼ tə̀ Zɔlɔ tə̀ mɔʼɔ tən to ghe fə̀ fughu sɛ̀ â mùghù ŋ Kə̀zə̀ mò a te — ŋkāa à lǒ Tə̀dzûu ŋkāa à lò Etoʼò, ukɔ̂ ŋkāa ghî ghəla ghe ndzə̂əm mughu — Zə̀ chia kə dzə̂n wô Zuʼ tə̀ Zɔlɔ tə mɔʼɔ tə to am fə̀ŋ tə sɛ̀.

Taetùs 3:5

kə m bəghasə̄ tsughu sɛ̀. Kə ka fə bəghasə̄ dzə̌ sɛ̀ bòʼ ghəa a sɛ̀ à dzûŋ ghə̀là sɛ̀ lo mò sɛ̀ ŋ ghəŋlo, à fə̀ kuuwn lo bòʼ se e wə̄n è kwuso zo, Kə̀ fə̀ bəghasə̄ sɛ̀. Kə fə sɛ̀ bəghasə̄ aŋghəa Kə fə̀ tum wô Zuʼ tə̀ Zɔlɔ to enyəa tə bughò sûuw maʼà sɛ̀ aŋ ghəa a sɛ̀ à biigh gho, àsùghò enyəa, to sɛ̀ kuūwn kɔʼ mwam e sɛ̀, sɛ̀ kele tsughu mughù è fughu zo.